മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): അസുഖങ്ങൾ മാറി ആരോഗ്യം വീണ്ടെടുക്കും. ആടയാഭരണ ലബ്ധി, ഭാഗ്യാനുഭവങ്ങൾ എന്നിവ അനുഭവത്തിൽ വരും. കലാകാരന്മാർക്ക് അവാർഡുകൾ പ്രതീക്ഷിക്കാം. സഹോദര സ്ഥാനത്ത് ഉള്ളവരിൽ നിന്നും ഗുണാനുഭവങ്ങൾ ഉണ്ടാവും.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): അന്യദേശവാസം-ജോലി എന്നിവ ഉണ്ടാകുമെങ്കിലും ഒന്നിലും ഉയർച്ച ഉണ്ടാവാത്ത അവസ്ഥ സംജാതമാകും. മനശാന്തി കുറയും. കുടുംബത്തിൽ ചില നിർണായക തീരുമാനങ്ങൾ ഉണ്ടാവും. ശിരോ രോഗം വരാതെ സൂക്ഷിക്കുക.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): ജോലിയിൽ പേരും പ്രശസ്തിയും വർദ്ധിക്കുന്ന അവസ്ഥ ഇന്ന് സംജാതമാകും. സർക്കാർ ആനുകൂല്യങ്ങൾ ലഭിക്കുന്ന സമയമാണ്. ബന്ധുജന പ്രീതി, മനസന്തോഷം, ധന നേട്ടം എന്നിവ പ്രതീക്ഷിക്കാം.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): വരവിനേക്കാൾ ചെലവ് വർദ്ധിക്കുന്ന സമയമാണ്. ചെലവ് നിയന്ത്രിക്കാൻ ബുദ്ധിമുട്ടും. രാഷ്ട്രീയക്കാർക്ക് അപവാദം, മാനഹാനി കേൾക്കേണ്ടിവരും. അഴിമതി, സ്ത്രീ വിഷയ ആരോപണം ഒക്കെ ഇന്ന് സൂക്ഷിക്കുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): ബന്ധുജന സമാഗമം, നല്ല സുഹൃത്തുക്കളെ കണ്ടുമുട്ടാനും അവരുമായി സമയം ചെലവഴിക്കാനും ഇന്ന് അവസരം ലഭിക്കും. ഭക്ഷണ സുഖം, യാത്ര സുഖം എന്നിവ ഉണ്ടാവും. സന്തോഷകരമായ ഒരു ദിനം.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): വീട്ടിൽ മംഗള കർമ്മങ്ങൾക്ക് ഇന്ന് സാക്ഷ്യം വഹിക്കും. വിദ്യാർത്ഥികൾക്ക് പരീക്ഷകളിൽ ഉന്നത വിജയം നേടാൻ കഴിയും. വളരെകാലമായി കാണാതിരുന്ന പ്രിയപ്പെട്ടവരെ കാണാനും അവരോടൊപ്പം ആഘോഷിക്കാനും അവസരം വന്നു ചേരും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): സാമ്പത്തിക ക്രയ വിക്രയങ്ങൾ നടത്തുമ്പോൾ വളരെ അധികം ജാഗ്രത പാലിച്ചില്ലെങ്കിൽ ധനനഷ്ടം ഉണ്ടാവും. വരവിനേക്കാൾ ചെലവ് അനുഭവപ്പെടും. എല്ലാ കാര്യങ്ങളിലും തടസ്സം അനുഭവപ്പെടാൻ സാധ്യതയുണ്ട്.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): തൊഴിൽ ഇടങ്ങളിൽ അഭിപ്രായ വ്യത്യാസം ഉണ്ടാകും. അന്യദേശവാസം അനുഭവത്തിൽ വരുമെങ്കിലും ഒന്നിലും ഉയർച്ച ഉണ്ടാകാത്ത അവസ്ഥ ഉണ്ടാകും. മാനസികമായും സാമ്പത്തികമായും ശാരീരികമായും ബുദ്ധിമുട്ട് അനുഭവപ്പെടും.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): കുടുംബത്തിൽ മംഗളകരമായ കർമ്മങ്ങൾ നടക്കുക, ഉയർന്ന പദവി ലഭിക്കുവാനുള്ള ഭാഗ്യം, ധനനേട്ടം, തൊഴിൽ വിജയം, എവിടെയും മാന്യത എന്നിവ ഇന്ന് ഉണ്ടാകും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): രാഷ്ട്രീയ, കലാ-സാംസ്കാരിക മേഖലകളിൽ പ്രവർത്തിക്കുന്നവർക്ക് അഭൂതപൂർവമായ വളർച്ച ഇന്ന് അനുഭവപ്പെടും. സർക്കാർ മേഖലകളിൽ പ്രവർത്തിക്കുന്നവർക്കു ജോലിയിൽ പ്രമോഷൻ ലഭിക്കും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): സാമ്പത്തിക ക്രയ വിക്രയങ്ങളിൽ ഇന്ന് വളരെ സൂക്ഷിക്കണം. ആമാശയ-ഉദര സംബന്ധമായ പ്രശ്നങ്ങൾ ഉള്ളവർ ജാഗ്രത പാലിക്കുക. അധ്വാന ഭാരത്താൽ അവധിയെടുക്കാൻ ഇടവരും.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): കുടുംബത്തിൽ സങ്കീർണ്ണമായ പ്രശ്നങ്ങൾ പരിഹരിക്കുന്നതിനുള്ള ആശയം ഇന്ന് സർവരുടെയും പ്രശംസ പിടിച്ചുപറ്റും. മാതാപിതാക്കൾക്കോ സന്താനങ്ങൾക്കോ രോഗാദി ദുരിതം ഉണ്ടാകാൻ ഇടയുണ്ട്. വാഹന ഉപയോഗത്തിൽ വളരെ ശ്രദ്ധയും സൂക്ഷ്മതയും വേണം.