ചൈനയോട് കനത്ത ജാഗ്രത പാലിക്കാന്‍ ആവശ്യപ്പെട്ട് മുന്‍ സൈനിക ജനറല്‍. ഇന്ത്യ-ചൈന അതിര്‍ത്തിയായ ഹിമാലയന്‍ സംഘര്‍ഷ മേഖലയില്‍ ചൈന കനത്ത ജാഗ്രത പാലിക്കണമെന്ന് അവരുടെ മുന്‍ സൈനിക ജനറല്‍ സമൂഹ മാധ്യമങ്ങളില്‍ കൂടെ ആവശ്യപ്പെട്ടു. പ്രതിരോധവുമായി ബന്ധപ്പെട്ട സോഷ്യല്‍ മീഡിയ അക്കൗണ്ടായ ലി ജിയാനില്‍ പ്രസിദ്ധീകരിച്ച ലേഖനത്തിലാണ് വിരമിച്ച ചൈനീസ് ലെഫ്റ്റനന്റ് ജനറല്‍ വാങ് ഹോങ്‌വാങ് മുന്നറിയിപ്പ് നല്‍കിയത്. ഇന്ത്യ, ചൈനീസ് അതിര്‍ത്തിയില്‍ തങ്ങളുടെ സൈനിക വ്യൂഹത്തെ ഏറ്റവും കുറഞ്ഞത് ഇരട്ടിയായെങ്കിലും വര്‍ധിപ്പിച്ചിട്ടുണ്ട് ഇത് ചൈനയെ ലക്ഷ്യം വച്ചാണ്. മുന്‍ സൈനിക ജനറലിനെ ഉദ്ധരിച്ചു കൊണ്ട് ചൈനയുടെ ദേശീയ മാധ്യമമായ സൗത്ത് ചൈന മോര്‍ണിംഗ് പോസ്റ്റ് റിപ്പോര്‍ട്ട് ചെയ്തു.

യഥാര്‍ത്ഥ നിയന്ത്രണരേഖ നിലനിര്‍ത്താന്‍ ഇന്ത്യക്ക് 50,000 സൈനികരെ മാത്രമേ ആവശ്യമുള്ളൂ. എന്നാല്‍ ഇപ്പോള്‍, ശൈത്യകാലം വരുന്നതിനുമുമ്പ് സൈന്യത്തെ പിന്‍വലിക്കുന്നതിനുപകരം, ഇന്ത്യ ലഡാക്കില്‍ ഏറ്റവും കുറഞ്ഞത് ഒരു ലക്ഷം സൈനികരെ എങ്കിലും കൂട്ടി ചേര്‍ത്തിട്ടുണ്ട്, 'തര്‍ക്കത്തിലുള്ള ചൈന ഇന്ത്യ അതിര്‍ത്തിയെ പരാമര്‍ശിച്ച് വാങ് പറഞ്ഞു. യഥാര്‍ത്ഥ നിയന്ത്രണ രേഖയ്ക്ക് സമീപം ഇന്ത്യ സൈനികരെ ഇരട്ടിയാക്കി അല്ലെങ്കില്‍ മൂന്നിരട്ടിയാക്കി. ചൈനീസ് പ്രദേശത്തിന്റെ 50 കിലോമീറ്റര്‍ പരിധിക്കുള്ളിലാണ് ഇവ നിലയുറപ്പിച്ചിരിക്കുന്നത്, ഏതാനും മണിക്കൂറുകള്‍ക്കുള്ളില്‍ അവര്‍ക്ക് ചൈനയിലേക്ക് എളുപ്പത്തില്‍ കടക്കാന്‍ കഴിയും. ഒരു സംഘര്‍ഷം ഉണ്ടാകാനുള്ള അപകട സാദ്ധ്യതകള്‍ ഉയര്‍ന്നിരിക്കുകയാണ്. തായ്‌വാന്‍ കടലിടുക്കില്‍ നടന്നു കൊണ്ടിരിക്കുന്ന സംഭവ വികാസങ്ങളും വരാന്‍ പോകുന്ന അമേരിക്കന്‍ പ്രസിഡന്റ് തിരഞ്ഞെടുപ്പും ചേര്‍ത്ത് വച്ച് നോക്കുകയാണെങ്കില്‍ ചൈനക്ക് ശക്തമായ ആഘാതം ഏല്‍പ്പിക്കുവാനുള്ള ഒരു അവസരമാണ് ഇന്ത്യക്കു കൈ വന്നിരിക്കുന്നത്. തന്റെ ലേഖനത്തില്‍ ജനറല്‍ വ്യക്തമാക്കി അത് കൊണ്ട് തന്നെ ചൈനീസ് സൈന്യത്തിന് തങ്ങളുടെ അതി ജാഗ്രതയില്‍ നിന്നും ഒരിഞ്ചു പോലും പിന്‍വാങ്ങാനുള്ള ഒരു അവസരം നിലവില്‍ ഇല്ല. ഇപ്പോള്‍ ഈസ്‌റ്റേണ്‍ തിയറ്റര്‍ കമാന്‍ഡിന്റെ ഭാഗമായ നാന്‍ജിംഗ് മിലിട്ടറി റീജിയന്റെ മുന്‍ ഡെപ്യൂട്ടി കമാന്‍ഡറാണ് വാങ്. ഇന്ത്യന്‍ സൈന്യത്തിന്റെ അംഗസംഖ്യ ലഭ്യമായ ഉറവിടം ഏതാണെന്നു വാങ് വെളിപ്പെടുത്തിയിട്ടില്ല.

