മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ഇന്ന് കാര്യങ്ങൾ ചെയ്യുന്നതിൽ ചെറിയ തടസ്സങ്ങൾ നേരിട്ടേക്കാം. കുടുംബത്തിൽ, പ്രത്യേകിച്ച് ജീവിതപങ്കാളിയുമായും മക്കളുമായും അഭിപ്രായവ്യത്യാസങ്ങൾ ഉണ്ടാവാതെ ശ്രദ്ധിക്കണം. യാത്രകൾ ചെയ്യേണ്ടിവരാം. മാനസിക പിരിമുറുക്കം കൂടാതെ ശ്രദ്ധിക്കുക. ജലവുമായി ബന്ധപ്പെട്ട കാര്യങ്ങളിൽ അതീവ ജാഗ്രത ആവശ്യമാണ്.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): അനാവശ്യ കൂട്ടുകെട്ടുകൾ ഒഴിവാക്കേണ്ടത് പ്രധാനമാണ്. അത്തരത്തിലുള്ള ബന്ധങ്ങൾ സാമ്പത്തിക നഷ്ടത്തിനും ദുഷ്‌പേരുകൾ കേൾക്കാനും ഇടയാക്കും. ഇത് മനഃസമാധാനം കുറയ്ക്കുന്നതിനും ആരോഗ്യ പ്രശ്നങ്ങൾക്കും കാരണമായേക്കാം. പ്രധാന കാര്യങ്ങളിൽ പരാജയം സംഭവിക്കാതിരിക്കാൻ ശ്രദ്ധയോടെ പ്രവർത്തിക്കുക.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): തൊഴിൽ മേഖലയിൽ സ്ഥാനക്കയറ്റത്തിനുള്ള സാധ്യത കാണുന്നു. പുതിയ വാഹനയോഗവും ധനലാഭവും പ്രതീക്ഷിക്കാം. സമാധാനപരമായ ഉറക്കം ലഭിക്കും. പുതിയ ആളുകളുമായി ബന്ധപ്പെടാനും അംഗീകാരങ്ങൾ നേടാനും അവസരം ലഭിക്കും. സമ്മാനങ്ങൾ ലഭിക്കാനുള്ള സാധ്യതയുമുണ്ട്.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): ഇന്ന് മനസ്സിന് സന്തോഷം നൽകുന്ന കാര്യങ്ങൾ ഉണ്ടാകും. ബിസിനസ്സിൽ വലിയ ലാഭം ലഭിച്ചേക്കാം. കീർത്തിയും അംഗീകാരവും വന്നുചേരും. പുതിയ ആഭരണങ്ങൾ ലഭിക്കാനും അവസരം കാണുന്നു. നിയമപരമായ കാര്യങ്ങളിൽ അനുകൂലമായ വിധി ലഭിക്കാനുള്ള സാധ്യതയുണ്ട്. നല്ല സൗഹൃദങ്ങൾ നിലനിർത്താൻ സാധിക്കും.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): ആരോഗ്യകാര്യങ്ങളിൽ കൂടുതൽ ശ്രദ്ധ നൽകേണ്ട ദിവസമാണ്. വാത സംബന്ധമായ രോഗങ്ങളും ഉദര സംബന്ധമായ പ്രശ്നങ്ങളും അലട്ടാൻ സാധ്യതയുണ്ട്. ഇന്ന് കൂടുതൽ യാത്ര ചെയ്യേണ്ടിവന്നേക്കാം. യാത്രകൾ ക്ലേശകരമാവാതിരിക്കാൻ ശ്രദ്ധിക്കുക. മനഃസമാധാനം നിലനിർത്താൻ ശ്രമിക്കുക.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): ജീവിതപങ്കാളിയുമായും കുടുംബാംഗങ്ങളുമായും അഭിപ്രായ വ്യത്യാസങ്ങൾ ഉണ്ടാകാൻ സാധ്യതയുണ്ട്. കൂടാതെ കുടുംബത്തിൽ ആർക്കെങ്കിലും ആരോഗ്യക്കുറവോ ആശുപത്രിവാസമോ ഉണ്ടായേക്കാം. മാനസികമായ ബുദ്ധിമുട്ടുകൾ ഉണ്ടാകാൻ സാധ്യത കാണുന്നതിനാൽ കൂടുതൽ ജാഗ്രതയോടെ കാര്യങ്ങളെ സമീപിക്കുക.