ഷാരൂഖ് ഖാന് ചുംബിച്ചത് എന്തിന്? കാരണം വെളിപ്പെടുത്തി മുന് പാക് ക്രിക്കറ്റ് താരം ഷുഹൈബ് അക്തര്! കൗതുകത്തോടെ പ്രിയ ആരാധകർ
മുന് പാകിസ്ഥാന് ഫാസ്റ്റ് ബൗളറായ ഷുഹൈബ് അക്തര് ഇന്ത്യയിലും നിരവധി ആരാധകരുള്ള ക്രിക്കറ്ററാണ്. ഐപിഎല്ലില് ഷാരൂഖ് ഖാന് ഉടമസ്ഥനായ കൊല്ക്കത്ത നൈറ്റ് റൈഡേഴ്സിലും ഷുഹൈബ് അക്തര് കളിച്ചിട്ടുണ്ട്. കളിക്കിടെ പലപ്പോഴും ഷാരൂഖ് ഖാനൊപ്പം ഷുഹൈബ് അക്തറിനെ കാണാനും സാധിക്കുമായിരുന്നു. 2008ലെ ആദ്യ ഐപിഎല് സീസണിലെ മൂന്ന് മത്സരങ്ങളില് മാത്രമാണ് ഷുഹൈബ് അക്തര് കളിച്ചിട്ടുള്ളതെങ്കിലും അഞ്ച് വിക്കറ്റുകള് നേടാന് അദ്ദേഹത്തിന് സാധിച്ചു.
എന്നാല് ഷാരൂഖ് ഖാനെ കുറിച്ച് ഒരു ടിവി ഷോയില് സംസാരിക്കുന്ന ഷുഹൈബ് അക്തറിന്റെ വീഡിയോ ആണ് ഇപ്പോള് വൈറലാവുന്നത്. ടിവി ഷോയിലെ അവതാരകന് ഷാരൂഖ് ഖാന് ഷുഹൈബ് അക്തറിനെ ചുംബിക്കുന്ന ഒരു ചിത്രം കാണിച്ച് എന്തിനായിരുന്നു ഇതെന്ന് ചോദിക്കുന്നു. താനും ഷാരൂഖിനോട് എപ്പോഴും മറ്റുള്ളവരെ ചുംബിക്കുന്നത് എന്തിനാണെന്ന് ചോദിച്ചിരുന്നുവെന്ന് അക്തര് പറയുന്നു.
അതിന് ഷാരൂഖ് മറുപടി പറഞ്ഞത്, ഞാന് ഒരു താരമാണ് ഞാന് ചുംബിച്ചവര് ഒരിക്കലെങ്കിലും എന്റെ ആരാധകര് ആയിരിക്കും. എന്നാല് ഞാന് അവര്ക്ക് മുത്തം നല്കിയാല് ജീവിത കാലം മുഴുവന് അവര് എന്റെ ആരാധകരായി മാറും എന്നായിരുന്നുവെന്ന് ഷുഹൈബ് അക്തര് പറഞ്ഞു. ഞാനും ഷാരൂഖ് ഖാനും എല്ലാം താരങ്ങളാണ്. എന്നാല് തന്റെ സ്നേഹ ചുംബനത്തിലൂടെ ഷാരൂഖ് അവരുടെ ജീവിതകാലം ആരാധകരാക്കി മാറ്റുന്നു. മാത്രമല്ല, ഇന്ത്യയും പാകിസ്ഥാനും തമ്മിലുള്ള സൗഹൃദം വളര്ത്താനും ഈ ചിത്രത്തിന് സാധിക്കുമെന്നും അക്തര് പറഞ്ഞു.
നേരത്തെ ഇന്ത്യയില് ഐപിഎല് കളിക്കാന് എത്തിയപ്പോള് പ്രശസ്ത സിനിമാ സംവിധായകനും പ്രൊഡ്യൂസറുമായ മഹേഷ് ഭട്ട് ഷുഹൈബ് അക്തറിന് തന്റെ ചിത്രമായ ഗ്യാങ്സ്റ്ററില് പ്രധാന റോള് വാഗ്ദാനം ചെയ്തിരുന്നു. എന്നാല് താന് ക്രിക്കറ്റില് മാത്രമാണ് ശ്രദ്ധിക്കുന്നതെന്ന് പറഞ്ഞ് അക്തര് വാഗ്ദാനം നിരസിക്കുകയായിരുന്നു. ഇതേക്കുറിച്ച് പിന്നീട് ഒരു ഇന്റര്വ്യൂവില് അക്തര് തമാശയായി പറഞ്ഞത്,
മഹേഷ് ഭട്ട് തന്നില് ഒരു മൃഗത്തെയാണ് കണ്ടതെന്നും അതിനെയാണ് അദ്ദേഹത്തിന് ക്യാമറയില് പകര്ത്തേണ്ടിയിരുന്നത്. പ്രത്യേക അഭിനയമികവൊന്നും അദ്ദേഹത്തിന് ആവശ്യമില്ലായിരുന്നു എന്നും അക്തര് പറഞ്ഞിരുന്നു.
ക്രിക്കറ്റില് നിന്നും വിരമിച്ച ശേഷം തന്റെ സോഷ്യല് മീഡിയ അക്കൗണ്ടുകളിലൂടെ സജീവമാണ് ഷുഹൈബ് അക്തര്. സോഷ്യല് മീഡിയയിലൂടെ ആരാധകരുമായി സംവാദവും നടത്താനും അക്തര് സമയം കണ്ടെത്താറുണ്ട്. അടുത്തിടെ തന്റെ ഇന്സ്റ്റാഗ്രാം അക്കൗണ്ടിലൂടെ സംവദിച്ച അക്തറിനോട് ഒരാള് ചോദിച്ചത് ഇഷ്ടപ്പെട്ട ബോളിവുഡ് നടന് ആരാണ് എന്നായിരുന്നു.
അതിന് ഉത്തരമായി ബോളിവുഡ് സൂപ്പര്താരം സല്മാന് ഖാന്റെ പേരാണ് ഷുഹൈബ് അക്തര് നല്കിയത്. സല്മാന് ഖാനെ ടാഗ് ചെയ്ത് ഷര്ട്ട് ഇല്ലാതെ മസിലുകളുമായി നില്ക്കുന്ന സല്മാന് ഖാന്റെ ഒരു ചിത്രവും ഷുഹൈബ് അക്തര് പോസ്റ്റ് ചെയ്തു. മുമ്പൊരിക്കൽ ഒരു ഇന്റര്വ്യൂവില് തന്റെ ആത്മകഥ എപ്പോഴെങ്കിലും സിനിമ ആക്കിയാല് സല്മാന് ഖാന് തന്നെ തന്റെ വേഷത്തില് അഭിനയിക്കണം എന്നാണ് ആഗ്രഹമെന്നും ഷുഹൈബ് അക്തര് പറഞ്ഞിരുന്നു.
https://www.facebook.com/Malayalivartha