സക്കര്‍ബര്‍ഗിന്റെ ഈ വീട് കണ്ടോ... വില കേട്ടാല്‍ നിങ്ങള്‍ ഞെട്ടും.. സാന്‍ഫ്രാന്‍സിസ്കോയില്‍ ഈ വര്‍ഷം നടന്ന വീട് കൈമാറ്റങ്ങളില്‍ ഏറ്റവും ഉയര്‍ന്ന വില.. വീട് വാങ്ങിയതിനു ശേഷം ഇഷ്ടാനുസരണം നവീകരിക്കുന്നതിനായി രണ്ടു വര്‍ഷം നീണ്ട നിര്‍മ്മാണപ്രവര്‍ത്തനങ്ങളാണ് ഇവിടെ നടത്തിയിരുന്നു..
റെക്കോര്‍ഡ് വിലയ്ക്ക് സാന്‍ഫ്രാന്‍സിസ്കോയിലുള്ള തന്റെ വീട് കൈമാറ്റം ചെയ്തിരിക്കുകയാണ് ഫെയ്സ്ബുക്ക് സഹസ്ഥാപകനായ മാര്‍ക്ക് സക്കര്‍ബര്‍ഗ്.
വില്‍പനയ്ക്കായി പരസ്യപ്പെടുത്താതെ സ്വതന്ത്ര ഇടപാടിലൂടെ വീട് കൈമാറ്റം ചെയ്തതായാണ് വിവരം. 31 മില്യണ്‍ ഡോളറാണ് (247 കോടി രൂപ) സക്കര്‍ബര്‍ഗിന്റെ വീടിന് വിലയായി ലഭിച്ചത്.
സാന്‍ഫ്രാന്‍സിസ്കോയില്‍ ഈ വര്‍ഷം നടന്ന വീട് കൈമാറ്റങ്ങളില്‍ ഏറ്റവും ഉയര്‍ന്ന വിലയാണ് ഇത്. 2012 ല്‍ 10 മില്യണ്‍ ഡോളറിനാണ് (79 കോടി രൂപ )സക്കര്‍ബര്‍ഗ് ഈ വീട് സ്വന്തമാക്കിയത്. ഡോളോറസ് ഹൈറ്റ്സില്‍ സ്ഥിതി ചെയ്യുന്ന വീട്ടില്‍ നാല് കിടപ്പുമുറികളും നാല് ബാത്റൂമുകളുമാണുള്ളത്.
7300 ചതുരശ്ര അടിയാണ് ആകെ വിസ്തീര്‍ണ്ണം. വീട് കൈമാറ്റം ചെയ്യാനുള്ള യഥാര്‍ത്ഥ കാരണം വ്യക്തമല്ലെങ്കിലും പാര്‍ക്കിങ് സൗകര്യവുമായി ബന്ധപ്പെട്ട് അയല്‍ക്കാര്‍ക്ക് അസംതൃപ്തി ഉണ്ടായിരുന്നതായി മാധ്യമങ്ങള്‍ മുന്‍പ് റിപ്പോര്‍ട്ട് ചെയ്തിരുന്നു.സക്കര്‍ബര്‍ഗ് വീട് സ്വന്തമാക്കിയ സമയം മുതല്‍തന്നെ അയല്‍ക്കാരുമായി പ്രശ്നങ്ങള്‍ നിലനിന്നിരുന്നു.
വീട് വാങ്ങിയതിനു ശേഷം ഇഷ്ടാനുസരണം നവീകരിക്കുന്നതിനായി രണ്ടു വര്‍ഷം നീണ്ട നിര്‍മ്മാണപ്രവര്‍ത്തനങ്ങളാണ് ഇവിടെ നടത്തിയിരുന്നത്. ഇതേ തുടര്‍ന്നുള്ള ശബ്ദമലിനീകരണവും നിര്‍മ്മാണ സാമഗ്രികള്‍ നിരത്തില്‍ യാത്രാ തടസമുണ്ടാക്കുന്നതുമെല്ലാം ചൂണ്ടിക്കാട്ടി അയല്‍ക്കാരില്‍ ചിലര്‍ പ്രതിഷേധവും അറിയിച്ചിരുന്നു.
1.8 മില്യണ്‍ ഡോളര്‍ ചിലവിട്ടാണ് നവീകരണ പ്രവര്‍ത്തനങ്ങള്‍ പൂര്‍ത്തിയാക്കിയത്.അതേസമയം സാന്‍ഫ്രാന്‍സിസ്കോ ബേ ഏരിയയിലെ പാലോ ആള്‍ട്ടോയില്‍ നാലു കിടപ്പുമുറകളും അഞ്ച് ബാത്റൂമുകളുമുള്ള മറ്റൊരു വീട് കൂടി സക്കര്‍ബര്‍ഗിനുണ്ട്. ഇതിനുപുറമെ ഹവായിലെ കൗവായ് ദ്വീപില്‍ 1400 ഏക്കര്‍ സ്ഥലവും ടാഹോ നദിയോട് ചേര്‍ന്ന് രണ്ട് വീടുകളും മുന്‍പ് തന്നെ അദ്ദേഹം സ്വന്തമാക്കിയിരുന്നു.
https://www.facebook.com/Malayalivartha
