എൺപത് വർഷങ്ങൾക്ക് മുമ്പ് ഇതുപോലൊരു മെയ് 8 ന് ജർമ്മനിയുടെ കീഴടങ്ങൽ വാർത്ത ലോകം കേട്ടു. അതെ, 1945 മെയ് 8 ന് യൂറോപ്പിൽ രണ്ടാം ലോക മഹായുദ്ധം അവസാനിച്ചു. യൂറോപ്പിലെ വിജയം (VE Day) പ്രഖ്യാപിച്ച പത്രങ്ങൾ കയ്യിൽ പിടിച്ച് തെരുവിലിറങ്ങിയ ജനങ്ങൾ യുദ്ധാവസാനം ആഘോഷിച്ചു. അതേവർഷം അവസാനം തന്നെ അമേരിക്കൻ പ്രസിഡന്റ് ഹാരി എസ്. ട്രൂമാൻ ജപ്പാന്റെ കീഴടങ്ങലും രണ്ടാം ലോക മഹായുദ്ധത്തിന്റെ അവസാനവും പ്രഖ്യാപിച്ചു. പക്ഷേ അത് സംഘർഷത്തിന്റെ അവസാനമായിരുന്നില്ല, യുദ്ധം ജനങ്ങളിൽ ചെലുത്തിയ ആഘാതത്തിന്റെ അവസാനവുമല്ല. ജപ്പാനെതിരായ യുദ്ധം 1945 ഓഗസ്റ്റ് വരെ അവസാനിച്ചില്ല

വാർത്ത ലോകം ഏറ്റു പിടിച്ചു, അമേരിക്കയിലുടനീളം ആഘോഷങ്ങൾ പൊട്ടിപ്പുറപ്പെട്ടു. 1945 സെപ്റ്റംബർ 2 ന്, യുഎസ്എസ് മിസോറിയിൽ ഔപചാരിക കീഴടങ്ങൽ രേഖകളിൽ രാജ്യങ്ങൾ ഒപ്പുവച്ചു. സോവിയറ്റ് യൂണിയൻ, കാനഡ, ഓസ്‌ട്രേലിയ എന്നിവിടങ്ങളിലെ നഗരങ്ങൾക്കൊപ്പം അമേരിക്ക, ബ്രിട്ടൺ , പടിഞ്ഞാറൻ യൂറോപ്പ് എന്നിവിടങ്ങളിലെ നഗരങ്ങളും നാസി ജർമ്മനിയുടെ പരാജയം ആഘോഷിക്കുകയും ആളുകൾ പതാകകളും ബാനറുകളും കൊണ്ട് നിരത്തിറങ്ങുകയും ചെയ്തു.

യൂറോപ്പിലുടനീളമുള്ള ജർമ്മൻ സൈന്യം പോരാട്ടം ഉപേക്ഷിച്ച് പ്രാഗിൽ സോവിയറ്റ് സൈന്യത്തിന് മുന്നിൽ കീഴടങ്ങുകയായിരുന്നു. കോപ്പൻഹേഗൻ, ഓസ്ലോ തുടങ്ങിയ നഗരങ്ങളിലും, ബെർലിനിനടുത്തുള്ള കാൾഷോർസ്റ്റിലും, വടക്കൻ ലാത്വിയയിലും, ചാനൽ ദ്വീപായ സാർക്കിലും ഒക്കെ ജർമ്മനി വീണു. മെയ് 8ന് ഔദ്യോഗിക പ്രഖ്യാപനം വരുന്നതിനു മുമ്പുതന്നെ മെയ് 7 ന് ബ്രിട്ടനിൽ യുദ്ധം അവസാനിച്ച വാർത്ത റേഡിയോ വഴി പൊതുജനങ്ങളിൽ എത്തിയത് മുതൽ ലോകം ആഘോഷത്തിലായിരുന്നു. രണ്ടാം ലോകമഹായുദ്ധത്തിൽ ജപ്പാൻ സാമ്രാജ്യത്തിന്റെ കീഴടങ്ങൽ ഓഗസ്റ്റ് 15 ന് ഹിരോഹിറ്റോ ചക്രവർത്തി പ്രഖ്യാപിക്കുകയും 1945 സെപ്റ്റംബർ 2 ന് ഔദ്യോഗികമായി ഒപ്പുവയ്ക്കുകയും ചെയ്തു , അങ്ങനെ യുദ്ധം അവസാനിച്ചു .

ഒന്നാം ലോകമഹായുദ്ധം നടന്ന് രണ്ട് പതിറ്റാണ്ടുകൾക്ക് ശേഷമാണ് രണ്ടാം ലോകമഹായുദ്ധം ആരംഭിച്ചത്, ഒന്നാം യുദ്ധത്തിലെ പല പ്രശ്നങ്ങളും പരിഹരിക്കപ്പെടാതെ അവശേഷിച്ചിരിക്കുകയായിരുന്നു. ബാക്കിപത്രമായി ഉണ്ടായ രണ്ടാമത്തെ സംഘർഷം ചരിത്രത്തിലെ ഏറ്റവും വലുതും മാരകവുമായ സംഘർഷമായി മാറി, ഏകദേശം 4 കോടി മുതൽ 5 കോടി വരെ ജീവനാണ് അന്ന് നഷ്ടപ്പെട്ടത്.

അമേരിക്കൻ ഐക്യനാടുകൾ, യുദ്ധത്തിൽ രാജ്യത്തെ നയിച്ച പ്രസിഡന്റ് റൂസ്‌വെൽറ്റിന്റെ സമീപകാല മരണത്തിൽ ദുഃഖത്തിലായിരുന്നു. അദ്ദേഹത്തിന്റെ പിൻഗാമിയായ ഹാരി എസ് ട്രൂമാൻ അദ്ദേഹത്തിന് ആദരാഞ്ജലി അർപ്പിക്കുകയും രാജ്യം 30 ദിവസത്തെ ദുഃഖാചരണം തുടരുന്നതിനാൽ പതാകകൾ പകുതി താഴ്ത്തിക്കെട്ടാൻ ഉത്തരവിടുകയും ചെയ്തു. എന്നിരുന്നാലും, വലിയ ജനക്കൂട്ടം യുദ്ധ സമാപനത്തിന്റെ ആഘോഷത്തിൽ ഒത്തുകൂടി. ന്യൂയോർക്ക്, ടൈംസ് സ്ക്വയറിൽ തിങ്ങിനിറഞ്ഞ ആളുകളെ നിയന്ത്രിക്കാൻ ഏകദേശം 15,000 പോലീസ് ഉദ്യോഗസ്ഥരുണ്ടായിരുന്നു.

1939 ന്റെ തുടക്കത്തോടെ ജർമ്മൻ നേതാവ് അഡോൾഫ് ഹിറ്റ്‌ലർ പോളണ്ട് ആക്രമിക്കാൻ തീരുമാനിച്ചു. അവിടെയായിരുന്നു എല്ലാത്തിന്റെയും തുടക്കം. ജർമ്മനി ഒരു ആക്രമണവുമായി വന്നാൽ തങ്ങൾക്ക് പിന്തുണ വാഗ്ദാനം ചെയ്ത ബ്രിട്ടനുമായും ഫ്രാൻസുമായും പോളണ്ട് ഒരു സൈനിക കരാറുകൾ ഉണ്ടാക്കിയിരുന്നു. ഇതൊക്കെയാണെങ്കിലും, അധിനിവേശവുമായി മുന്നോട്ട് പോകാൻ ഹിറ്റ്‌ലർ പദ്ധതിയിട്ടു. അതിനിടയിൽ, സോവിയറ്റ് യൂണിയനിലേക്കും ഹിറ്റലറിന്റെ കണ്ണെത്തി. തുടർന്ന് ഹിറ്റ്‌ലർ രഹസ്യ ചർച്ചകളിൽ ഏർപ്പെട്ടു, അത് ജർമ്മൻ-സോവിയറ്റ് അധിനിവേശ കരാറിലേക്ക് നയിച്ചു. പോളണ്ടിനെ വിഭജിക്കാനുള്ള ഒരു രഹസ്യ കരാറും അതിൽ ഉണ്ടായിരുന്നു , ജർമ്മനിയുടെ പടിഞ്ഞാറും സോവിയറ്റ് യൂണിയൻ്റെ കിഴക്കും പിടിച്ചെടുക്കുക എന്നതായിരുന്നു ലക്ഷ്യം.

സോവിയറ്റുകളിൽ നിന്നോ ബ്രിട്ടീഷുകാരിൽ നിന്നോ ഒരു ചെറുത്തുനിൽപ്പും ഉണ്ടാകില്ലെന്ന് വിശ്വസിച്ച്, ഓഗസ്റ്റ് 26 ന് പോളണ്ട് അധിനിവേശം ആരംഭിക്കാൻ ഹിറ്റ്‌ലർ ഉത്തരവിട്ടു. എന്നിരുന്നാലും, ഓഗസ്റ്റ് 25 ന് ബ്രിട്ടനും പോളണ്ടും തമ്മിൽ ഒപ്പുവച്ച ഒരു പുതിയ പ്രതിരോധ ഉടമ്പടി കരണം ഹിറ്റ്ലർ തിയതി നീട്ടി. പിന്നീട്, 1939 ഓഗസ്റ്റ് 31 ന് ഉച്ചയ്ക്ക് 12:40 ന് ഹിറ്റ്‌ലർ അന്തിമ ഉത്തരവ് നൽകി. പിറ്റേന്ന് പുലർച്ചെ 4:45 ന് ജർമ്മൻ സൈന്യം പോളണ്ടിലേക്ക് കടന്നു. സെപ്റ്റംബർ 3 ന് ബ്രിട്ടനും ഫ്രാൻസും ജർമ്മനിക്കെതിരെ യുദ്ധം പ്രഖ്യാപിച്ചു – ബ്രിട്ടൻ രാവിലെ 11:00 നും ഫ്രാൻസ് വൈകുന്നേരം 5:00 നും. രണ്ടാം ലോക മഹായുദ്ധം ഔദ്യോഗികമായി ആരംഭിച്ചു.

