വാട്‌സ്‌അപ്പില്‍ ഇനി 'പിരിയഡ്‌സ് ട്രാക്കറും'; സ്ത്രീകള്‍ക്ക് പ്രയോജനപ്പെടുന്ന പുതിയ ചാറ്റ് ബോട്ട്‌ സ്ത്രീകള്‍ക്കായി പിരിയഡ്‌സ് ട്രാക്കര്‍ സംവിധാനം കൊണ്ടുവന്ന് വാട്സ്‌ആപ്പ്. +919718866644 എന്ന നമ്ബറില്‍ Hi വാട്‌സാപ്പ് മെസേജ് അയക്കുകയാണ് ഇതിനായി ചെയ്യേണ്ടത്.

സിറോണ ഹൈജീന്‍ പ്രൈവറ്റ് ലിമിറ്റഡുമായി ചേര്‍ന്നാണ് ആര്‍ത്തവ സമയം പിന്തുടരുന്നതിന് സഹായിക്കുന്ന പുതിയ ഫീച്ചര്‍ വാട്‌സാപ്പ് കൊണ്ടുവരുന്നത്.

+919718866644 എന്ന നമ്ബറില്‍ Hi എന്ന് സന്ദേശം അയക്കുമ്ബോള്‍ ചാറ്റ് ബോട്ടില്‍ എന്താണ് വേണ്ടത് എന്ന് ചോദിക്കും. അതിന് Track my Periods, Costomer Support എന്നീ രണ്ട് ഓപ്ഷനുകള്‍ വരും. അതില്‍ Track my Periosds തിരഞ്ഞെടുക്കുക. അടുത്തതായി Track Period, Conceive, Avoid Pregnency എന്നീ ഓപ്ഷനുകളുണ്ടാവും.

ആര്‍ത്തവ സമയം പിന്തുടരുന്നതിനാണ് എങ്കില്‍ ട്രാക്ക് പിരിയഡ് തിരഞ്ഞെടുക്കാം. ഗര്‍ഭം ധരിക്കാനുള്ള ശ്രമത്തിലാണ് അതിന് അനുയോജ്യമായ സമയം അറിയാന്‍ ട്രൈയിങ് റ്റു കണ്‍സീവ്, ഗര്‍ഭധാരണത്തിന് സാധ്യതയില്ലാത്ത സമയം അറിയാന്‍ അവോയിഡ് പ്രെഗ്നന്‍സി എന്നീ ഓപ്ഷനുകള്‍ തിരഞ്ഞെടുക്കുക.

തൊട്ടുമുമ്ബുള്ള ആര്‍ത്തവ തീയ്യതിയും മറ്റ് വിവരങ്ങളും നല്‍കണം. വാട്‌സാപ്പ് ബിസിനസ് പ്ലാറ്റ്‌ഫോമില്‍ നിര്‍മിച്ച ചാറ്റ്‌ബോട്ട് ആണിത്. സിറോണ ഹൈജീനിന് സ്വന്തം ആപ്ലിക്കേഷനും ഉണ്ട്.