മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): സഹപ്രവർത്തകരുടെ സഹകരണത്താൽ ഏറ്റെടുത്ത കാര്യങ്ങൾ സമയപരിധിക്കുള്ളിൽ തീർക്കുവാൻ ഇന്ന് സാധിക്കും. ഭക്ഷണ സുഖം, തൊഴിൽ വിജയം, രോഗങ്ങളിൽ നിന്നുള്ള ശാന്തി, ശത്രു നാശം, ധനപരമായ നേട്ടം എന്നിവ ഉണ്ടാകും. വിജയകരമായ ഒരു ദിനം പ്രതീക്ഷിക്കാം.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): മേലധികാരിയുടെ പ്രീതി സമ്പാദിക്കുവാനും സ്ഥാനമാനങ്ങൾ ലഭിക്കുവാനും ഇന്ന് സാധ്യതയുണ്ട്. വിദേശയോഗം അല്ലെങ്കിൽ അന്യദേശവാസം അനുഭവത്തിൽ വരും. ദാമ്പത്യ ഐക്യം ഉണ്ടാകുമെങ്കിലും രോഗാദി ദുരിതം അലട്ടാൻ ഇടയുണ്ട്. ആരോഗ്യ കാര്യത്തിൽ ശ്രദ്ധിക്കുക.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): സമ്പത്തും പ്രശസ്തിയും ലഭിക്കുന്ന നല്ല സമയമാണ് ഇന്ന്. വിശേഷപ്പെട്ട സമ്മാനങ്ങളോ ആഭരണങ്ങളോ ലഭിക്കാൻ യോഗമുണ്ട്. രാഷ്ട്രീയത്തിൽ പ്രവർത്തിക്കുന്നവർക്ക് ജനപ്രീതി വർദ്ധിക്കും. അകന്നു കഴിഞ്ഞ ബന്ധുക്കൾ വീണ്ടും ഒത്തുചേരാൻ സാധ്യതയുണ്ട്.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): തൊഴിൽപരമായ ക്ലേശം അല്ലെങ്കിൽ സ്ഥാന നഷ്ടം, ഭക്ഷണ സുഖക്കുറവ് എന്നിവ ഇന്ന് ഉണ്ടാകാൻ സാധ്യതയുണ്ട്. വ്യാഴം ബലമില്ലാത്തവർക്ക് സന്താന തടസ്സം, സന്താനങ്ങളെ കൊണ്ട് ദോഷഫലങ്ങൾ എന്നിവ ഉണ്ടാവാതെ ശ്രദ്ധിക്കുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): ഉയർന്ന പദവി അലങ്കരിക്കാനുള്ള ഭാഗ്യം ഇന്ന് ലഭിക്കും. ശത്രുക്കളുടെ മേൽ വിജയം, ഈശ്വരാനുഗ്രഹം, നിയമപരമായ കാര്യങ്ങളിൽ വിജയം എന്നിവ പ്രതീക്ഷിക്കാം. വാഹനഭാഗ്യം, പുതിയ വീട്, ബന്ധുജന ഗുണം, ഭൂമി ലാഭം എന്നിവ ഉണ്ടാകും. അനുകൂലമായ ഒരു ദിനമാണിത്.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): കൃഷി ലാഭം, ബിസിനസ്സിൽ ഉയർച്ച എന്നിവ ഇന്ന് ഉണ്ടാകും. വാഹന ഭാഗ്യം, പുതിയ വീട്, കുടുംബത്തിൽ മംഗള കർമ്മങ്ങൾ നടക്കുക, പുത്ര ഭാഗ്യം, ദാമ്പത്യ സൗഖ്യം എന്നിവ ലഭിക്കും. എല്ലാ കാര്യങ്ങളിലും വിജയം നേടുന്ന ഒരു നല്ല ദിവസമായിരിക്കും ഇന്ന്.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ഇന്ന് ഗുണദോഷ സമ്മിശ്രമായിരിക്കും. വ്യാപാര ബിസിനസ്സിൽ പുരോഗതി, പുത്ര ഭാഗ്യം, കുടുംബ സൗഖ്യം, വിദ്യയിൽ ഉന്നതി എന്നിവ ഉണ്ടാകും. ശനി ദശ നടക്കുന്നവർക്ക് ആരോഗ്യ പ്രശ്നങ്ങൾ ഉണ്ടാവാതെ ശ്രദ്ധിക്കുക.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): രോഗാദി ദുരിതങ്ങൾ അലട്ടുകയും ശരീര ശോഷണം അനുഭവപ്പെടുകയും ചെയ്യും. ഭക്ഷണ സുഖക്കുറവ്, മനഃസ്വസ്ഥതക്കുറവ് എന്നിവ ഉണ്ടാവാം. ശത്രുക്കളിൽ നിന്ന് ദോഷാനുഭവങ്ങൾ ഉണ്ടാവാതെ ശ്രദ്ധിക്കുക. ആരോഗ്യ കാര്യങ്ങളിൽ കൂടുതൽ ജാഗ്രത പാലിക്കുക.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): ദാമ്പത്യ ഐക്യം, വാഹന ഭാഗ്യം, ഭക്ഷണ സുഖം എന്നിവ ഇന്ന് ഉണ്ടാകും. അന്യ ജനങ്ങളാൽ അറിയപ്പെടാനും സമ്മാനങ്ങളോ അവാർഡുകളോ ലഭിക്കാനും ഇടയാകും. കാര്യങ്ങൾ അനുകൂലമായി ഭവിക്കുന്ന നല്ലൊരു ദിനമാണിത്.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ആരോഗ്യ വർദ്ധനവ്, നിദ്രാ സുഖം, ഭാഗ്യാനുഭവങ്ങൾ, ഭക്ഷണസുഖം എന്നിവ ഇന്ന് ലഭിക്കും. വളരെ കാലമായി അനുഭവിച്ചിരുന്ന അപവാദ പ്രചാരണങ്ങൾക്ക് ശമനം ഉണ്ടാകും. മനസന്തോഷം ലഭിക്കുന്ന ഒരു നല്ല ദിനമായിരിക്കും ഇന്ന്.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): ജീവിത പങ്കാളിയുമായും സന്താനങ്ങളുമായും കലഹമോ അഭിപ്രായവ്യത്യാസമോ ഉണ്ടാകാൻ സാധ്യതയുണ്ട്. തൊഴിൽ തടസ്സം, അപമാനം, ധനക്ലേശം, രോഗാദി ദുരിതം എന്നിവ ഉണ്ടാവാതെ ശ്രദ്ധിക്കുക. ജല ഭയം ഉണ്ടാകാനും സാധ്യതയുണ്ട്.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): സാമ്പത്തികമായും മാനസികമായും ശാരീരികമായും കുടുംബപരമായും ഇന്ന് വളരെ അധികം പ്രശ്നങ്ങൾ ഉണ്ടാകാൻ സാധ്യതയുണ്ട്. ദമ്പതികൾ തമ്മിൽ മാനസിക ഐക്യം കുറയുകയും പരസ്പരം കലഹിക്കുവാനും ഇടയുണ്ട്. ഇന്ന് കൂടുതൽ ജാഗ്രത പാലിക്കുക.