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): പുതിയ ബിസിനസ്സ് സംരംഭങ്ങൾ തുടങ്ങാനോ നിലവിലുള്ളവ വിപുലീകരിക്കാനോ അവസരം ലഭിക്കും. വരുമാന സ്രോതസ്സുകൾ വർധിച്ചേക്കാം. പഴയ വാഹനം മാറ്റി പുതിയത് വാങ്ങാൻ സാധ്യത കാണുന്നു. പുതിയ ഗൃഹോപകരണങ്ങൾ വാങ്ങുന്നതിനും ഈ ദിവസം അനുകൂലമാണ്.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): ഇന്ന് കാര്യങ്ങൾ ചെയ്യുന്നതിൽ മന്ദത അനുഭവപ്പെട്ടേക്കാം. ദാമ്പത്യ ജീവിതത്തിൽ അഭിപ്രായഭിന്നതകൾ ഉണ്ടാകാൻ സാധ്യതയുണ്ട്. മാനസിക ബുദ്ധിമുട്ടുകൾ അലട്ടാം. എല്ലാ കാര്യങ്ങളിലും തടസ്സങ്ങൾ നേരിടാൻ സാധ്യത കാണുന്നു. കൂടാതെ, സ്ത്രീകളുമായി ഇടപെഴകുമ്പോൾ അപമാനം ഉണ്ടാവാതെ ശ്രദ്ധിക്കുക.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): അപ്രതീക്ഷിതമായി ധനലാഭം വന്നുചേരാൻ സാധ്യതയുണ്ട്. ഭക്ഷണ സുഖവും സമാധാനപരമായ ഉറക്കവും ലഭിക്കും. പുതിയ നല്ല സൗഹൃദങ്ങൾ രൂപപ്പെടും. പുതിയ ആഭരണങ്ങളും അലങ്കാര വസ്തുക്കളും വാങ്ങാനോ സമ്മാനമായി ലഭിക്കാനോ സാധ്യത കാണുന്നു.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): രോഗങ്ങൾ അലട്ടാനും ധനനഷ്ടം വരാനും സാധ്യതയുണ്ട്. ശരീരത്തിന് ക്ഷീണം അനുഭവപ്പെടും. ചില കാര്യങ്ങളിൽ തടസ്സങ്ങൾ നേരിട്ടേക്കാം. അലച്ചിലും ബന്ധുജനങ്ങളുമായി അഭിപ്രായ വ്യത്യാസങ്ങളും ഉണ്ടാകാൻ സാധ്യതയുണ്ട്. എല്ലാ കാര്യങ്ങളിലും ശ്രദ്ധയോടെ മുന്നോട്ടുപോകുക.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): തൊഴിൽ രംഗത്ത് വിജയം ലഭിക്കുന്ന ദിവസമാണ്. സാമ്പത്തികമായി നേട്ടങ്ങൾ ഉണ്ടാകും. കുടുംബത്തിൽ സന്തോഷകരമായ ഒരു ചടങ്ങ് നടക്കാൻ സാധ്യത കാണുന്നു. ബന്ധുജനങ്ങളുമായി ഒത്തുചേരാനും മനഃസന്തോഷത്തിനും അവസരം ലഭിക്കും. നല്ല സൗഹൃദങ്ങൾ നിലനിർത്താൻ സാധിക്കും.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): ശത്രുക്കളിൽ നിന്നുള്ള ഉപദ്രവങ്ങൾ കുറയും. ഇന്ന് കീർത്തിയും ധനലാഭവും വർധിക്കും. പുതിയ സംരംഭങ്ങൾ തുടങ്ങാൻ ആഗ്രഹിക്കുന്നവർക്ക് വലിയ നേട്ടങ്ങൾ ഉണ്ടാക്കാൻ സാധിക്കും. കുടുംബത്തിൽ സമാധാനവും സന്തോഷവും നിലനിൽക്കും.