ആധാറിന്‌ അപേക്ഷിച്ചിട്ട്‌ കാലം കുറേയായി എന്തു ചെയ്യണം?
ആധാറിനെപ്പറ്റി മലയാളി വാര്‍ത്ത നല്‍കിയ വിവരങ്ങള്‍ ലക്ഷക്കണക്കിന്‌ ആള്‍ക്കാരാണ്‌ ഇതിനോടകം കണ്ടത്‌. ഞങ്ങള്‍ മൂന്ന് ഘട്ടമായാണ്‌ ആധാര്‍ വാര്‍ത്ത നല്‍കിയത്‌. ഇതില്‍ ആദ്യം കൊടുത്തത്‌ ഇനി ആധാറിനായി അലയേണ്ട, എന്താണ്‌ ആധാര്‍, എവിടെ നിന്നും കിട്ടും, കിട്ടാത്തവര്‍ എന്തു ചെയ്യണം, അക്കൗണ്ടുമായി എങ്ങനെ ചേര്‍ക്കാം, പാചക വാതക സബ്‌സിഡിക്ക്‌ എന്ത്‌ ചെയ്യണം... എന്നതായിരുന്നു. ഇതുമാത്രം 38,000ലധികം പേരാണ്‌ ഷെയര്‍ ചെയ്‌തത്‌.
രണ്ടാമതായി നല്‍കിയ ആധാറില്‍ തെറ്റു തിരുത്തുക, മാറ്റം വരുത്തുക ഇനി വളരെ എളുപ്പം, നിങ്ങള്‍ക്കും പരീക്ഷിക്കാം എന്ന വാര്‍ത്ത 17,000 പേരാണ്‌ ഷെയര്‍ ചെയ്‌തത്‌. മൂന്നാമതായി നല്‍കിയ ആധാറില്ല, ഗ്യാസ്‌ കണക്ഷന്‍ ഉള്ളയാള്‍ ഗള്‍ഫിലാണ്‌, എങ്ങനെ ഗ്യാസ്‌ കണക്ഷന്‍ മാറ്റും?എന്ന വാര്‍ത്ത ഷെയര്‍ ചെയ്‌തത്‌ 2,000 പേരാണ്‌.
എല്ലാംകൂടി ഈ മൂന്ന് ആധാര്‍വാര്‍ത്ത ഷെയര്‍ ചെയ്‌തവര്‍ മാത്രം 57,000 പേരാണ്‌. ഇത്‌ ഭാവിയില്‍ ഉപകരിക്കും എന്ന ഉത്തമ വിശ്വാസം ഉള്ളതു കൊണ്ടാണ്‌ ഇപ്പോഴും ഈ വാര്‍ത്ത ഷെയര്‍ ചെയ്‌ത്‌ പോകുന്നത്‌.
പ്രിയ വായനക്കാര്‍ ചോദിച്ച ബഹുഭൂരിപക്ഷം ചോദ്യങ്ങള്‍ക്ക്‌ ഞങ്ങള്‍ മറുപടി നല്‍കിക്കഴിഞ്ഞു. ബാക്കിയുള്ളവയ്‌ക്കും ഉടന്‍ മറുപടി നല്‍കുന്നുണ്ട്‌.
ആധാറിന്‌ അപേക്ഷിച്ചിട്ട്‌ കാലം കുറേയായി എന്തു ചെയ്യണം?
വളരെയധികം വായനക്കാരാണ്‌ മലയാളി വാര്‍ത്തയോട്‌ ഇങ്ങനെയൊരു ചോദ്യം ചോദിച്ചത്‌. ഇക്കാര്യത്തിലുള്ള വായനക്കാരുടെ ആശങ്ക ഞങ്ങള്‍ ആധാര്‍, അക്ഷയ കേന്ദ്രത്തോട്‌ പറഞ്ഞു.
