ഈ കാര്യങ്ങൾ ശ്രദ്ധിച്ചില്ലെങ്കിൽ ലോട്ടറി 'അടി'യ്ക്കും...വേണോ ഈ ഭാഗ്യ പരീക്ഷണം ? പോയാൽ 500 രൂപ; കിട്ടിയാലോ 25 കോടി..മോഹന വാഗ്ദാനത്തിൽ മൂക്കും കുത്തി വീണ പാവം മലയാളികൾ...
കേരള ലോട്ടറിയുടെ ചരിത്രത്തിലെ ഏറ്റവും വലിയ സമ്മാനം നല്കി ഇത്തവണത്തെ ഓണം ബംപര് ലോട്ടറിയും ലോട്ടറി ഉടമയും താരമായിരിക്കുകയാണ് . സമ്മാനത്തുക ഉയര്ത്തിയതുകൊണ്ടു തന്നെ റെക്കോര്ഡ് വില്പനയാണ് നടന്നിട്ടുള്ളത്. സെപ്റ്റംബര് 18ന് നടന്ന നറുക്കെടുപ്പില് തിരുവനന്തപുരം സ്വദേശിയായ അനൂപിനാണ് ഒന്നാം സമ്മാനമായ 25 കോടി രൂപ ലഭിച്ചത്. 25 കോടി രൂപ കിട്ടിയ ഭാഗ്യവാനെ ഒരു നോക്ക് കാണാനും പറ്റിയാൽ ഒരു കൈ സഹായം ചോദിക്കാനും ആളുകൾ തിക്കി തിരക്കുന്നു . ചാനലുകളും ഇന്റർവ്യൂകളും ആയി ആകെ സംഭവ ബഹുലം..
എന്നാൽ പാവം അനൂപ് ലോട്ടറി 'അടി' കിട്ടിയതിന്റെ ക്ഷീണത്തി നെട്ടോട്ടമോടുകയാണ് , സ്വന്തം വീട്ടിൽപോലും നിൽക്കാൻ പറ്റാത്ത അവസ്ഥ ...അനൂപിന്റെ വാക്കുകൾ
സത്യം പറഞ്ഞാൽ ഈ മനുഷ്യന്റെ ഈ അവസ്ഥയ്ക്ക് കാരണം നമ്മുടെ സർക്കാരല്ലേ ? അനൂപിനെ പോലെ ഭാഗ്യം പരീക്ഷിക്കാൻ ഇറങ്ങിയ കേരളത്തിലെ ജനങളുടെ കീശയിൽ കയ്യിട്ട് നേടിയ കോടികൾ സർക്കാർ ഖജനാവ് നിറയ്ക്കുകയല്ലേ ചെയ്തത്?
കേരള സർക്കാരിന് ഏറ്റവും വരുമാനം ലഭിക്കുന്നത് ഇതിൽ നിന്നാണ് എന്ന് ചോദിച്ചാൽ ഒരേ ഒരു ഉത്തരമേ ഉള്ളു..ലോട്ടറി.. ഇന്ത്യയിലെ ഒട്ടുമിക്ക സംസ്ഥാനങ്ങളും ലോട്ടറി നിരോധിച്ചു. അതേസമയം ഇന്ത്യയിലെ ലോട്ടറി വില്പനയുടെ 90 ശതമാനവും കേരളത്തിൽ നിന്നും ആണ്. ലോട്ടറി കഴിഞ്ഞാൽ സർക്കാരിന്റെ അടുത്ത വരുമാനം മദ്യത്തിൽ നിന്നാണ്. മദ്യം സമൂഹത്തിനു ഗുണം ഉണ്ടാകുന്നില്ലെന്ന് എല്ലാവര്ക്കും കാര്യം,അത് തന്നെ ആണ് ലോട്ടറിയുടെയും അവസ്ഥ
അധ്വാനം അല്ല, ഭാഗ്യം ആണ് എല്ലാം എന്ന തെറ്റായ സന്ദേശം സമൂഹത്തിന് കൊടുക്കുന്നതാണ് ലോട്ടറി സംവിധാനം എന്നും വൈരുദ്ധ്യാത്മക ഭൗതികവാദത്തിന്റെ ആൾകാർ ആയ കമ്മ്യൂണിസ്റ് കാർ എങ്കിലും ഇത് തിരിച്ചറിയേണ്ടെ എന്നും സാമ്പത്തികകാര്യ വിദഗ്ധനും ഗുലാത്തി ഇൻസ്റ്റിറ്റ്യൂട്ട് ഓഫ് ഫിനാൻസ് ആൻഡ് ടാക്സേഷനിലെ മുൻ ഫാക്കൽറ്റി അംഗവുമായ ഡോ. ജോസ് സെബാസ്റ്റ്യൻ ചോദിക്കുമ്പോൾ ആണ് ലോട്ടറിയുടെ പുറകിലെ കെണി എന്തെന്ന് ചിന്തിച്ചു പോകുന്നത്
ദാരിദ്ര്യം കൂടുന്തോറും ഭാഗ്യത്തിന്റെ പുറകെ ജനം പോകും. വിൻ വിൻ, സ്ത്രീ ശക്തി, അക്ഷയ, കാരുണ്യ പ്ലസ്, നിർമൽ, കാരുണ്യ, ഫിഫ്റ്റി ഫിഫ്റ്റി എന്നിങ്ങനെ ആഴ്ചയിൽ എല്ലാ ദിവസവും കേരള സർക്കാർ ലോട്ടറി നറുക്കെടുപ്പ് നടത്തുന്നുണ്ട്. പോയാൽ 40 രൂപ. കിട്ടിയാലോ,? 60 ഉം 75 ഉം ലക്ഷങ്ങൾ. സർക്കാരിന് ആണെങ്കിലോ, പണം കണ്ടെത്താനുള്ള എളുപ്പവഴി. കാരുണ്യ പോലുള്ള ലോട്ടറി കൊണ്ട് എത്രയോ പാവപ്പെട്ടവർക്ക് ചികിത്സ നൽകാൻ ആയി? ലോട്ടറി കമ്മീഷൻ കൊണ്ട് ജീവിതം കൂട്ടി മുട്ടിച്ചു കൊണ്ടുപോകുന്ന 3 ലക്ഷം വരുന്ന ലോട്ടറി തൊഴിലാളികളും സന്തുഷ്ടരാണ്. എല്ലാവരും ഒരുപോലെ വിജയിക്കുന്ന ഈ 'കേരളാ മോഡൽ' പിന്നെ എന്തെ ഇന്ത്യയിലെ മറ്റ് സംസ്ഥാനങ്ങൾ പിന്തുടരാത്തത് ?
