ബിഗ്ഗ്‌ബോസ് മലയാളം മൂന്നാം പതിപ്പിൽ ആഴ്ചകൾ കഴിയുമ്പോൾ വ്യത്യാസങ്ങളും വന്നുകൊണ്ടിരിക്കുകയാണ്. ഓരോ മത്സരാർഥികളോടും പ്രേക്ഷകർക്കുള്ള ആരാധനയും കൂടിവരുകയാണ്. നാലാമത്തെ ആഴ്ചയില്‍ എത്തി നില്‍ക്കുമ്പോഴും ആരായിരിക്കും വിന്നറാവുക എന്ന കാര്യത്തില്‍ ഇപ്പോഴും പൂർണമായൊരു തീരുമാനം കീട്ടിയിട്ടില്ല .

അതേ സമയം ഡിംപല്‍ ഭാല്‍ അടക്കമുള്ളവര്‍ സ്വന്തം ഗെയിം സ്ട്രാറ്റര്‍ജിയില്‍ ഉറച്ച് നിൽക്കുന്നവരാണ്. ഡിംപലിനെ കുറിച്ച് പറയുകയാണെങ്കില്‍ ആദ്യ സീസണിലെ പേളി മാണിയുടെ പ്രവൃത്തികളുമായി സാമ്യമുണ്ടെന്ന് കണ്ടെത്തിയിരിക്കുകയാണ് സമൂഹമാധ്യമങ്ങളിൽ ആരാധകർ.

ഡിംപള്‍- പേളി മാണി എന്നിവർ തമ്മിൽ ഒരേ പേഴ്‌സണാലിറ്റിയുള്ളവരല്ല. പക്ഷേ ബിഗ് ബോസില്‍ അവര്‍ കളിയ്ക്കുന്ന ഗെയിമിന് ചില സാമ്യതകളുണ്ടെന്നാണ് ആരാധകർ ചൂണ്ടി കാണിക്കുന്നത്. ബിഗ് ബോസ് മലയാളം ഒഫീഷ്യല്‍ ഗ്രൂപ്പിലൂടെ അബ്രഹാം ജോണ്‍ എന്ന വ്യക്തി പങ്കുവെച്ച കുറിപ്പിലൂടെയും ഇക്കാര്യം പറയുന്നുണ്ട്.

സ്വന്തമായ സ്‌റ്റൈല്‍, ഫാഷന്‍ സ്റ്റേറ്റ്‌മെന്റ്, ആറ്റിട്യൂഡ് - ഇതൊക്കെ കണ്ട് ആകൃഷ്ടര്‍ ആയവരാണ് ഇവരുടെ ഭൂരിഭാഗം ആരാധകരും. 'എടാ' വിളിച്ചുള്ള പേളിയുടെ ഭാഷയും ഡിംപള്‍ സംസാരിക്കുന്ന മലയാളവും അസാധാരണവും അഥവാ ഒരു ആകര്‍ഷകമായ ഫീല്‍ നല്‌കുന്നവ തന്നെയാണ് . ഗെയിമോ ടാസ്‌കിലെ പെര്‍ഫോര്‍മന്‍സോ കണ്ട് ഫാന്‍സായവരാണ് ഇവരൊക്കെ.

പോസിറ്റീവ് ആറ്റിട്യൂട് ആണ് ഇവരുടെ മറ്റൊരു പ്രത്യേകത. ബിഗ്‌ബോസിന് പുറത്ത് നന്മമരമായിട്ടാണ് ഇവരെ പ്രമോട്ട് ചെയ്യുന്നത്. പരദൂഷണം പറയില്ല എന്ന തീരുമാനം പേളി ഏറെക്കുറെ 100 ദിവസവും കാത്തുസൂക്ഷിച്ചപ്പോള്‍ ഡിംപള്‍ തത്ത്വം പറച്ചിലില്‍ മാത്രം ഒതുങ്ങി നിൽക്കുകയാണ്.

ഇന്നലെ മണിക്കുട്ടനുമായി നടത്തിയ പരദൂഷണ ചര്‍ച്ചയും ആഹാരവിഷയത്തില്‍ സ്വന്തം ആരോഗ്യ സംരക്ഷണം മാത്രം മുന്നില്‍ കണ്ടുള്ള ഡബിള്‍ സ്റ്റാന്‍ഡേര്‍ഡും ഡിംപളിന്റെ ഭാവി എങ്ങനെ ആയിരിക്കുമെന്ന് കണ്ടറിയേണ്ടിരിക്കുന്നു.

ബിഗ്‌ബോസ് സീസൺ 1 കണ്ടിട്ടുള്ളവർക്ക് പേളിയുടെ ന്യായീകരണ കമ്മറ്റിയെ കുറിച്ചറിയാവുന്നതാണ്. പേളിയെ സപ്പോർട്ട് ചെയ്യുന്നവരെ ന്യായീകരണ കമ്മിറ്റി എന്നാണറിയപ്പെട്ടിരുന്നത്. പേളിയുടെ എന്തു പ്രവൃത്തിയും ന്യായീകരിച്ചിരുന്ന, പേളിയുടെ ചെറിയ അഭിനയത്തിലുള്ള നന്മ ചൂണ്ടിക്കാട്ടി സപ്പോര്‍ട്ടിയിരുന്ന, ഹാര്‍ട്ട്‌സും ലവ്വും ഇമോജി നിറച്ച് പോസ്റ്റിട്ടിരുന്ന ഇവര്‍ ഇന്നത്തെ 'വെളുപ്പിക്കല്‍ ആര്‍മി'യെ അനുസ്മരിപ്പിച്ചിരിക്കുകയാണ്.

സ്വന്തം കാര്യം നടക്കണം എന്ന വാശി രണ്ടു പേര്‍ക്കും പൊതുവായി ഉള്ളതാണ്. വിട്ടുകൊടുക്കല്‍, താഴ്ന്നു കൊടുക്കല്‍, സോറി പറയല്‍ - ഇതൊന്നും ഇവരുടെ ഡിക്ഷനറിയിലില്ല. അങ്ങോട്ട് ഡയറക്ട് അറ്റാക്ക് ചെയ്യുന്നതിന് പകരം ഇഗോസ്റ്റിക് ആയി സംസാരിച്ച്, അറ്റാക്ക് ക്ഷണിക്കുന്ന രീതിയും ഇവരിലുണ്ട്. കൂടെ നില്‍ക്കുന്നവരെ അമിതമായി, ആത്മാര്‍ത്ഥമായി സ്നേഹിച്ചിരിക്കും.

നേരിയതെങ്കിലും എതിര്‍പ്പ് പ്രകടിപ്പിക്കുന്നവരോട് പിന്നീട് വലിയ അടുപ്പം കാണിക്കില്ല. പേളി അന്നത്തെ ഹൗസ് ഫേവറൈറ്റ് ആയ സുരേഷിനെ ചായ ഇട്ടു കൊടുത്ത് കൂടെ കൂട്ടിയപ്പോള്‍ ഡിംപള്‍ ഇന്നത്തെ ഹൗസ് ഫേവറൈറ്റ് ആയ മജിസിയയ്ക്ക് ചായയുമിട്ട് പുറകെ നടക്കുകയാണ്. എന്തായാലും ഇനിയുള്ള ദിവസങ്ങളിൽ പേളിയുമായി സാമ്യമുള്ള എന്തൊക്കെ സ്വഭാവങ്ങളാണ് ഡിംപിലിൽ കാണാൻ കഴിയുക എന്ന കാത്തിരിപ്പിലാണ് ആരാധകർ.