മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): സ്ത്രീകളുമായി അടുത്ത് ഇടപഴകാൻ ഇന്ന് അവസരം ലഭിക്കും. കുടുംബ ബന്ധുജനങ്ങളിൽ നിന്നും ഗുണാനുഭവങ്ങൾ കിട്ടാൻ സാധ്യതയുണ്ട്. രോഗങ്ങളിൽ നിന്നുള്ള ശാന്തി, ധനപരമായ നേട്ടം എന്നിവ ഉണ്ടാകും. വ്യക്തിബന്ധങ്ങളിൽ ഇന്ന് സന്തോഷം നിലനിർത്താൻ സാധിക്കുന്നതാണ്.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): കലാ സാംസ്കാരിക രാഷ്ട്രീയ മേഖലകളിൽ പ്രവർത്തിക്കുന്നവർക്ക് പ്രശസ്തിയും ധന സമ്പാദനവും ഇന്ന് വന്നുചേരും. തൊഴിൽരഹിതർക്ക് അർഹമായ തൊഴിലവസരങ്ങൾ നേടാൻ സാധിക്കും. ഇന്ന് പുതിയ നേട്ടങ്ങൾ കൈവരിക്കാൻ സാധിക്കുന്ന നല്ല ദിനമായിരിക്കും.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): കുടുംബ ബന്ധുജനങ്ങളിൽ നിന്നും ഗുണാനുഭവങ്ങളും കുടുംബ ഐശ്വര്യവും ഇന്ന് ഉണ്ടാകും. ആഭരണ അലങ്കാര വസ്തുക്കളുടെ വർദ്ധനവ്, ദാമ്പത്യപരമായ ഐക്യം എന്നിവ അനുഭവത്തിൽ വരും. കുടുംബപരമായ കാര്യങ്ങളിൽ സന്തോഷം നിലനിൽക്കുന്ന ഒരു നല്ല ദിനമാണിത്.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): രോഗാദി ദുരിതം അനുഭവിക്കേണ്ട സാഹചര്യം ഇന്ന് ഉണ്ടാകാൻ സാധ്യതയുണ്ട്. ബന്ധുജനങ്ങളുമായി അഭിപ്രായ വ്യത്യാസമോ അകൽച്ചയോ ഉണ്ടാകും. അനാവശ്യ ബന്ധങ്ങൾ ഉടലെടുക്കാനും വ്യാപാര പരാജയം നേരിടാനും ഇടയുണ്ട്. ഇന്ന് എല്ലാ കാര്യങ്ങളിലും ജാഗ്രത പാലിക്കുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): നല്ല സുഹൃത്തുക്കളെ ലഭിക്കാനും കുടുംബ ബന്ധു ജനങ്ങളിൽ നിന്നും ഗുണാനുഭവങ്ങൾ ഉണ്ടാകാനും ഇന്ന് യോഗമുണ്ട്. സാമ്പത്തികമായ പുരോഗതി, ദാമ്പത്യ ഐക്യം, ഭക്ഷണ സുഖം, ബന്ധുജന സമാഗമം എന്നിവ ഉണ്ടാകും. അനുകൂലമായ ഒരു ദിനമായിരിക്കും ഇന്ന്.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): ബിസിനസ്സിൽ പുരോഗതി ദൃശ്യമാകും. സുതാര്യമായ അവതരണ ശൈലിയിൽ എല്ലാവരുടെയും പ്രശംസ പിടിച്ചുപറ്റും. അപവാദപ്രചാരണങ്ങൾ നിഷ്ഫലമാകും. കുടുംബത്തിൽ സമാധാന അന്തരീക്ഷവും സൗഖ്യവും ഉണ്ടാകും. കാര്യങ്ങൾ അനുകൂലമാവുന്ന ഒരു നല്ല ദിനമാണിത്.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ഭക്ഷണ സുഖക്കുറവ് അനുഭവപ്പെടുകയും ഭക്ഷ്യ വിഷബാധ ഉണ്ടാവാതിരിക്കാൻ ശ്രദ്ധിക്കുകയും ചെയ്യുക. ശത്രുഭയം, നിയമപരമായ കാര്യങ്ങളിൽ പരാജയം, മനഃശാന്തി കുറവ്, ബന്ധുജനങ്ങളുമായി അഭിപ്രായ വ്യത്യാസം എന്നിവ ഉണ്ടാവാതെ ശ്രദ്ധിക്കണം.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): ദിവസത്തിന്റെ തുടക്കത്തിൽ ദാമ്പത്യ ഐക്യം, ഭക്ഷണ സുഖം, ധനപരമായ ലാഭം എന്നിവ ഉണ്ടാകും. എന്നാൽ മദ്ധ്യാഹ്നം മുതൽ മനഃശാന്തി കുറയുകയും രോഗാദി ദുരിതം അലട്ടുകയും ചെയ്യും. ഉച്ചയ്ക്ക് ശേഷം കൂടുതൽ ജാഗ്രത പാലിക്കുക.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): സഹപ്രവർത്തകരുമായി ഉല്ലാസ യാത്ര പോകാൻ ഇന്ന് അവസരം വന്നുചേരും. വളരെ നാളായി കാണാതിരുന്ന ബന്ധു ജനങ്ങളെ കണ്ടുമുട്ടും. ദാമ്പത്യ ഐക്യം, ധനപരമായ ലാഭം, ബിസിനസ്സിൽ പുരോഗതി എന്നിവ ഉണ്ടാകും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ദിവസത്തിന്റെ തുടക്കത്തിൽ ശത്രു ഭയം, നിയമപരമായ കാര്യങ്ങളിൽ പരാജയം എന്നിവ ഉണ്ടായേക്കാം. എന്നാൽ വാരം അവസാനം ദാമ്പത്യ ഐക്യം, മനഃസുഖം എന്നിവ ലഭിക്കും. വിഷമതകളെ ക്ഷമയോടെ നേരിടുക.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): ജീവിത പങ്കാളിയുമായും കുടുംബത്തിൽ വേണ്ടപ്പെട്ടവരുമായി വാക്കു തർക്കത്തിൽപെട്ട് മനഃശാന്തി കുറയും. ഏതെങ്കിലും ബാങ്ക് ലോണിൽ നടപടി നേരിടേണ്ടി വരും. ശത്രു ദോഷം, നിയമപരമായ പരാജയം എന്നിവ ഉണ്ടാവാതെ ശ്രദ്ധിക്കുക.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): ഇന്ന് ഗുണദോഷ സമ്മിശ്രമായിരിക്കും. ദിവസത്തിന്റെ തുടക്കത്തിൽ എല്ലാ കാര്യങ്ങളിലും അസാമാന്യമായ ധൈര്യവും പക്വതയും ഉണ്ടാകും. എന്നാൽ മദ്ധ്യാഹ്നം മുതൽ മനഃശാന്തി കുറയാൻ സാധ്യതയുണ്ട്. ഉച്ചയ്ക്ക് ശേഷം ശ്രദ്ധ നൽകുന്നത് ഗുണകരമാകും.