കഠിനമായ ശൈത്യകാലത്തിനായി ഇരു രാജ്യങ്ങളും തയ്യാറെടുക്കുന്ന സമയത്താണ് ഹോങ്കുവാങ്ങിന്റെ മുന്നറിയിപ്പ് വന്നിരിക്കുന്നുവെന്നത് വളരെയധികം പ്രാധാന്യമര്‍ഹിക്കുന്നതാണ്. ലഡാക്കിലെ ഈസ്‌റ്റേണ്‍ എല്‍എസിയില്‍ ശീതകാലം അതിന്റെ കാഠിന്യത്തില്‍ എത്തുന്നതിനു മുമ്പുതന്നെ, ചൈനീസ് സൈനികര്‍ ആലിപ്പഴം പോലെ പൊഴിഞ്ഞു വീഴാന്‍ തുടങ്ങിയിരിക്കുകയാണ്, ഉയര്‍ന്ന ഭൂപ്രദേശങ്ങളിലെ കാലാവസ്ഥാ വ്യതിയാനങ്ങളോട് പൊരുത്തപ്പെടാനാകാതെ ചില പീപ്പിള്‍ ലിബറേഷന്‍ ആര്‍മി സൈനികരെ അടുത്തുള്ള മെഡിക്കല്‍ ക്യാമ്പുകളിലേക്ക് എത്തിക്കുന്നത് മാധ്യമങ്ങള്‍ റിപ്പോര്‍ട്ട് ചെയ്തിരുന്നു. ചൈന യഥാര്‍ത്ഥത്തില്‍ ഭയന്നിരിക്കുകയാണെന്നതാണ് അവരുടെ നടപടികളും പ്രതികരണങ്ങളും വ്യക്തമാക്കുന്നത്. ഈ ഭയത്തെ മറികടക്കുവാനും ഞങ്ങള്‍ക്ക് പ്രശ്‌നങ്ങള്‍ ഒന്നും ഇല്ലെന്നും ലോകത്തെ ബോധിപ്പിക്കാന്‍ അവര്‍ ചൈനീസ് കമ്മ്യൂണിസ്റ്റ് പാര്‍ട്ടിയുടെ മുഖപത്രമായ ഗ്ലോബല്‍ ടൈംസിനെയാണ് വിന്യസിചിരിക്കുന്നത്, ഉയര്‍ന്ന ഭൂപ്രദേശത്തെക്കുറിച്ച് നിലവിലില്ലാത്ത ചൈനീസ് അറിവ് ഉണ്ടെന്നു നടിക്കുകയാണ് അവര്‍. അതെ സമയം ഇന്ത്യയുടെ മേഖലയിലെ അപ്രമാദിത്യത്തെ കുറച്ചു കാണിക്കുവാനും ഗ്ലോബല്‍ ടൈംസ് രാപ്പകല്‍ ഉറക്കമില്ലാതെ പണിയെടുക്കുന്നുണ്ട്.

ഉയര്‍ന്ന പ്രദേശങ്ങളില്‍, ശൈത്യകാലത്ത് ധാരാളം സൈനികരെ സൃഷ്ടിക്കാനുള്ള കഴിവ് ഇന്ത്യയ്ക്കില്ല, അതിനര്‍ത്ഥം നിരവധി ഇന്ത്യന്‍ സൈനികര്‍ തണുത്തുറഞ്ഞ താപനിലയുടെയും അനിയന്ത്രിതമായ പകര്‍ച്ചവ്യാധിയുടെയും ഭീഷണി നേരിടേണ്ടിവരും. ഇന്ത്യന്‍ സൈനികരുടെ ലോജിസ്റ്റിക്‌സ് ചൈനീസ് പീപ്പിള്‍സ് ലിബറേഷന്‍ ആര്‍മിയുടേതുമായിയുമായി താരതമ്യപ്പെടുത്താനാവില്ലെന്ന് ഗ്ലോബല്‍ ടൈംസ് പറഞ്ഞു. ഈ പ്രചാരണങ്ങള്‍ വസ്തുതക്ക് നിരക്കാത്തത് ആണെന്നും ഇവ എന്ത് മാത്രം ചൈനയുടെ ഭയം വ്യക്തമാക്കുന്നുണ്ടെന്നും കൃത്യമായി കാണിച്ചു തരുന്നുണ്ട്. ഞങ്ങള്‍ക്ക് ആവശ്യമായ എല്ലാ സാധനങ്ങളും ഇതിനകം ആവശ്യമുള്ളിടത്തേക്ക് എത്തിച്ചിട്ടുണ്ടെന്ന് ഇന്ത്യന്‍ സൈന്യത്തിന്റെ 14 കോര്‍പ്‌സിന്റെ മേധാവി മേജര്‍ ജനറല്‍ അരവിന്ദ് കപൂര്‍ അറിയിച്ചു. ഇന്ത്യന്‍ സൈന്യം ഇതിനകം 150,000 ടണ്ണിലധികം