കേരളത്തില്‍ പ്രധാനമായും ആധാര്‍ രജിസ്റ്റര്‍ ചെയ്യാന്‍ സൗകര്യമുള്ളത്‌ അക്ഷയ, കെല്‍ട്രോണ്‍, എന്‍പിആര്‍ എന്നീ കേന്ദ്രങ്ങളിലാണ്‌. ഇവയില്‍ എന്‍പിആറില്‍ അപേക്ഷ സമര്‍പ്പിച്ച പലര്‍ക്കുമാണ്‌ കൂടുതലും ആധാര്‍ കാര്‍ഡ്‌ കിട്ടാതെ വന്നവര്‍.
സാധാരണ ഗതിയില്‍ എന്‍ട്രോള്‍ സ്റ്റേഷനുകളില്‍ രജിസ്റ്റര്‍ ചെയ്‌തു കഴിഞ്ഞാല്‍ 3 ആഴ്‌ചയ്‌ക്കുള്ളില്‍ ഡാറ്റ പ്രോസസിംഗ്‌ നടക്കും. അപ്പോള്‍ നമ്മള്‍ ആധാര്‍ സ്റ്റാറ്റസ്‌ നോക്കിയാല്‍ ഡാറ്റ പ്രോസസിംഗ്‌ എന്ന മെസേജായിരിക്കും ലഭിക്കുക. എന്നാല്‍ മാസങ്ങള്‍ കഴിഞ്ഞിട്ടും No Available Data എന്നു കാണിച്ചാല്‍ തങ്ങളുടെ വിവരങ്ങള്‍ ആധാര്‍ സര്‍വറില്‍ എത്തിയിട്ടില്ല എന്നു വേണം കരുതാന്‍.
ബാംഗ്ലൂരിലുള്ള ആധാര്‍ സര്‍വറില്‍ വിവരങ്ങള്‍ എത്തിയെങ്കില്‍ മാത്രമേ ആധാര്‍ കാര്‍ഡ്‌ ലഭിക്കൂ. എന്‍ട്രോള്‍മെന്റ്‌ അധികൃതരുടെ അലംഭാവം മൂലം എന്തെങ്കിലും കാരണവശാല്‍ ഇടയ്‌ക്കെവിടെയെങ്കിലും വച്ച്‌ വിവരങ്ങള്‍ നഷ്‌ടമായാല്‍ പിന്നെ നോക്കണ്ട. അടുത്തിടെ ആധാറിന്റെ പേപ്പറുകള്‍ കളഞ്ഞു കിട്ടിയതായുള്ള വാര്‍ത്ത വായിച്ചത്‌ ഓര്‍ക്കുമല്ലോ.
നിരവധി പരാതികള്‍ വന്നതോടെ ആധാര്‍ കൂടുതല്‍ കാര്യക്ഷമമാക്കാനുള്ള നടപടിക്രമങ്ങള്‍ നടക്കുകയാണ്‌.
എന്താണ്‌ പോംവഴി?
2012ന്‌ മുമ്പ്‌ ആധാര്‍ രജിസ്റ്റര്‍ ചെയ്‌തവര്‍ ഇനി കാത്തിരിക്കേണ്ടതില്ല. അവര്‍ക്ക്‌ ആധാര്‍ സ്റ്റാറ്റസ്‌ കിട്ടില്ല. അവര്‍ കഴിഞ്ഞതോര്‍ത്ത്‌ വിഷമിക്കാതെ ഒരിക്കല്‍കൂടി ആധാര്‍ എന്‍ട്രോള്‍ കേന്ദ്രത്തില്‍ പോയി രജിസ്റ്റര്‍ ചെയ്യുക. എന്‍പിആര്‍ വഴി വളരെ മുമ്പ്‌ എടുത്തവര്‍ ഉറപ്പായും ഒരിക്കല്‍ കൂടി രജിസറ്റര്‍ ചെയ്യണം.
രണ്ട് പ്രാവശ്യം രജിസ്റ്റര്‍ ചെയ്‌തവര്‍ എന്ത്‌ ചെയ്യണം?
നാട്ടില്‍ ആധാര്‍ എടുക്കുന്നു എന്നറിഞ്ഞ്‌ ഒരുപാട്‌ ആള്‍ക്കാര്‍ ഒന്നില്‍ കൂടുതല്‍ തവണ ആധാര്‍ രജിസ്റ്റര്‍ ചെയ്‌തിട്ടുണ്ട്‌. അവരാകട്ടെ ആദ്യത്തെ ആധാര്‍ അഗ്നോളജ്‌മെന്റ്‌ സ്ലിപ്പ്‌ കളയുകയും രണ്ടാമത്തെ സ്ലിപ്പുമായി അലയുകയും ചെയ്‌തു. അപ്പോള്‍ അവര്‍ക്ക്‌ കിട്ടുന്നത്‌ No Available Data എന്ന മെസേജായിരിക്കും.
ആധാര്‍ ഒരു വ്യക്തിക്ക്‌ ഒരു പ്രാവശ്യം മാത്രമുള്ളതാണ്‌. ആയതിനാല്‍ ആദ്യം ഏത്‌ പ്രോസസിംഗ്‌ നടന്നോ അതിനായിരിക്കും ആധാര്‍ ലഭിക്കുക. അതിനായി അവര്‍ ടോള്‍ ഫ്രീ നമ്പരില്‍ വിളിച്ച്‌ എന്‍ട്രോള്‍മെന്റ്‌ നമ്പരെടുക്കുക. അതിനുശേഷം ആധാര്‍ സ്റ്റാറ്റസ്‌ എടുക്കുക.
കൂടുതലറിയാന്‍ ...
ആധാറിനെപ്പറ്റി ഉപകാരപ്രദമായ ഈ വാര്‍ത്തകള്‍ കൂടി വായിക്കുക. അതിനായി ഈ ലിങ്കുകളില്‍ ക്ലിക്ക്‌ ചെയ്യുക
38,000 പേര്‍ ഷെയര്‍ ചെയ്ത വാര്‍ത്ത
17,000 പേര്‍ ഷെയര്‍ ചെയ്ത വാര്‍ത്ത
2,000 പേര്‍ ഷെയര്‍ ചെയ്ത വാര്‍ത്ത
ആധാറില്ല, ഗ്യാസ്‌ കണക്ഷന്‍ ഉള്ളയാള്‍ ഗള്‍ഫിലാണ്‌, എങ്ങനെ ഗ്യാസ്‌ കണക്ഷന്‍ മാറ്റും
ഇത്‌ മലയാളത്തില്‍ മറ്റെങ്ങും കിട്ടാത്ത വിലപ്പെട്ട രേഖയാണ്‌. അതിനാല്‍ ഇത്‌ ഷെയര്‍ ചെയ്‌ത്‌ സൂക്ഷിക്കുക. ഭാവിയില്‍ ആവശ്യസമയത്ത്‌ ഇത്‌ ഉപകരിക്കും.
ആധാറിനെ പറ്റിയുള്ള ആരും പറയാത്ത അപ്പപ്പോഴുള്ള ഉപകാരപ്പെടുന്ന വാര്‍ത്തയറിയാന്‍ ഞങ്ങളുടെ ഫേസ്‌ ബുക്ക്‌ സന്ദര്‍ശിക്കുക.Likeചെയ്യുക.https://www.facebook.com/Malayalivartha
മലയാളി വാര്‍ത്തയില്‍ തുടര്‍ന്നുള്ള ദിവസങ്ങളില്‍ വായിക്കുക
ഓണ്‍ലൈന്‍ വഴി ആധാര്‍ നമ്പര്‍ അറിയുന്നതെങ്ങനെ?
ഗള്‍ഫിലുള്ള ആള്‍ ഒപ്പിടാതെ എങ്ങനെ ഗ്യാസ്‌ കണക്ഷന്‍ മാറ്റാം?
അകന്ന ബന്ധുവിനും ഗ്യാസ്‌ കണക്ഷന്‍ മാറ്റുന്നതെങ്ങനെ?
ആധാറിനെപ്പറ്റി വീണ്ടും ചില സംശയങ്ങള്‍ പ്രിയ വായനക്കാര്‍ ചോദിച്ചിട്ടുണ്ട്‌.അതിനെല്ലാം ഉടന്‍ മറുപടി നല്‍കുന്നതാണ്‌.
https://www.facebook.com/Malayalivartha
