യുദ്ധം വേണ്ട ഞങ്ങള്ക്ക് സമാധാനം മതി; ഒടുവില് അടവ് മാറ്റി ചൈന; വിടാതെ ആക്രമിച്ച് ട്രംപ്; യുദ്ധം ആഗ്രഹിക്കുന്നില്ലെന്ന് ഐക്യരാഷ്ട്ര സഭയില് ഷി ജിന് പിംഗ്; ചൈന തിരിച്ചടികള് പാഠമാക്കുന്നതോ തിരിച്ചടിക്കാന് തയ്യാറെടുക്കുന്നതോ?
ഒരു രാജ്യവുമായി ശീതയുദ്ധമോ യഥാര്ത്ഥ യുദ്ധമോ നടത്താന് ചൈനയ്ക്ക് ആഗ്രഹമില്ലെന്ന് ലോക രാജ്യങ്ങള്ക്കു ഉറപ്പ് നല്കി ചൈനീസ് പ്രസിഡന്റ് ഷി ജിന് പിംഗ്. ഐക്യരാഷ്ട്ര പൊതുസഭയില് ചൊവ്വാഴ്ച നടത്തിയ പ്രസംഗത്തിലാണ് ഷി ജിന്പിംഗ് ഇത്തരത്തില് പ്രസ്താവിച്ചത്. എന്നാല് ചൈനയെ കുടിച്ച വെള്ളത്തില് പോലും ആരും വിശ്വസിക്കാത്തതു കൊണ്ട് ഷി ജിന് പിങ്ങിന്റെ വാക്കുകള് ആരെങ്കിലും മുഖവിലയ്ക്ക് എടുക്കുമെന്ന് തോന്നുന്നില്ല. എങ്കിലും തങ്ങള് എന്തൊക്കെയോ ആണെന്നുള്ള മായാ ലോകത്തു നിന്നും ചൈനയും അവരുടെ പ്രസിഡന്റും ഇറങ്ങി വരുന്നത് ശുഭകരം തന്നെയാണ്. സംഭാഷണത്തിലൂടെയും ചര്ച്ചകളിലൂടെയും ഞങ്ങള് പരസ്പര വ്യത്യാസങ്ങള് കുറയ്ക്കുകയും മറ്റുള്ളവരുമായുള്ള തര്ക്കങ്ങള് പരിഹരിക്കുകയും ചെയ്യും. ഐക്യ രാഷ്ട്ര സഭയുടെ ആഭിമുഖ്യത്തില് നടത്തിയ ലോകനേതാക്കളുടെ വാര്ഷിക സമ്മേളനത്തിന് മുന്കൂട്ടി റെക്കോര്ഡുചെയ്ത വീഡിയോ പ്രസ്താവനയില് ലോക രാജ്യങ്ങളെ അഭിസംബോധന ചെയ്തു കൊണ്ട് ഷി ജിന് പിംഗ് പറഞ്ഞു. ഞങ്ങള് സ്വയം വികസിപ്പിക്കാനോ ഞങ്ങളുടെ താല്പര്യങ്ങളെ മാത്രം സംരക്ഷിക്കാന് ഉതകുന്ന പ്രവര്ത്തനങ്ങളില് ഏര്പ്പെടാനോ ഉദ്ദേശിക്കുന്നില്ലെന്നും ഷി ജിന് പിംഗ് വ്യക്തമാക്കി.
