വിദേശികളുടെ ഗര്‍ഭം ചുമക്കുന്ന ഭാരത സ്‌ത്രീകള്‍ , ഡോ. നയന വിവാദത്തില്‍
02 OCTOBER 2013 06:04 AM IST
മലയാളി വാര്‍ത്ത.
.jpg)
ഇന്ത്യക്കാരായ സ്‌ത്രീകളുടെ ഗര്‍ഭപാത്രം വാടകയ്‌ക്കെടുത്താണ്‌ കുട്ടികളെ പ്രസവിപ്പിച്ച്‌ വിദേശികള്‍ക്ക്‌ നല്‍കുന്നത്‌. വിദേശ ദമ്പതികളില്‍ നിന്നും ഭ്രൂണമോ ബീജമോ പ്രത്യേക രീതിയില്‍ ഡോ. നയനയ്‌ക്ക്‌ അയച്ചു കൊടുക്കും. ഇത്‌ പ്രത്യേകം നിരീക്ഷിച്ച ശേഷം വാടകയ്‌ക്കെടുത്ത ഗര്‍ഭപാത്രത്തില്‍ നിക്ഷേപിക്കും.
വാടകയ്‌ക്ക്‌ ഗര്‍ഭം ചുമക്കാന്‍ താത്‌പര്യമുള്ള നൂറുകണക്കിന്‌ സ്‌ത്രീകള്‍ ഈ ക്ലിനിക്കില്‍ ജോലിചെയ്യുന്നുണ്ട്‌. ഈ പാവപ്പെട്ട സ്‌ത്രീകളുടെ ഗര്‍ഭപാത്രമാണ്‌ വാടകയ്‌ക്കെടുക്കുന്നത്‌. ഡോക്‌ടര്‍ നയനയുടെ ക്ലിനിക്കില്‍ ഇപ്പോള്‍ നൂറോളം ഗര്‍ഭിണികളുണ്ട്‌. എല്ലാവരും വിദേശികളില്‍ നിന്നും ഗര്‍ഭം ധരിച്ചവര്‍. വിദേശികളുടെ ബീജം സ്‌ത്രീകളുടെ ഗര്‍ഭപാത്രത്തില്‍ നിക്ഷേപിച്ചു കഴിഞ്ഞാല്‍ വിദേശികള്‍ക്ക്‌ പോകാം. പിന്നെ കുഞ്ഞിനെ ഏറ്റുവാങ്ങുന്ന സമയത്ത്‌ എത്തിയാല്‍ മതി. ഒരുകുട്ടിയ്‌ക്ക്‌ 18 ലക്ഷം രൂപയാണ് ഡോ നയന ഈടാക്കുന്നത്‌. ഇരട്ടക്കുട്ടികളാണെങ്കില്‍ ഒന്നേകാല്‍ ലക്ഷം അധികം നല്‍കണം. ഒരമ്മയ്‌ക്ക്‌ 5,63000 രൂപയാണ് പ്രതിഫലം.
.
ഇതിനകം 29 രാജ്യങ്ങളില്‍ നിന്നായി ഏതാണ്ട്‌ അഞ്ഞൂറിലധികം കുഞ്ഞുങ്ങള്‍ക്ക്‌ ജന്മം നല്‍കിക്കഴിഞ്ഞു. 253 ആണ്‍കുട്ടികള്‍ക്കും 247 പെണ്‍കുട്ടികള്‍ക്കുമാണ്‌ ഈ അമ്മമാര്‍ വഴി ജന്മം നല്‍കിയത്‌. പാവപ്പെട്ട സ്‌ത്രീകളെ ഇങ്ങനെ വാടകഗര്‍ഭിണികളാക്കുന്നതില്‍ ഡോ നയനയ്‌ക്കെതിരെ പ്രതിഷേധം ഉയരുന്നുണ്ട്‌. എന്നാല്‍ ഈ അമ്മമാര്‍ കഷ്‌ടപ്പെടുന്നതിനനുസരിച്ച്‌ കൂലിയും നല്‍കുന്നുണ്ടെന്നാണ്‌ ഡോ നയനയുടെ വാദം. ഗര്‍ഭിണികള്‍ ആകാന്‍ കഴിയാത്തവര്‍ക്കുവേണ്ടി കഴിവുള്ളവര്‍ ഗര്‍ഭിണികളാകുന്നു. അതിനവര്‍ ഉയര്‍ന്ന പ്രതിഫലവും പറ്റുന്നുണ്ട്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ ബുക്ക്‌Likeചെയ്യുക https://www.facebook.com/Malayalivartha
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
