രാഷ്ട്രീയ ഹിന്ദി സാഹിത്യ സമ്മേളന് പുരസ്കാരം ഡോ. പി ആര് ഹരീന്ദ്ര ശര്മ്മയ്ക്ക്
മികച്ച ഭാഷാ ശാസ്ത്ര പുസ്തകത്തിനുള്ള 2013 ലെ രാഷ്ട്രീയ ഹിന്ദി സാഹിത്യ സമ്മേളന് പുരസ്കാരം ഡോ. പി ആര് ഹരീന്ദ്ര ശര്മ്മയ്ക്ക്. തിരുവനന്തപുരം പ്രസ്ക്ലബ് ഹാളില് കഴിഞ്ഞ ദിവസം നടന്ന ചടങ്ങില് മുന് സ്പീക്കര് എം വിജയകുമാര് ഡോ. ഹരീന്ദ്രശര്മ്മയ്ക്ക് പുരസ്കാരം സമ്മാനിച്ചു.
ഔദ്യോഗിക ഭാഷയായ ഹിന്ദിയുടെ ഉന്നമനത്തിനും പ്രചാരണത്തിനുമായി നിലകൊള്ളുന്ന ഹിന്ദി സാഹിത്യ സംഘടനയാണ് രാഷ്ട്രീയ ഹിന്ദി സാഹിത്യ സമ്മേളന് . ഹിന്ദി ഭാഷയുടെ പരിപോഷണത്തിനായി സാഹിത്യത്തിന്റെ വിവിധ മേഖലകളിലുള്ളവര്ക്കാണ് ഈ പുരസ്കാരം നല്കാറുള്ളത്.
ഡോ. ഹരീന്ദ്ര ശര്മ്മ എഴുതിയ 'ഹിന്ദി ഔര് കൊങ്കണി സംജ്ഞായേം: ഐതിഹാസിക് ഏവം തുലനാത്മക് അദ്ധ്യയന് ' എന്ന പുസ്തകത്തിനായിരുന്നു പുരസ്കാരം. ഹിന്ദി-കൊങ്കണി ഭാഷകള് തമ്മിലുള്ള താരതമ്യപഠനമായിരുന്നു ഈ പുസ്തകത്തിന്റെ ഉള്ളടക്കം. അനേക ഭാഷകളുള്ള ഭാരതത്തില് വിവിധ ഭാഷകള് തമ്മിലുള്ള താരതമ്യ പഠനംമൂലം ഭാഷകളിലെ നാനാത്വത്തിലും ഏകത്വം കണ്ടെത്താന് കഴിയും എന്ന് ഈ പുസ്തകം തെളിയിക്കുന്നു.
രാഷ്ട്രീയ ഹിന്ദി സാഹിത്യ സമ്മേളന് അധ്യക്ഷന് ഡോ. (പ്രൊഫ.) തിരുമല ചന്ദ്രന് , ജസ്റ്റിസ് ഡി. ശ്രീദേവി, ജമീല പ്രകാശം എംഎല്എ തുടങ്ങിയവരും ചടങ്ങില് പങ്കെടുത്തു
ഹിന്ദി, കൊങ്കണി, മലയാളം തുടങ്ങിയ ഭാഷകളില് ഡോ. ഹരീന്ദ്ര ശര്മ്മ രചിച്ച വിവിധ പ്രബന്ധങ്ങള്ക്കും സാഹിത്യ കൃതികള്ക്കും നിരവധി പുരസ്കാരങ്ങള് ലഭിച്ചിട്ടുണ്ട്.
രാജ് ഭാഷയായ ഹിന്ദിയുടെ വികസനത്തിന് വേണ്ടി എച്ച്എല്എല് ലൈഫ് കെയര് ലിമിറ്റഡ്, തിരുവനന്തപുരം സംഘടിപ്പിച്ച 'താങ്ങാവുന്ന ചിലവില് ഗുണമേന്മയുള്ള ആരോഗ്യരക്ഷാ ഉത്പ്പന്നങ്ങള് ലഭ്യമാക്കുന്നതിനുള്ള വെല്ലുവിളികള് ' എന്ന വിഷയത്തിലുള്ള ഹിന്ദി സെമിനാറിലെ മികച്ച പ്രബന്ധത്തിനുള്ള പുരസ്കാരവും ഡോ. ഹരീന്ദ്ര ശര്മ്മയ്ക്കായിരുന്നു.
കേരള ഗവര്ണര് നിഖില് കുമാറാണ് ഡോ. ഹരീന്ദ്ര ശര്മ്മയ്ക്ക് ഈ പുരസ്കാരം സമ്മാനിച്ചത്. എച്ച്എല്എല് ലൈഫ് കെയര് ലിമിറ്റഡ് മാനേജിംഗ് ഡയറക്ടര് എം അയ്യപ്പന് ചടങ്ങില് അധ്യക്ഷനായിരുന്നു.
തിരുവനന്തപുരം ദൂരദര്ശന് കേന്ദ്രത്തിലെ ഔദ്യോഗിക ഭാഷാ വിഭാഗത്തിലെ അസിസ്റ്റന്റ് ഡയറക്ടറാണ് ഡോ. ഹരീന്ദ്ര ശര്മ്മ.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha