പലരും പല പ്രാവശ്യം ഞങ്ങളെ ഡിവോഴ്സ് ചെയ്യിപ്പിച്ചു.. സുനിച്ചനെ ആത്മഹത്യാ ചെയ്യിപ്പിച്ചു.. ഞങ്ങളുടെ യാത്ര മുന്നോട്ട് പോകുകയാണ്.. 15-ാം വിവാഹവാര്‍ഷികത്തിന്‍റെ സന്തോഷം പങ്കുവെച്ച് മഞ്ജു പത്രോസ്
ബിഗ് ബോസ് മലയാളം സീസണ്‍ രണ്ടിലെ ശ്രദ്ധേയ മത്സരാര്‍ഥികളില്‍ ഒരാളായിരുന്നു മഞ്ജു പത്രോസ്. മറ്റ് മത്സരാര്‍ഥികളോട് മികച്ച സൗഹൃദം സൂക്ഷിച്ചിരുന്ന അവര്‍ നിലപാട് പറയേണ്ടിടത്ത് അത് ശക്തമായി പറഞ്ഞുമാണ് മുന്നോട്ടുപോയത്.
ഷോയില്‍ നിന്ന് പുറത്തെത്തിയതിനുശേഷം 'ബ്ലാക്കീസ്' എന്ന പേരിലുള്ള തങ്ങളുടെ യുട്യൂബ് ചാനലും അഭിനയവും ഒക്കെയായി മുന്നോട്ടുപോവുകയാണ് മഞ്ജു. വ്യക്തിപരമായ വിശേഷങ്ങളൊക്കെ അവര്‍ ഫേസ്ബുക്കിലൂടെ പങ്കുവെക്കാറുമുണ്ട്. ഇപ്പോഴിതാ തന്‍റെയും ഭര്‍ത്താവ് സുനിച്ചന്‍റെയും 15-ാം വിവാഹവാര്‍ഷികത്തിന്‍റെ സന്തോഷം പങ്കുവെക്കുകയാണ് അവര്‍.
മഞ്ജു പത്രോസിന്റെ പോസ്റ്റ് ഇങ്ങനെ...
ഇന്ന് ഞങ്ങളുടെ വിവാഹ വാര്‍ഷികമാണ്. ഇതിനിടയിൽ തന്നെ പലരും പല പ്രാവശ്യം ഞങ്ങളെ ഡിവോഴ്സ് ചെയ്യിപ്പിച്ചു.. സുനിച്ചനെ ആത്മഹത്യാ ചെയ്യിപ്പിച്ചു.. പക്ഷെ ഇതൊന്നും ഞങ്ങൾ അറിഞ്ഞില്ല..ഇന്നേക്ക് 15വർഷം.. ഞങ്ങളുടെ യാത്ര മുന്നോട്ട് പോകുകയാണ്.. സ്നേഹിച്ചവരോട്, തിരിച്ചു സ്നേഹം മാത്രമേ തരാനുള്ളൂ... ഇനിയും പ്രാർഥനയും കരുതലും കൂടെ വേണം.
https://www.facebook.com/Malayalivartha
