ഓടിക്കൊണ്ടിരിക്കുന്ന ട്രെയ്‌നില്‍ സാഹസിക പ്രകടനം നടത്തിയ യുവാവ് വീണുമരിച്ചു
മറ്റുള്ളവരെ കാണുമ്പോള്‍ അല്‍പ്പം ആളാവാന്‍ വേണ്ടി ചില യുവാക്കള്‍ സാഹസിക പ്രകടനങ്ങള്‍ നടത്തുക പതിവാണ്‌. അത്‌ തന്റെ ജീവനെ ബാധിക്കുമെന്നോ ഒന്നും അവര്‍ ചിന്തിക്കാറില്ല. യൂടൂബിലൂടെ തന്റെ സാഹസികത നാട്ടുകാരെ കാണിക്കാനായി പലരും അടുത്ത കാലത്തായി പലതരത്തിലുള്ള സാഹസിക പ്രകടനങ്ങള്‍ നടത്താറുണ്ട്‌. എന്നാല്‍ കണ്ണൊന്നു ചിമ്മിയാല്‍ എല്ലാം തീരുന്നതാണെന്ന്‌ ആരും കരുതുന്നുമില്ല. ഇത്തരം പ്രവര്‍ത്തനങ്ങളില്‍ ഏര്‍പ്പെടുന്നവര്‍ മുംബൈയില്‍ ഓടിക്കൊണ്ടിരിക്കുന്ന ട്രെയിനില്‍ സാഹസിക പ്രകടനം നടത്തി ദാരുണ മരണമടഞ്ഞ യുവാവിന്റെ വീഡിയോ തീര്‍ച്ചയായും കാണണം.
പതിനാലുകാരനായ സയ്യിദ് മൊഹ്‌സിനാണ് പെങ്ങളുടെ കല്ല്യാണത്തിന് സാധനങ്ങള്‍ വാങ്ങാന്‍ പോകുമ്പോള്‍ അഭ്യാസങ്ങള്‍ക്കിടെ ട്രെയിനില്‍ നിന്നും വീണുമരിച്ചത്. ട്രെയിനിന്റെ വാതിലില്‍ നടത്തിയ അപകടകരമായ സാഹസങ്ങളാണ് കൗമാരക്കാരന്റെ ജീവനെടുത്തത്. ട്രെയിന് സി.എസ്.ടി സ്‌റ്റേഷനില്‍ നിന്നും എടുത്ത് തുടങ്ങിയപ്പോള്‍ സഹയാത്രകരിലൊരാള്‍ എടുത്ത മൊബൈല്‍ വീഡിയോയാണ് യുട്യൂബില്‍ പ്രത്യക്ഷപ്പെട്ടിരിക്കുന്നത്. ട്രെയിന് പുറത്തുള്ള വൈദ്യുതകാലുകളിലും മറ്റും തൊടാന്‍ ശ്രമിക്കുന്നതിനിടെയാണ് സയ്യിദ് മൊഹ്‌സിന്‍ പുറത്തേക്ക് തെറിച്ചു വീണത്. അപകട സ്ഥലത്തുവെച്ചുതന്നെ മരണം സംഭവിച്ചതായാണ് വിവരം.
https://www.facebook.com/Malayalivartha