1945 ഏപ്രിൽ 25 ന് സോവിയറ്റ് സൈന്യം ജർമ്മൻ തലസ്ഥാനമായ ബെർലിൻ വളഞ്ഞു. അതേ ദിവസം തന്നെ, സോവിയറ്റ് സൈന്യം മധ്യ ജർമ്മനിയിൽ (ടോർഗൗ) പടിഞ്ഞാറ് നിന്ന് ആക്രമണം നടത്തുന്ന അമേരിക്കൻ എതിരാളികളുമായി ചേർന്നു. കനത്ത പോരാട്ടത്തിനുശേഷം, സോവിയറ്റ് സൈന്യം മധ്യ ബെർലിനിലെ അഡോൾഫ് ഹിറ്റ്ലറുടെ കമാൻഡ് ബങ്കറിനടുത്തുവരെ എത്തി . 1945 ഏപ്രിൽ 30 ന് ഹിറ്റ്‌ലർ ആത്മഹത്യ ചെയ്തു. അഡോൾഫ് ഹിറ്റ്‌ലറുടെ മരണത്തോടെ, മെയ് 7-ന് ജർമ്മനിക്ക് കീഴടങ്ങുകയല്ലാതെ മറ്റ് മാർഗമില്ലായിരുന്നു. യുണൈറ്റഡ് സ്റ്റേറ്റ്സ്, യുണൈറ്റഡ് കിംഗ്ഡം, സോവിയറ്റ് യൂണിയൻ, ഫ്രാൻസ് തുടങ്ങിയ നാല് രാജ്യങ്ങൾ ജർമ്മനിയുടെ ഭരണ നിയന്ത്രണം ഏറ്റെടുത്തു.

യുദ്ധത്തിന് ശേഷം, മെയ് 9-ന് ചില പ്രദേശങ്ങളിൽ ജർമ്മൻ, സോവിയറ്റ് സേനകൾ തമ്മിലുള്ള പോരാട്ടം തുടർന്നിരുന്നു. പിന്നീട് മെയ് 9 ന് മോസ്കോയിൽ വിജയദിനം ആഘോഷിച്ചു. സോവിയറ്റ് നേതാവ് സ്റ്റാലിൻ ഒരു റേഡിയോ പ്രസംഗം നടത്തി, “സ്ലാവ് രാഷ്ട്രങ്ങളുടെ യുഗങ്ങളായുള്ള പോരാട്ടം… വിജയത്തിൽ അവസാനിച്ചു. നിങ്ങളുടെ ധൈര്യം നാസികളെ പരാജയപ്പെടുത്തി. യുദ്ധം അവസാനിച്ചു” എന്നായിരുന്നു അത്. സ്വന്തം നാട്ടിൽ നിന്ന് വളരെ അകലെ സേവനമനുഷ്ഠിക്കുന്ന സഖ്യകക്ഷി സൈനികർക്ക്, വിജയ ദിനം സന്തോഷത്തിന്റെയും സങ്കടത്തിന്റെയും ഒക്കെയായിരുന്നു.

യൂറോപ്പിലെ യുദ്ധം അവസാനിച്ചെങ്കിലും, ഏഷ്യയിലും പസഫിക്കിലും പോരാട്ടം തുടർന്നു. ആയിരക്കണക്കിന് ആളുകൾ അപ്പോഴും യുദ്ധത്തിലായിരുന്നു. രണ്ടാം ലോകമഹായുദ്ധത്തിന്റെ അവസാനത്തോടെ, ജർമ്മനിയെ നാല് മേഖലകളായി വിഭജിച്ചു, ഓരോന്നും സഖ്യശക്തികളിൽ ഒന്നായ അമേരിക്ക, ബ്രിട്ടൻ, ഫ്രാൻസ്, സോവിയറ്റ് യൂണിയൻ എന്നിവയുടെ നിയന്ത്രണത്തിലായിരുന്നു. സോവിയറ്റ് നിയന്ത്രണത്തിലുള്ള പ്രദേശത്തിന്റെ ഉള്ളിലാണെങ്കിലും ബെർലിൻ നാല് രാജ്യങ്ങൾക്കിടയിലായി കിടന്നു. അമേരിക്കക്കാരുടെയും ബ്രി