വസ്തുക്കള്‍ ലഡാക്കിലേക്ക് മാറ്റിയിട്ടുണ്ട്, അതില്‍ ധാരാളം വെടിമരുന്ന്, ഉപകരണങ്ങള്‍, ഇന്ധനം, ശീതകാല വിതരണങ്ങള്‍, ഭക്ഷണം എന്നിവ ഉള്‍പ്പെടുന്നു. ലഡാക്ക് പോലുള്ള സ്ഥലത്ത് ഓപ്പറേഷന്‍ ലോജിസ്റ്റിക്‌സിന് വളരെ വലിയ പ്രാധാന്യമുണ്ട്. കഴിഞ്ഞ 20 വര്‍ഷത്തിനുള്ളില്‍ ഞങ്ങള്‍ ഇതില്‍ അഗ്രഗണ്യരായിരിക്കുകയാണ്. എല്ലാ ശൈത്യകാലത്തും കുറഞ്ഞത് നാല് മാസമെങ്കിലും ലഡാക്കിലേക്ക് പര്‍വതനിരകള്‍ മഞ്ഞു വീണു മൂടിയിരിക്കും. ഈ വസ്തുത കണക്കിലെടുത്ത് കഠിനമായ ശൈത്യകാലത്ത് ചൈനയുടെ പീപ്പിള്‍ ലിബറേഷന്‍ ആര്‍മിയെ നേരിടാന്‍ സൈന്യത്തെ സജ്ജമാക്കുന്നതില്‍ ഇന്ത്യ വളരെയധികം സജീവമാണ്.

എന്നാല്‍ ചൈനയെ കൂടുതല്‍ പരിഭ്രാന്തരാക്കുന്നത്, യഥാര്‍ത്ഥ നിയന്ത്രണ രേഖയില്‍ ഉടനീളം ഇന്ത്യ വേഗം വര്‍ധിപ്പിച്ചു കൊണ്ടിരിക്കുന്ന കൊണ്ടിരിക്കുന്ന തന്ത്രപരമായ റോഡുകളുടെയും തുരങ്കങ്ങളുടെയും നിര്‍മ്മാണ പ്രവര്‍ത്തനങ്ങളാണ്. ചൈനീസ് സൈന്യത്തിന്റെ ഭീഷണിയെ നേരിടാന്‍ ഏതാണ്ട് പൂര്‍ണ്ണ സജ്ജമായിരിക്കുകയാണ് ഒന്‍പത് കിലോമീറ്റര്‍ നീളവും മൂവായിരം മീറ്ററിലധികം ഉയരത്തില്‍ സ്ഥിതി ചെയ്യുന്നതുമായ അടല്‍ റോത്താങ് തുരങ്കം . ലോകത്തില്‍ തന്നെ ഏറ്റവും ഉയരത്തില്‍ സ്ഥിതി ചെയ്യുന്ന ഈ തുരങ്കം ചൈനീസ് അതിര്‍ത്തിയിലാണ് നിര്‍മ്മിച്ചിരിക്കുന്നത്. ചുരുക്കി പറഞ്ഞാല്‍ തന്ത്ര പരമായും സൈനികമായും ഭൂമിശാസ്ത്രപരമായും ഇന്ത്യക്കു മേഖലയിലുള്ളത് അനിഷേധ്യമായ അപ്രമാദിത്യം തന്നെയാണ്. എന്നാല്‍ ചൈനയുടെ പ്രസിഡന്റ് ഷി ജിന്‍ പിംഗ് ഒട്ടകപക്ഷി മണലില്‍ തലയിടുന്നതിനു സമാനമായി തന്റേതായ ഒരു സമാന്തര ലോകത്താണ് ജീവിക്കുന്നത്. എന്നാല്‍ ഇപ്പൊള്‍ പുറത്തു വന്നിരിക്കുന്ന ചൈനയുടെ മുന്‍ ജനറലിന്റെ പ്രതികരണം സൂചിപ്പിക്കുന്നത് ചൈനയില്‍ ആള്‍ക്കാര്‍ക്ക് ഇപ്പോള്‍ കാര്യങ്ങള്‍ മനസ്സിലായി തുടങ്ങി എന്നാണ്. തീര്‍ച്ചയായും ചൈന ഭയപ്പെട്ടു കൊണ്ടിരിക്കുകയാണ്. പതിവിനു വിപരീതമായി ഇന്ത്യ ആക്രമിക്കാന്‍ മടിച്ചേക്കില്ല എന്ന് അവര്‍ വിശ്വസിക്കുന്നു. ഇന്ത്യ ഒരുപക്ഷെ അവരെ ആക്രമിക്കാനൊന്നും തുനിഞ്ഞേക്കില്ല എങ്കിലും ഈ ഒരു ഭയം ചൈനയില്‍ വര്‍ധിച്ചു വരുന്നത് തര്‍ക്കമില്ലാത്ത വസ്തുതയാണ്.