വൈസ് ചാന്സിലര് മാരുടെ നിയമനം അനിശ്ചിതത്വത്തില് തുടരുന്നതിനിടയ്ക്ക് പ്രോവൈസ് ചാന്സിലര്മാരെയും വിടാന് ഉദ്ദേശ്യമില്ലെന്ന സൂചനകളാണ് ഗവര്ണര് നല്കു
കേരളത്തില് സര്ക്കാരും ഗവര്ണറും തമ്മിലുള്ള ഏറ്റുമുട്ടല് അടുത്ത കാലത്തൊന്നും തീരാന് സാധ്യത തെളിയുന്നില്ലെന്ന സൂചനകളാണ് ഇപ്പോള് പുറത്തു വന്നു കൊണ്ടിരിക്കുന്നത്. സര്ക്കാരിന്റെ കാര്യങ്ങളില് ഗവര്ണര്ക്ക് ഇടപെടാന് കഴിയുന്ന എല്ലാ വിഷയത്തിലും ഇടപെടാനാണ് ഗവര്ണര് തയ്യാറെടുക്കുന്നത്.
വൈസ് ചാന്സിലര് മാരുടെ നിയമനം അനിശ്ചിതത്വത്തില് തുടരുന്നതിനിടയ്ക്ക് പ്രോവൈസ് ചാന്സിലര്മാരെയും വിടാന് ഉദ്ദേശ്യമില്ലെന്ന സൂചനകളാണ് ഗവര്ണര് നല്കുന്നത്. വൈസ് ചാന്സിലര്മാരെ നിയമിച്ച കാര്യത്തില് തനിക്ക് തെറ്റ് പറ്റിയെന്ന് ഉറക്കെ വിളിച്ചു പറയുകയാണ് ഗവര്ണര് ആ സാഹചര്യത്തില് വൈസ് ചാന്സിലര്മാര് നിയമിച്ച പ്രോ വൈസ് ചാന്സിലര്മാരെ വെച്ചു പൊറുപ്പിക്കില്ലെന്ന സന്ദേശമാണ് ഗവര്ണര് നല്കുന്നത്.
വിഴിഞ്ഞത്ത് നടന്ന തുറമുഖ വിരുദ്ധ സമരത്തിലും ഗവര്ണര് തന്റെ അഭിപ്രായം വ്യക്തമാക്കിയിട്ടുണ്ട്. വിഴിഞ്ഞത്ത് സര്ക്കാര് നീക്കം പിഴച്ചെന്നും സമരത്തെ സര്ക്കാര് വഷളാക്കിയെന്നുമാണ് ഗവര്ണര് പ്രതികരിച്ചത്. താല്കാലിക നിയമനങ്ങളുടെ ലിസ്റ്റുകള് വിവധ വകുപ്പുകളോട് ആവശ്യപ്പെട്ടതും വിവാദമായിരുന്നു.
ഡ്യൂട്ടി സമയത്ത് രാജ്ഭവന്വളയാന് എത്തിയ സെക്രട്ടറിയേറ്റ് ജീവനക്കാര്ക്കെതിരെ എന്ത് നടപടിയെടുത്തെന്ന് ചീഫ് സെക്രട്ടറിയോട് ചോദിച്ചതും തെട്ടടുത്ത ദിവസം ചീഫ് സെക്രട്ടറി അവര്ക്ക് കാരണം കാണിക്കല് നോട്ടീസ് നല്കിയതും ഗവര്ണര് ഭരണതലത്തില് പിടിമുറുക്കുന്നതിന്റെ ലക്ഷണമായിട്ടാണ് വിലയിരുത്തപ്പെടുന്നത്.
മുഖ്യമന്ത്രി പിണറായി വിജയനും സിപിഎം നും പരമാവധി പാര്ട്ടി പ്രവര്ത്തകരെ തന്ത്രപ്രധാനമായ സ്ഥാനങ്ങളില് ഇരുത്തുകയെന്ന ലക്ഷ്യമാണുള്ളത്. അതിനായി പാര്ട്ടി പ്രത്യേകെ റിക്രൂട്ട് ചെയ്താണ് ഓരോ സീറ്റിലേയ്ക്കും
ആള്ക്കാരെ നിയമിക്കുന്നത്. അത്തരത്തിലാണ് യൂണിവേഴ്സിറ്റികളിലേയ്ക്ക് വൈസ് ചാന്സിലര്മാരെയും കണ്ടെത്തിയത്. കെ.ടിയു സര്വ്വകലാശാല വൈസ് ചാന്സിലര് രാജശ്രെീയുടെ നിയമനത്തിനെതിരെയുണ്ടായ കേസാണ് കാര്യങ്ങള് മാറ്റിമറിച്ച്. യുജിസി മാനദണ്ഡം പാലിക്കാതെയുള്ള ഡോ.രാജശ്രീയുടെ നിയമനത്തോടെയാണ് കേരളത്തിലെ പതിനാല് സര്വ്വകലാശാലകളുടെയും വൈസ് ചാന്സിലര് പദവിയ്ക്ക് ഗവര്ണര് വെല്ലുവിളിയുയര്ത്തി തുടങ്ങിയത്.
