ഡിംപല് ക്വാറന്റൈനില് കഴിഞ്ഞ് വരികയാണ്! ബിഗ് ബോസിലേക്ക് ഉടൻ തിരിച്ചെത്തും, പക്ഷെ.. പുതിയ റിപ്പോർട്ടിൽ സംതുഷ്ടരാകാതെ ആരാധകർ
ബിഗ്ബോസ് പ്രേക്ഷകർ ഒന്നനടങ്കം തിരിച്ചുവരണമെന്ന് ആഗ്രഹിക്കുന്ന മത്സരാർഥിയാണ് ഡിംപല് ഭാൽ. ഇപ്പോളിതാ ഡിംപല് തിരികെ വരുന്നെന്ന രീതിയിലെ വാർത്തകളാണ് പുറത്ത് വരുന്നത്. പപ്പയുടെ വിയോഗത്തെ തുടര്ന്നായിരുന്നു ഡിംപല് ഷോയില് നിന്നും തിരികെ വീട്ടിലേക്ക് പോയത്.
ബിഗ്ബോസ് വീട്ടിലെ ടാസ്ക്കുകളില് മികച്ച പ്രകടനങ്ങള് കാഴ്ച വെക്കാറുള്ള ഡിംപല് തന്റെ നിലപാടുകളും കൃത്യമായി വ്യക്തമാക്കി തന്നെ ആയിരുന്നു മുന്നേറിയിരുന്നത്. താന് ഈ ഷോയിലേക്ക് വന്നതിന് പിന്നിലെ കാരണത്തെക്കുറിച്ച് പറഞ്ഞപ്പോള് പപ്പയുടെ പിന്തുണയെക്കുറിച്ചും ആഗ്രഹത്തെക്കുറിച്ചുമെല്ലാം താരം വാചാലയായിരുന്നു.
അപ്രതീക്ഷിതമായാണ് ഡിംപലിന്റെ അച്ഛൻ മരണപ്പെട്ടത്. മമ്മിക്കും ചേച്ചിക്കും അനിയത്തിക്കുമൊപ്പമാണ് താനെന്നും ഇവിടെ ഇപ്പോള് തന്നെ ആവശ്യമാണെന്നും ഡിംപല് പ്രേക്ഷകരോടായി പറഞ്ഞിരുന്നു. ബിഗ് ബോസില് നിന്നും പുറത്തെത്തി ദിവസങ്ങള് കഴിഞ്ഞിട്ടായിരുന്നു താരത്തിന്റെ പ്രതികരണം പുറത്തുവന്നത്.
എന്നാൽ, ഇനി ഷോയിലേക്ക് തിരിച്ചുപോവുന്നുണ്ടോയെന്നായിരുന്നു എല്ലാവരും ചോദിച്ചത്. ഇതേക്കുറിച്ച് ഡിംപലോ സഹോദരി തിങ്കളോ പ്രതികരിച്ചിരുന്നില്ല. എലിമിനേഷനിലൂടെയല്ല ഡിംപല് പുറത്ത് പോയത്. പിതാവിന്റെ പെട്ടെന്നുള്ള വിയോഗത്തിൽ ഷോ ക്വിറ്റ് ചെയ്യേണ്ടി വന്നതാണ്.
പുറത്തെത്തിയതിന് ശേഷം ഷോയെക്കുറിച്ചോ, സഹമത്സരാര്ത്ഥികളെക്കുറിച്ചോയുള്പ്പടെ ഒന്നും പ്രതികരിച്ചിരുന്നില്ല. അതിനാല്ത്തന്നെ പ്രേക്ഷകരുടെ ആവശ്യം പരിഗണിച്ച് ഡിംപലിനെ ഷോയിലേക്ക് കൊണ്ടുവന്നൂടേയെന്നാണ് ആരാധർ ചോദ്യം ഉന്നയിക്കുന്നത്.
അതേസമയം, ഡിംപല് ക്വാറന്റൈനില് കഴിഞ്ഞ വരികയാണ്, ഷോയിലേക്ക് തിരികയെത്തുമെന്നുമുള്ള റിപ്പോര്ട്ടുകളും പ്രചരിക്കുന്നുണ്ട്. ബിബി വീട്ടിലേക്ക് താരം തിരിച്ചെത്തിയാല് അത് ഞങ്ങളുടെ സ്വപ്നനിമിഷമായി മാറുമെന്നാണ് ആരാധകര് പറയുന്നത്.
ഷോ ക്വിറ്റ് ചെയ്യേണ്ടി വന്ന സാഹചര്യം പരിഗണിച്ച് താരത്തെ ഫിനാലെയില് പങ്കെടുപ്പിക്കുന്നതില് തടസ്സങ്ങളില്ല. ഹിന്ദിയിലും തമിഴിലുമൊക്കെ പുറത്തേക്ക് പോയവര് തിരികയെത്തിയ സംഭവങ്ങളുണ്ടെന്നുമൊക്കെയാണ് സമൂഹമാധ്യമങ്ങളിലെ ചർച്ചകൾ.
https://www.facebook.com/Malayalivartha