അമേരിക്കയും ചൈനയും തമ്മിലുള്ള ദീര്ഘകാല സംഘര്ഷങ്ങള് പകര്ച്ചവ്യാധിയുടെ പശ്ചാത്തലത്തില് തിളച്ചുമറിയുകയാണ് , വാഷിംഗ്ടണിന്റെ പരമ്പരാഗത നേതൃത്വത്തോടുള്ള വെല്ലുവിളിയായി കൂടുതല് ബഹുമുഖ സ്വാധീനം ചെലുത്താനുള്ള ബീജിംഗിന്റെ ശ്രമം അടുത്ത കാലത്തായി പൊതുമധ്യത്തില് വന്നു കൊണ്ടിരിക്കുകയായിരുന്നു. എന്നാല് ചൈന സമാധാനം ആഗ്രഹിക്കുന്നത് അവര്ക്കു നിലവില് ഉണ്ടായിരിക്കുന്ന വീഴ്ചയില് നിന്നും രക്ഷപെടാന് ആയുള്ള ഒരു താല്ക്കാലിക ശ്രമം മാത്രമാണെന്ന് പകല് പോലെ വ്യക്തമാണ്. കഴിഞ്ഞ ഏതാനും വര്ഷങ്ങളായി അവര് അടുത്ത ലോക വന്ശക്തി ആകാനുള്ള തയ്യാറെടുപ്പുകളില് ആയിരിന്നു. അതുകൊണ്ട് തന്നെ അവര് ബഹിര്മുഖമായി വ്യത്യസ്ത മേഖലകളില് തങ്ങളുടെ സ്വാധീനം വര്ധിപ്പിച്ചു കൊണ്ടിരിക്കുക ആയിരിന്നു. എന്നാല് കോവിഡ് മഹാമാരിയോട് കൂടി വ്യാപാര മേഖലയിലും ഇന്ത്യയുമായുള്ള ഗാല്വാന് മേഖല സംഘര്ഷങ്ങളിലൂടെ രാഷ്ട്രീയ ഭൂമി ശാസ്ത്ര മേഖലകളിലും വന് തിരിച്ചടിയാണ് ചൈനക്ക് കിട്ടി കൊണ്ടിരിക്കുന്നത്. ഇതോടു കൂടെയാണ് ചൈന നയം മയപ്പെടുത്തുന്നത്. എന്നാല് ചൈന ഒരിക്കലും നന്നാവാന് പോകുന്നില്ല എന്നത് ആര്ക്കും പകല് പോലെ വ്യക്തമാകുന്ന കാര്യമാണ്. അവര്ക്കു ഇപ്പോള് വേണ്ടത് സമയമാണ്. ഇപ്പോള് കിട്ടിയ തിരിച്ചടികളില് നിന്നും കര കയറാനും അവരുടെ കുടില തന്ത്രങ്ങള്ക്ക് വേണ്ടി കൂടുതല് ഗൃഹപാഠം ചെയ്യുവാനും അവര്ക്കു സമയം വേണം. അതിനു വേണ്ടിയാണു ഇപ്പോള് സംഭവിച്ചിരിക്കുന്ന നയ വ്യതിയാനം. ലോക രാജ്യങ്ങളുടെ മുന്നില് തല്ക്കാലം നല്ല പിള്ള ചമയാനാണ് ചൈനയുടെ ഉദ്ദേശം.
എന്നാല് അങ്ങനെയൊന്നും കുലുങ്ങുന്നവന് അല്ല അമേരിക്കന് പ്രസിഡന്റ് ഡൊണാള്ഡ് ട്രംപ്. ഐക്യരാഷ്ട്ര സഭയുടെ വെര്ച്യുല് സമ്മേളനത്തില് ചൈനയെ അതി നിശിതമായി കടന്നാക്രമിക്കാന് അമേരിക്കന് പ്രസിഡന്റ് മറന്നില്ല. കോവിഡ് മഹാമാരി ലോക രാജ്യങ്ങളില് നിന്നും ഒളിപ്പിച്ചു വച്ച്, ലോകം ഇന്ന് നേരിടുന്ന സാമ്പത്തിക തകര്ച്ചയ്ക്ക് കാരണക്കാര് ചൈന ആണെന്ന് രേഖകള് അടക്കം കാണിച്ചു കൊണ്ട് അമെരിക്കന് പ്രെഡിഡന്റ് വെളിപ്പെടുത്തി. കൂടാതെ ലോകാരോഗ്യ സംഘടനയെയും അതി നിശിതമായി വിമര്ശിക്കാന് ട്രംപ് മറന്നില്ല. 'അവരുടെ പ്രവര്ത്തനങ്ങള്ക്ക് ചൈന ഉത്തരവാദികളായിരിക്കണം' എന്ന് ലോക ബോഡിയുടെ ജനറല് അസംബ്ലി ചൊവ്വാഴ്ച നടത്തിയ പ്രസംഗത്തില് ട്രംപ് ആവശ്യപ്പെട്ടു. വൈറ്റ് ഹൌസില് നിന്ന് മുന്കൂട്ടി രേഖപ്പെടുത്തിയ പ്രസംഗത്തില് കോവിഡ് 19ന്റെ ആഗോള വ്യാപനത്തിന് ചൈനീസ് സര്ക്കാരിനെ ട്രംപ് കുറ്റപ്പെടുതുകയുണ്ടായി , കൊറോണ വൈറസ് മൂലമുണ്ടായ മഹാമാരി , ഇപ്പോള് ലോകമെമ്പാടുമുള്ള 31 ദശലക്ഷം ആളുകളെ ബാധിക്കുകയും 965,000 ത്തില് കൂടുതല് ആളുകളെ കൊന്നൊടുക്കുകയും ചെയ്തു.
