കുറുമാറലിന് പിന്നാലെ ഭാമയ്ക്ക് സോഷ്യൽമീഡിയയിൽ പൊങ്കാല! പഴയ ഫേസ്ബുക്ക് പോസ്റ്റിന്റെ സ്ക്രീന് ഷോട്ട് വൈറലായതോടെ പോസ്റ്റ് പിന്വലിച്ച് നടി ഭാമ! നടിയെ ആക്രമിച്ച കേസിൽ കൂറുമാറൽ വിവാദം ശക്തമാകുന്നു....
നടി ഭാമയ്ക്കെതിരേ സൈബർ ആക്രമണം. നടി ആക്രമിക്കപ്പെട്ട കേസിൽ കൂറുമാറിയതിന് പിന്നാലെയാണ് താരത്തിന്റെ സോഷ്യൽ മീഡിയ അക്കൗണ്ടുകളിൽ കടുത്ത വിമർശനവും സൈബർ ആക്രമണവും ശക്തമായത്. ഭാമയുടെ ഫേസ്ബുക്ക് പേജില് വ്യാപക പ്രതിഷേധമുയരുകയാണ്. ഇതിനിടെ നടി ഭാമയുടെ പഴയ ഫേസ്ബുക്ക് പോസ്റ്റാണ് വീണ്ടും ചര്ച്ചയാകുന്നത്. 'ഈ കേസില് എന്റെ സുഹൃത്തിനു അനുകൂലമായി പൂര്ണമായ നീതി നടപ്പിലാക്കാന് കഴിയണമെന്ന് ആഗ്രഹിക്കുന്നു' എന്നാണ് നടി പോസ്റ്റില് കുറിച്ചത്. 2017 ഫെബ്രുവരി 24ലെ ഈ ഫേസ്ബുക്ക് പോസ്റ്റാണ് ഭാമ പിന്വലിച്ചത്.
എന്റെ പ്രിയസുഹൃത്തിനെതിരെ നടന്ന ആക്രമണത്തില് എന്നെപോലെതന്നെ ഒരുപാട് പെണ്കുട്ടികള് അസ്വസ്ഥരാണ്. എങ്കിലും കുറ്റവാളികളെയെല്ലാം പിടികൂടാന് കഴിഞ്ഞതില് വളരെ ആശ്വാസം. എത്രയും വേഗത്തില്തന്നെ മറ്റു നടപടിക്രമങ്ങള് നടക്കട്ടെ എന്നാഗ്രഹിക്കുന്നു. ഈ കേസില് എന്റെ സുഹൃത്തിനു അനുകൂലമായി പൂര്ണമായ നീതി നടപ്പിലാക്കാന് കഴിയണമെന്ന് ആഗ്രഹിക്കുന്നു. ഇനിയും ഇതുപോലുള്ള അക്രമങ്ങള് ആവര്ത്തിക്കാതിരിക്കാനുള്ള പഴുതുകളടച്ച നിയമവ്യവസ്ഥിതി നമുക്ക് ആവശ്യമല്ലേ..?
ശിക്ഷാനടപടികളില് മാറ്റം വരേണ്ടതല്ലേ? എല്ലാ സ്ത്രീകള്ക്കും നമ്മുടെ നാട്ടില് പേടി കൂടാതെ സഞ്ചരിക്കാന് കഴിയുന്ന ഒരു കാലം എന്നാണു വരുന്നത്? 'എന്റെ പ്രിയസുഹൃത്തിനു എല്ലാവിധ പിന്തുണയും. അതോടൊപ്പം ഈ അവസ്ഥ പുറംലോകത്തെ അറിയിച്ച അവളുടെ ധൈര്യത്തെ നിങ്ങള് ഓര്ക്കുക..' എല്ലാവരുടെയും നിറഞ്ഞ സ്നേഹവും പിന്തുണയും അവരുടെ കൂടെ ഉണ്ടാവണമെന്ന് ആഗ്രഹിക്കുന്നു. ഇനങ്ങനെയായിരുന്നു നടി ഫേസ്ബുക്കിൽ കുറിച്ചത്.