പതിനാല് വൈസ് ചാന്സിലര്മാരുടെയും നിയമനം യുജിസി ചട്ടങ്ങള്ക്കനുസരിച്ചല്ല നടത്തിയതെന്ന നിയമനാധികാരിയായ ഗവര്ണര് തന്നെ പറയുകയാണ്. അതുമാത്രവുമല്ല നിലവിലെ വൈസ് ചാന്സിലര്മാരോട് രാജി വെയ്ക്കാന് ഗവര്ണര് ആവശ്യപ്പെട്ടിരിക്കുകയാണ്. അല്ലെങ്കില് പിരിച്ചു വിടുമെന്ന പ്രഖ്യാപനവും നടത്തിയിരിക്കുകയാണ്. വൈസ് ചാന്സിലര് നിയമനം തന്നെ പ്രതിസന്ധയില് നില്ക്കുമ്പോള് വൈസ് ചാന്സിലര്മാര് നിയമിച്ച പ്രോവൈസ് ചാന്സിലര്മാരെയും വെച്ചു പൊറുപ്പിക്കാ ഗവര്ണര് ഒരുക്കമല്ല. അര്ഹരായ നിരവധി പേരെ ഒഴിവാക്കിയാണ് നിലവിലെ പിവിസിമാരെ നിയമിച്ചിരിക്കുന്നതെന്നത് സംബന്ധിച്ച് നിരവധി പരാതികളാണ് ഗവര്ണര്ക്ക് ലഭിച്ചു കൊണ്ടിരിക്കുന്നത്.
നിലവില് കോടതിയുടെ പരിഗണനയിലൂള്ള ഒന്പ്ത വിസിമാരുടെ കാര്യത്തില് തീരുമാനമറിഞ്ഞ ശേഷമാവും ഗവര്ണറുടെ തുടര് നടപടികള്. വൈസ് ചാന്സിലര്, പ്രോ വൈസ് ചാന്സിലര് പദവികളിലേയ്ക്ക് യുജിസി മാനദണ്ഡം അനുസരിച്ചുള്ള നിയമനത്തിനാണ് ഗവര്ണര് ലക്ഷ്യമിടുന്ന്ത്.
സിപിഎം പ്രവര്ത്തകരെ മാത്രം ഉന്നത സ്ഥാനങ്ങളില് നിയമിക്കുന്ന സംവിധാനത്തിനുള്ള മരണമണി സര്വ്വകലാശാലകളില് നിന്ന് തന്നെ തുടങ്ങുകയാണ്. അര്ഹതയുണ്ടായിട്ടും സിപിഎം സഹയാത്രികനല്ലെന്ന ഒറ്റകാരണത്താല് വൈസ് ചാന്സിലര് ഉള്പ്പടെയുള്ള പദവികള് നഷ്ടപ്പെട്ട നിരവധി പേരുണ്ട്. അവരെല്ലാം ഗവര്ണറുടെ നടപടികള്ക്ക് പിന്തുണ നല്കുകയാണ്. അതു പോലെയാണ് പ്രോ വൈസ് ചാന്സിലര്മാരുടെ കാര്യത്തിലും ഗവര്ണര് കടുത്ത നിലപാടിലേയ്ക്ക പോയി കൊണ്ടിരിക്കുകയാണ്.
പിവിസിമാരുടെ യോഗ്യതകള് , നിയമനം നടത്തിയ രീതികള് എന്നിവയുടെ വിശദാംശങ്ങള് ഗവര്ണര് ശേഖരിച്ചിരിക്കുകയാണ്. പിവിസിമാരുടെ നിയമനത്തില് അര്ഹതയില്ലാത്തവര് കടന്നു കൂടിയിട്ടുണ്ടെങ്കില് അവരെ മാറ്റി പുതിയ നിയമനം നടത്താനാണ് സാധ്യത. ഗവര്ണര്ക്കെതിരെയുള്ള എല്ലാ കേസുകളിലും എട്ട് നിലയില് പൊട്ടി വീണ് കൊണ്ടിരിക്കുന്ന കേരള സര്ക്കാര് ഇനി പിവിസി വിഷയത്തിലും കേസ് നടത്തി തേല്ക്കാന് ശ്രമിക്കില്ലെന്നാണ് രാഷ്ട്രീയ വ്യത്തങ്ങള് നല്കുന്ന സൂചന.
പൊരുതി മരിക്കുന്നവര് എന്നും അഭിമാനമാണ്. എന്നാല് കേരള സര്ക്കാര് നാണക്കേട് ഏറ്റുവാങ്ങി കൊണ്ട് മരിച്ചു കൊണ്ടിരിക്കുകയാണ് . സാങ്കേതിക സര്വ്വകലാശാല വൈസ് ചാനന്സിലര് നിയമന വിഷയത്തില് ഹൈക്കോടതിയില് നിന്നുണ്ടായ പ്രഹരം സര്ക്കാറിന്റെ പ്രതീക്ഷകളെ താളം തെറ്റിക്കുന്നതായിരുന്നു.
സര്വകലാശാലകളുമായി ബന്ധപ്പെട്ട് ഗവര്ണറുടെ നിലപാടിന് വിരുദ്ധമായി നിയമ പോരാട്ടത്തിനിറങ്ങിയ സര്ക്കാരിന് സിസ തോമസിന്റെ നിയമനവുമായി ബന്ധപ്പെട്ട കേസില് കോടതിയില് നിന്ന് കിട്ടിയത് നാലാം തിരിച്ചടിയാണ്. സാങ്കേതിക സര്വകലാശാലയുടെ താത്കാലിക വി.സിയായി ഡോ. സിസ തോമസിനെ നിയമിച്ച ഗവര്ണറുടെ നടപടി ഹൈക്കോടതി ശരിവെച്ചത് സിപിഎംനും സര്ക്കാരിനും കടുത്ത പ്രഹരമായി മാറി..
https://www.facebook.com/Malayalivartha