വൈറസിന്റെ ആദ്യ ദിവസങ്ങളില്, ആഭ്യന്തര യാത്രകള് നിരോധിച്ച ചൈന, അന്താരാഷ്ട്രീയ യാത്രകള്ക്ക് യാതൊരുവിധ നിയന്ത്രണങ്ങളും ഏര്പെടുത്തുകയുണ്ടായില്ല അതിനാല് തന്നെ കോവിഡ് വൈറസ് ലോകത്തെ ബാധിക്കാന് ഇടയായതില് ഏറ്റവും വലിയ കുറ്റക്കാര് ചൈനീസ് സര്ക്കാര് ആണ് , 'യുഎസ് പ്രസിഡന്റ് തന്റെ പ്രസംഗത്തില് പറഞ്ഞു. 'ചൈനയില് നിന്ന് നിയന്ത്രിക്കപ്പെടുന്ന ലോകാരോഗ്യ സംഘടനയും കൊറോണ വൈറസ് മനുഷ്യനില് നിന്ന് മനുഷ്യരിലേക്ക് പകരുന്നതായി തെളിവുകളില്ലെന്ന് തെറ്റായി പ്രഖ്യാപിച്ചു. ട്രംപിന്റെ പ്രസംഗത്തെ അസാധാരണം എന്നാണ് വിദഗ്ധര് പറയുന്നത്. ഹോഫ്സ്ട്ര സര്വകലാശാലയിലെ നിയമ പ്രൊഫസര് ജൂലിയന് കു പറഞ്ഞു. 'വൈറസിന്റെ വ്യാപനത്തിന് ചൈനയെ ഉത്തരവാദിയെന്ന് വിളിക്കുകയും അതിനെ' ചൈന വൈറസ് 'എന്ന് വിളിക്കുകയും ചെയ്യുന്നതിലൂടെ, പ്രസിഡന്റ് ട്രംപ് കൊറോണ മഹാമാരിയുടെ കാര്യത്തില് ചൈനയെ ഉത്തരവാദികളാക്കാന് ആഗോള പിന്തുണ തേടുകയാണ് . പ്രസിഡന്റ് ട്രംപിന്റെ ഈ ഒരു നടപടി അസാധാരണമെന്നു മാത്രമല്ല ഏതെങ്കിലും ഒരു അമേരിക്കന് പ്രസിഡന്റ് ഐക്യ രാഷ്ട്ര സഭയില് വച്ച് എപ്പോഴെങ്കിലും ആയി ചൈനക്കെതിരെ നടത്തിയ പരാമര്ശങ്ങളില് വച്ച് ഏറ്റവും രൂക്ഷവും ആണ്. ട്രംപിന്റെ പരാമര്ശങ്ങള് കാരണം ഐക്യരാഷ്ട്ര സഭ എന്തെങ്കിലും നടപടിയെടുക്കുമെന്ന് പറയാനാകില്ലെങ്കിലും മഹാമാരിയുടെ ഉത്ഭവത്തെക്കുറിച്ചും അതിന്റെ വ്യാപനത്തെക്കുറിച്ചുമുള്ള അന്താരാഷ്ട്ര അന്വേഷണങ്ങളുമായി പൂര്ണമായും വര്ധിച്ച രീതിയിലും സഹകരിക്കാനുള്ള ആഗോള സമ്മര്ദ്ദം ചൈനയുടെ മേല് ഇത് വര്ദ്ധിപ്പിക്കുമെന്ന് ജൂലിയന് കു പറഞ്ഞു. അതിനാല് ചൈനയുടെ ഈ അവസരവാദ പരമായ നയം മാറ്റത്തില് ഒരു കാര്യവും ഇല്ലെന്നും ലോക രാജ്യങ്ങളുടെ മുന്നില് തങ്ങളുടെ മുഖം മിനുക്കാന് നോക്കിയത് കൊണ്ടൊന്നും നിലവിലെ സാഹചര്യത്തില് മാറ്റം വരാന് പോകുന്നില്ലെന്നും. ചൈന ഇത് വരെ പ്രവൃത്തിച്ചതിനൊക്കെ അവര് കണക്കു പറയേണ്ടി വരുമെന്നും വ്യക്തമാവുകയാണ് അമേരിക്കന് പ്രസിഡന്റിന്റെ ഈ കടന്നാക്രമണത്തിലൂടെ.
https://www.facebook.com/Malayalivartha