'എന്റെ കാമുകന് എന്നെ വിട്ട് പോകാന് മടി , അവനെന്നെ ആത്മാര്ത്ഥമായി ആണ് പ്രണയിച്ചെ ആ പ്രണയം സത്യമായിരുന്നു , സ്നേഹം കൊണ്ട് വേദനിപ്പിച്ച് സന്തോഷിക്കാ എല്ലാ കാമുകന്മാരും ഇവനെ പോലെയല്ലാട്ടോ ചിലര് തേച്ചിട്ട് പോവാറുണ്ട്...' കഴിഞ്ഞ ഒമ്പത് വര്ഷമായി കാന്സര് എന്ന മഹാവ്യാധിയോട് പോരാടുന്ന അമ്മു മണലൂര് കുറിക്കുന്നു
കഴിഞ്ഞ ഒമ്പത് വര്ഷമായി കാന്സര് എന്ന മഹാവ്യാധിയോട് പോരാടുകയാണ് അമ്മു മണലൂര് എന്ന യുവതി. കാന്സര് പോരാട്ടത്തെ കുറിച്ച് പങ്കുവെച്ച വികാരനിര്ഭരമായ കുറിപ്പ് ഇപ്പോൾ സോഷ്യൽ മീഡിയയിൽ സജീവമാകുകയാണ്. മരുന്നുകള് കയറി ഇറങ്ങിയ ശരീരത്തെ കുറിച്ചും ആശുപത്രി വാസത്തെ കുറിച്ചുമെല്ലാം വേദനകൾ അമ്മു പറഞ്ഞു പോകുന്നുണ്ട്. ഫേസ്ബുക്ക് സൗഹൃദകൂട്ടായ്മയായ ദി വേള്ഡ് മലയാളി സര്ക്കിളിലാണ് അമ്മു കുറിപ്പ് പങ്കുവച്ചിരിക്കുന്നത്.
ഫെയ്സ്ബുക്ക് കുറിപ്പ് വായിക്കാം:
ജനുവരി 15 പാലിയേറ്റീവ് ദിനം
വീണ്ടും ആശുപത്രിയില്
അതും പാലിയേറ്റീവ് വാര്ഡില്
കാമുകനായി ഒന്നിടികൂടിയതാ അവനെന്നെ നല്ല പോലെ വേദനിപ്പിച്ചു അപ്പൊ ആശുപത്രിയില് വരേണ്ടി വന്നു ഓടി ചാടി നടന്നിരുന്ന വണ്ടി പെട്ടെന്ന് എവിടെയോ എന്തോ പറ്റി, പക്ഷെ അധിക ദിവസമൊന്നും എന്നെ തളര്ത്താന് പറ്റില്ല കാരണം തീയില് കുരുത്തതാ വെയിലത്ത് വാടില്ല.
എന്റെ കാമുകന് എന്നെ വിട്ട് പോകാന് മടി , അവനെന്നെ ആത്മാര്ത്ഥമായി ആണ് പ്രണയിച്ചെ ആ പ്രണയം സത്യമായിരുന്നു , സ്നേഹം കൊണ്ട് വേദനിപ്പിച്ച് സന്തോഷിക്കാ എല്ലാ കാമുകന്മാരും ഇവനെ പോലെയല്ലാട്ടോ ചിലര് തേച്ചിട്ട് പോവാറുണ്ട് എന്നെയാണേല് ഒരുപാട് ഇഷ്ടമാ ആ ഇഷ്ടം കാരണം 9വര്ഷമായി എന്നെ വിടാതെ പിന്തുടരുന്നു , കുറെ ഞാന് വഴക്കിട്ടുനോക്കി പിണങ്ങി പോവാണേല് പോവട്ടേന്ന് കരുതി , അങ്ങിനെ ഞാന് ചെയ്യുമ്പോ എന്നെ ആത്മാര്ത്ഥമായി സ്നേഹിച്ച് കൊണ്ടിരിക്കാ , ഈ പ്രണയത്തെ ഞാന് എങ്ങനെ വേണ്ടാന്ന് വക്കും നിങ്ങള് പറയ് ,ഇപ്പൊ പഴയ പോലെയല്ല ഞാന് അവനെന്നെ കുത്തിനോവിച്ച് മേലൊക്കെ നീരാ നടക്കാന് വയ്യ , എന്നാ പിന്നെ സ്നേഹിച്ചാപ്പൊക്കം എന്നെ കൊണ്ട് പോയ്ക്കൂടെ എന്തിനാ നീട്ടി വക്കണെ ഞാനാണേല് എപ്പൊ വേണേലും പോവാന് റെഡിയാ, സമയമായില്ലായിരിക്കും എന്റെ എല്ലാ മാതാപിതാക്കള്ക്കും , ചേട്ടന്മാര്ക്കും , ചേച്ചിമാര്ക്കും , അനിയന്മാര്ക്കും ,അനിയത്തിമാര്ക്കും , മക്കള്ക്കും ഇനിയങ്ങോട്ട് ഉള്ള വര്ഷങ്ങള് നല്ലതായിരിക്കാന് പ്രാര്ത്ഥിക്കണു എല്ലാവരും സന്തോഷമായിരിക്കണം , ഞാനും ഹാപ്പിയാ , ആശുപത്രിയിലായാലും ,ഞാന് സന്തോഷമായിരിക്കണു വേദനകളൊക്കെ എന്നെ കൊല്ലുന്ന വേദനയാ എന്നാലും ഞാന് സന്തോഷത്തിലാ ചങ്കുകളെ.
കാന്സര് എന്ന അസുഖത്തെ നേരിട്ട് കൊണ്ടിരിക്കുന്ന എല്ലാ കാന്സര് ഫൈറ്റേഴ്സിനും , അതിജീവിക്കാനുള്ള കരുത്ത് ദൈവം നിറഞ്ഞനുഗ്രഹിക്കട്ടേന്ന് ആത്മാര്ത്ഥതയോടെ പ്രാര്ത്ഥിക്കുന്നു.
NB: ഇത് വായിച്ച് ആരും ഞെട്ടണ്ട ഇതൊക്കെ വേദന മറക്കാന് ഞാനെഴുതിയ പൊട്ടത്തരങ്ങളാ
എന്ന്
നിങ്ങളുടെ സ്വന്തം
(Ambily) അമ്മു
CANCER FIGHTER
ഇതിന് ആരും ബാഡ് കമന്റ ഇടണ്ട സഹതാപത്തിന് വേണ്ടി ഇട്ടതല്ല എനിക്കിത് ഇഷ്ടവുമല്ല 9 വര്ഷമായി യുദ്ധം തുടങ്ങിയിട്ട് ഈ 9 കൊല്ലമായി ആരോടും സഹായിക്കണം എന്ന് പറഞ്ഞിട്ടില്ല എല്ലാം വിറ്റു നശിച്ചു ചിലപ്പൊ നാളെ കൈനീട്ടി സഹായം ചോദിക്കേണ്ടി വരും 17 വര്ഷമായി മറ്റുള്ളവരെ സഹായിക്കാന് ഓടി നടക്കുന്ന ആളാ മറ്റുള്ളവര്ക്ക് വേണ്ടി ആരുടെ മുന്നിലും കൈനീട്ടും അതില് എനിക്ക് ഒരു നാണക്കേടും തോന്നിയിട്ടില്ല ഞാനെപ്പോഴും സന്തോഷത്തിലാട്ടോ...
https://www.facebook.com/Malayalivartha