മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): തൊഴിൽ രംഗത്ത് വിജയവും ബിസിനസ്സിൽ ലാഭവും ഇന്ന് പ്രതീക്ഷിക്കാം. ഭക്ഷണ സുഖം, വാഹന ഭാഗ്യം എന്നിവ ഉണ്ടാകും. കലാസാഹിത്യ മേഖലകളിൽ ഉള്ളവർക്ക് സമ്മാനങ്ങൾ ലഭിക്കാൻ യോഗമുണ്ട്. കാര്യങ്ങൾ അനുകൂലമായി ഭവിക്കുന്ന നല്ലൊരു ദിവസമായിരിക്കും ഇന്ന്.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): ചെയ്യുന്ന എല്ലാ കാര്യങ്ങളിലും തടസ്സം അനുഭവപ്പെടാൻ സാധ്യതയുണ്ട്. വിവാഹ തടസ്സമോ വിവാഹം മാറിപ്പോകുവാനോ സാധ്യതയുണ്ട്. ധനപരമായ ക്ലേശം, അന്യ ജനങ്ങളിൽ നിന്ന് ദോഷാനുഭവങ്ങൾ എന്നിവ ഉണ്ടാകും. ക്ഷമയോടും ജാഗ്രതയോടും കൂടി ഇന്ന് കാര്യങ്ങൾ കൈകാര്യം ചെയ്യുക.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): നല്ല സുഹൃത്തുക്കളെ കണ്ടുമുട്ടാനും അവരോടൊപ്പം വിശേഷപ്പെട്ട പുണ്യ തീർത്ഥ സ്ഥലങ്ങൾ സന്ദർശിക്കുവാനും ഇന്ന് അവസരം ലഭിക്കും. ദാമ്പത്യ സൗഖ്യം, ധനലാഭം, ഭക്ഷണ സുഖം, പുതുവസ്ത്ര ലാഭം എന്നിവ ഉണ്ടാകും. സന്തോഷകരമായ ഒരു ദിനം പ്രതീക്ഷിക്കാം.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): വിവാഹകാര്യങ്ങളിൽ ഇന്ന് തീരുമാനമാകും. കുടുംബ ബന്ധുജനങ്ങളിൽ നിന്ന് ഗുണാനുഭവങ്ങൾ, നല്ല സുഹൃത്തുക്കളെ ലഭിക്കൽ എന്നിവ ഉണ്ടാകും. ധനപരമായ നേട്ടം, പുതിയ ആഭരണമോ അലങ്കാര വസ്തുക്കളോ സ്വന്തമാക്കാൻ സാധിക്കൽ എന്നിവ അനുഭവത്തിൽ വരും.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): എല്ലാ കാര്യങ്ങളിലും തടസ്സം അനുഭവപ്പെടാൻ സാധ്യതയുണ്ട്. സർക്കാർ സംബന്ധമായ ദോഷഫലങ്ങൾ, അപമാനം, ഉദര രോഗം എന്നിവ ഉണ്ടാകാം. കുടുംബ ബന്ധുജനങ്ങളുമായി അഭിപ്രായ വ്യത്യാസം ഉണ്ടാകുന്ന സാഹചര്യവും സംജാതമാവാം. ഇന്ന് കൂടുതൽ ശ്രദ്ധയും ക്ഷമയും പാലിക്കുക.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): ജീവിത പങ്കാളിയുമായി സ്വരച്ചേർച്ച കുറയുകയും നിസ്സാരമായ കാരണങ്ങളിൽ പരസ്പരം കലഹിക്കുവാനും ഇന്ന് സാധ്യതയുണ്ട്. കോടതി കേസുകളിൽ പരാജയപ്പെടും. രോഗാദി ദുരിതങ്ങൾ അലട്ടാനും ഉദര പ്രശ്നം വരാനും സാധ്യതയുണ്ട്. സംയമനം പാലിക്കുന്നത് ഉചിതമാകും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ഭാര്യാഭർത്തൃ ഐക്യം, തൊഴിൽ രംഗത്ത് വിജയം, ബന്ധുജന സമാഗമം എന്നിവ ഇന്ന് ഉണ്ടാകും. സർക്കാരിൽ നിന്നോ ഉന്നത ജനങ്ങളിൽ നിന്നോ ഗുണാനുഭവങ്ങൾ പ്രതീക്ഷിക്കാം. കാര്യങ്ങൾ അനുകൂലമായി ഭവിക്കുന്ന ഒരു നല്ല ദിവസമായിരിക്കും ഇന്ന്.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): കീർത്തി, തൊഴിൽ രംഗത്ത് വിജയം, ശത്രു നാശം, നിയമപരമായ കാര്യങ്ങളിൽ വിജയം, ധനപരമായ ലാഭം എന്നിവ ഇന്ന് ഉണ്ടാകും. കുടുംബത്തിൽ മനഃസമാധാനവും സന്തോഷവും നിലനിൽക്കും. ചെയ്യുന്ന കാര്യങ്ങളിൽ വിജയം ഉറപ്പാക്കാൻ സാധിക്കും.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): തൊഴിൽപരമായും മാനസികമായും ഇന്ന് ക്ലേശങ്ങൾ വർദ്ധിക്കാൻ സാധ്യതയുണ്ട്. കൃഷി, പക്ഷി-മൃഗാദികളുടെ ബിസിനസ് നടത്തുന്നവർക്ക് നഷ്ടം സംഭവിക്കാനോ ദോഷഫലങ്ങൾ അനുഭവപ്പെടാനോ ഇടയുണ്ട്. ബന്ധുജനകലഹം പ്രതീക്ഷിക്കാം. ജാഗ്രതയോടെ കാര്യങ്ങൾ കൈകാര്യം ചെയ്യുക.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): കുടുംബ ബന്ധുജനങ്ങളുമായി അഭിപ്രായ വ്യത്യാസത്തിനോ കലഹത്തിനോ ഇന്ന് സാധ്യതയുണ്ട്. ഭക്ഷണ സുഖക്കുറവ് അനുഭവപ്പെടുകയും ഉദരരോഗം വരാനും സാധ്യതയുണ്ട്. മാതാവിന് അസുഖമോ അരിഷ്ടതയോ ഉണ്ടാവാതെ ശ്രദ്ധിക്കണം.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): കുടുംബസൗഖ്യം, നിയമപരമായ കാര്യങ്ങളിൽ വിജയം, ധനപരമായ നേട്ടം, ശത്രുഹാനി, സ്ത്രീകളിൽ നിന്ന് ഗുണാനുഭവം എന്നിവ ഇന്ന് ലഭിക്കും. തൊഴിൽ രംഗത്ത് വിജയവും ചെയ്യുന്ന പ്രവർത്തനങ്ങൾ എല്ലാം ലാഭത്തിൽ ആയിത്തീരുകയും ചെയ്യും.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): രോഗാദി ദുരിതം അനുഭവിക്കേണ്ട സാഹചര്യം ഉണ്ടാകാൻ സാധ്യതയുണ്ട്. ബന്ധുജനങ്ങളുമായി അഭിപ്രായ വ്യത്യാസമോ അകൽച്ചയോ ഉണ്ടാകും. അനാവശ്യ ബന്ധങ്ങൾ ഉടലെടുക്കും. അലസതയും മടിയും ഇന്ന് വരാൻ സാധ്യതയുണ്ട്. ജാഗ്രതയോടെ കാര്യങ്ങൾ കൈകാര്യം ചെയ്യുക.