പ്രധാനപ്പെട്ട യോ​ഗം നടക്കുന്ന സമയത്ത് മീറ്റിം​ഗ് നിര്‍ത്തിവച്ച്‌ പ്രധാനമന്ത്രി നരേന്ദ്ര മോദി മയിലിന് തീറ്റകൊടുക്കാന്‍ നിര്‍ദ്ദേശം നല്‍കിയ വാർത്ത ഏറെ ശ്രദ്ധ നേടിയിരുന്നു. മീറ്റിം​ഗിന് ഇടയിൽ സംഭവിച്ച ഈ കാര്യങ്ങളെ കുറിച്ച് വിശദമാക്കിയിരിക്കുകയാണ് കേന്ദ്ര ആഭ്യന്തരമന്ത്രി അമിത് ഷാ.

മീറ്റിം​ഗിനിടെ ​ഗ്ലാസ് ഭിത്തിയില്‍ മയില്‍ അതിന്റെ ചുണ്ടുകൊണ്ട് മുട്ടുകയായിരുന്നു. ആ സമയം പ്രധാനമന്ത്രിയുടെ ഓഫീസില്‍ വളരെ പ്രധാനപ്പെട്ട യോ​ഗം നടക്കുകയായിരുന്നു. എന്നാല്‍, മയില്‍ചുണ്ടുകൊണ്ട് മുട്ടിയപ്പോള്‍ പ്രധാനമന്ത്രിക്ക് പെട്ടെന്ന് തന്നെ കാര്യം മനസിലായി.വിശന്നപ്പോഴാണ് അങ്ങനെ മുട്ടിയത്.

അതോടെ യോ​ഗം താല്‍ക്കാലികമായി നിര്‍ത്തി വച്ച്‌ സ്റ്റാഫം​ഗങ്ങളെ വിളിച്ച്‌ മയിലിന് ഭക്ഷണം കൊടുക്കാന്‍ നിര്‍ദ്ദേശിക്കുകയായിരുന്നു പ്രധാനമന്ത്രി. മോദി അറ്റ് 20 -ഡ്രീംസ് മീറ്റ് ഡെലിവറി’ എന്ന പുസ്തകത്തിന്‌റെ ഡൽഹിയിൽ നടന്ന പ്രകാശനച്ചടങ്ങിനിടെ സംസാരിക്കവെയാണ് അമിത് ഷാ ഈ കാര്യം പറഞ്ഞത്.

മോദിയുടെ രാഷ്ട്രീയ യാത്രയെ കുറിച്ച്‌ വിശദമാക്കുന്ന പുസ്തകമാണിത്. ഗുജറാത്ത് മുഖ്യമന്ത്രിയായത് മുതലുള്ള 20 വര്‍ഷത്തെ അദ്ദേഹത്തിന്റെ രാഷ്ട്രീയ വളര്‍ച്ചയും, ഭരണ നൈപുണ്യവും വ്യക്തമാക്കുന്നതാണ് ഈ പുസ്തകം.അതിനിടെയാണ് അമിത് ഷാ പ്രസ്തുത കഥ പറഞ്ഞത്.

2020 - ആ​ഗസ്റ്റിൽ പ്രധാനമന്ത്രി നരേന്ദ്ര മോദിയുടെ ഇൻസ്റ്റ​ഗ്രാം പേജിലും മയിലുകൾ തീറ്റ കൊടുക്കുന്ന വീഡിയോ പോസ്റ്റ് ചെയ്‍തിരുന്നു.അതുപോലെ പ്രഭാതനടത്തത്തിനിടയിലും വ്യായാമത്തിനിടയിലുമെല്ലാം പ്രധാന മന്ത്രി മയിലുകൾക്കൊപ്പം സമയം ചെലവിടാറുണ്ട് എന്നും റിപ്പോർട്ടുകളുണ്ടായിരുന്നു.