ലോട്ടറി പാവപ്പെട്ടവരുടെ മേലുള്ള നികുതി ആണെന്ന് തിരിച്ചു അറിഞ്ഞത് കൊണ്ടാണ് അവരൊക്കെ അത് നിരോധിച്ചത്. കേരളത്തിൽ നികുതി പിരിവ് ബുദ്ധിമുട്ട് ആണെന്ന് രണ്ടു മുന്നണിക്കും അറിയാം. മദ്യവും ലോട്ടറിയും ആകുമ്പോൾ എല്ലാവർക്കും സമ്മതം. ഈ രണ്ടു ഇനങ്ങളിൽ നിന്ന് ഉള്ള വരുമാനം 1970-71 ഇൽ മൊത്തം വരുമാനത്തിന്റെ 14.77% ആയിരുന്നു. ഇന്ന് അത് 36% നു മുകളിൽ ആണ്. പിന്നെ സർക്കാർ എങ്ങനെ ഇത് വേണ്ടെന്നു വയ്ക്കും?
ഇനി പാവം അനൂപിലേയ്ക്ക് തിരികെ എത്തുമ്പോൾ ലോട്ടറി എടുക്കുന്ന പാവപ്പെട്ടവന് അറിയാത്ത ചിലകാര്യങ്ങൾ കൂടി പറയാം
25 കോടിയുടെ ബമ്പറടിച്ച തിരുവനന്തപുരം സ്വദേശി അനൂപിന് യഥാർഥത്തിൽ ഉപയോഗിക്കാൻ സാധിക്കുക 12.89 കോടിയോളം രൂപ മാത്രമാണ്.... ഏജന്റ് കമ്മിഷനും നികുതിയും കഴിച്ച് 15.75 കോടി രൂപ ലഭിക്കുമെന്നാണ് പലരും കരുതുന്നത്......ഈ തുക അദ്ദേഹത്തിന്റെ അക്കൗണ്ടിൽ വരുമെന്നത് ശരിയാണ്.
എന്നാൽ സമ്മാനത്തുക അക്കൗണ്ടിലെത്തുന്നതോടെ അഞ്ചുകോടി രൂപയ്ക്കു മുകളിൽ വരുമാനമുള്ളയാളായി മാറുന്ന ഭാഗ്യവാൻ നികുതിയുടെ 37 ശതമാനം സർചാർജ് അടയ്ക്കണം. ഇതിനു പുറമേ പുറമേ നികുതിയും സെസ് ചാർജും ചേർന്ന തുകയുടെ നാലുശതമാനം ആരോഗ്യ-വിദ്യാഭ്യാസ സെസ് ആയും അടയ്ക്കണം. അതായത് 25 കോടിയുടെ ബമ്പർ നേടിയ ആൾക്ക് 10 ശതമാനം ഏജന്റ് കമ്മിഷൻ കഴിഞ്ഞ് കിട്ടുന്ന തുകയ്ക്ക് നികുതിബാധ്യത 9,61,74,000( ഒന്പത് കോടി അറുപത്തി ഒന്ന് ലക്ഷത്തി എഴുപത്തി നാലായിരം രൂപയാണ്. )പണം അക്കൗണ്ടിലെത്തി രണ്ടുമാസത്തിനുള്ളിൽ തുക അടയ്ക്കണം. വൈകിയാൽ ഓരോ മാസവും ഈ തുകയുടെ ഒരു ശതമാനം പിഴത്തുകയും അടയ്ക്കണം.
ഭാഗ്യവാന്മാരിൽ ഭൂരിപക്ഷത്തിനും സർചാർജിനെക്കുറിച്ചും സെസ്സിനെക്കുറിച്ചും ധാരണയില്ല. അതുകൊണ്ട് ഈ തുക അവർ അടയ്ക്കാറുമില്ല. വർഷാവസാനം വരുമാനനികുതി റിട്ടേൺസമർപ്പിക്കുന്ന സമയത്ത് ഈ തുകയും പിഴയും ചേർത്ത് അടയ്ക്കേണ്ടിവരുമ്പോഴേക്കും പലരും അക്കൗണ്ടിലെത്തിയ പണം ചെലവഴിച്ചു കഴിഞ്ഞിരിക്കും ... . .
അപ്പോൾ ഇനി ചിന്തിക്കു... ഭാഗ്യം തേടി പോക്കറ്റ് കാലിയാക്കണോ? വേണം എന്ന് തന്നെ ആണ് ഉത്തരമെങ്കിൽ കിട്ടിയ പണം ചെലവാക്കുന്നതിനു മുൻപ് നികുതിയുടെ നൂലാമാലകൾ അറിഞ്ഞിരിക്കു .
https://www.facebook.com/Malayalivartha