കഴിഞ്ഞ ദിവസമാണ് നടി ആക്രമിക്കപ്പെട്ട സംഭവത്തിൽ പ്രോസിക്യൂഷൻ സാക്ഷികളായിരുന്ന ഭാമയും നടൻ സിദ്ധിഖും കൂറുമാറുന്നത്. അമ്മ സംഘടനയുടെ സ്റ്റേജ് ഷോ റിഹേഴ്സൽ സമയത്ത് ദിലീപും ആക്രമണത്തിനിരയായ നടിയും തമ്മിൽ തർക്കമുണ്ടായെന്ന് നേരത്തേ സിദ്ധിഖും ഭാമയും മൊഴി നൽകിയിരുന്നു. എന്നാൽ, ഇന്ന് കോടതിയിൽ ഇവർ ഇക്കാര്യം സ്ഥിരീകരിക്കാൻ തയ്യാറാകാത്തതിനെ തുടർന്ന് ഇരുവരും കൂറുമാറിയതായി പ്രഖ്യാപിക്കണമെന്ന് പ്രോസിക്യൂഷൻ ആവശ്യപ്പെടുകയായിരുന്നു. ഇതിന് പിന്നാലെ ഭാമയ്ക്കും സിദ്ധിഖിനുമെതിരേ രൂക്ഷവിമർശനവുമായി താരങ്ങളായ രേവതി, റിമ കല്ലിങ്കൽ, രമ്യ നമ്പീശൻ തുടങ്ങിയവർ രംഗത്തെത്തിയിരുന്നു.
സിദ്ദിഖ് മൊഴി മാറ്റിയത് മനസ്സിലാക്കാമെന്നും എന്നാൽ ഭാമയുടെ ഭാഗത്ത്നിന്ന് അത്തരത്തിലൊരു നീക്കം പ്രതീക്ഷിച്ചില്ലെന്നും രേവതി ഫെയ്സ്ബുക്കിൽ കുറിച്ചു. നമുക്കൊപ്പം പോരാട്ടത്തിലുണ്ടെന്ന് വിശ്വസിക്കുന്ന ഒരാളുടെ നിറം മാറുമ്പോൾ അതിയായ വേദന തോന്നുന്നുവെന്ന് രമ്യ കുറിച്ചു. മൊഴിമാറ്റിയ സ്ത്രീ ഒരു തരത്തിൽ ഇരയാണെന്ന് റിമ കുറിച്ചു.
ഭാമയ്ക്കെതിരേ രൂക്ഷവിമർശനവുമായി എഴുത്തുകാരൻ എൻ.എസ്. മാധവനും രംഗത്തെത്തിയിരുന്നു. യേശുവിനെ ഒറ്റിക്കൊടുത്ത യൂദാസിന്റെ ഒരു സിനിമയിലെ പടം പങ്കുവെച്ചായിരുന്നു എൻ.എസ്. മാധവന്റെ പ്രതികരണം. 'ഈ പടത്തിനു ഭാമയുമായുള്ള സാദൃശ്യം യാദൃശ്ചികം മാത്രം' എന്നാണ് അദ്ദേഹം ക്യാപ്ഷനായി നൽകിയത്.
ജാമ്യ വ്യവസ്ഥ ലംഘിച്ച് സാക്ഷികളെ സ്വാധീനിക്കുന്നതിനാൽ ദിലീപിന്റെ ജാമ്യം റദ്ദാക്കണമെന്ന് ആവശ്യപ്പെട്ട് കഴിഞ്ഞ ദിവസം പ്രോസിക്യൂഷനും കോടതിയിയെ സമീപിച്ചിരുന്നു. അതിന് പിന്നാലെയായിരുന്നു ഈ മൊഴിമാറ്റവും.
https://www.facebook.com/Malayalivartha