മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): വാരത്തിന്റെ തുടക്കത്തിൽ മംഗളകരമായ കർമ്മങ്ങൾ, ദാമ്പത്യ ഐക്യം, ഭക്ഷണസുഖം, വാഹന ഭാഗ്യം തുടങ്ങിയവ ഉണ്ടാകും. വാരം അവസാനം പുതിയ തൊഴിൽ അവസരം ലഭിക്കുകയോ ജോലിയിൽ സ്ഥാനക്കയറ്റമോ ലഭിക്കുകയോ ചെയ്യും. എന്നാൽ വാരമധ്യത്തോടുകൂടി ഭക്ഷണകാര്യങ്ങളിൽ നിയന്ത്രണം പാലിച്ചില്ലെങ്കിൽ ഉദര സംബന്ധമായി പ്രശ്നങ്ങൾ രൂപപ്പെടാം. കൊളസ്‌ട്രോൾ, പ്രമേഹം തുടങ്ങിയ അസുഖമുള്ളവർ ചികിത്സ തേടുന്നത് നല്ലതായിരിക്കും.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): ദാമ്പത്യ ജീവിതത്തിൽ സന്തോഷവും ഐക്യവും വർദ്ധിക്കും. ഭാഗ്യാനുഭവങ്ങൾ, അപ്രതീക്ഷിത ധനനേട്ടം, സമ്മാനങ്ങൾ, സ്വത്ത് വകകളിൽ വർദ്ധനവ് എന്നിവ ഉണ്ടാകാൻ സാധ്യതയുണ്ട്. കലാകാരന്മാർക്ക് ഈ ആഴ്ച അംഗീകാരവും പുരസ്കാരങ്ങളും ലഭിച്ചേക്കാം. എന്നാൽ, വാരം അവസാനം മാതാവിനോ മാതൃ സ്ഥാനത്ത് ഉള്ളവർക്കോ രോഗാവസ്ഥ വർദ്ധിക്കാനുള്ള സാധ്യതയുള്ളതിനാൽ ശ്രദ്ധിക്കുക. ലോട്ടറി പരീക്ഷിച്ചു നോക്കാവുന്ന സമ്മിശ്ര ഫലങ്ങൾ നൽകുന്ന വാരമാണിത്.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): ഔദ്യോഗിക വിജയവും വ്യക്തിപരമായ സന്തോഷവും ലഭിക്കുന്ന വാരമാണിത്. ജോലിയിൽ പ്രമോഷൻ ലഭിക്കാനുള്ള സാധ്യതയുണ്ട്. സമൂഹത്തിൽ പ്രശസ്തിയും സ്വാധീനവും വർദ്ധിക്കുകയും ദീർഘകാലമായുള്ള രോഗങ്ങൾ മാറുകയും ചെയ്യും. എന്നാൽ, അപവാദങ്ങൾ ഉണ്ടാകാനും മാനഹാനി സംഭവിക്കാനും സാധ്യതയുണ്ട്. വിവാഹിതർക്ക് അന്യസ്ത്രീ ബന്ധം ആരോപിക്കപ്പെടാൻ സാധ്യതയുണ്ടതിനാൽ ദാമ്പത്യ ജീവിതത്തിൽ ശ്രദ്ധിക്കുക.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): വിദേശത്ത് പോകാനുള്ള ആഗ്രഹം സഫലീകരിക്കാൻ സാധ്യതയുണ്ട്. വിവാഹം നടക്കാത്ത യുവതി യുവാക്കൾക്ക് ഈ വാരം അനുകൂലമായ വിവാഹ ആലോചനകൾ വന്നുചേരും. വാരം അവസാനത്തോട് കൂടി സർക്കാർ ഭാഗത്തു നിന്ന് അനുകൂലമായ ഫലങ്ങൾ ലഭിക്കുകയും രോഗാദിദുരിതങ്ങൾക്ക് ആശ്വാസം ലഭിക്കുകയും ചെയ്യും. എന്നാൽ, വരവിൽ കവിഞ്ഞ ചെലവ്, സ്ത്രീകൾ മൂലം മാനഹാനി, ധനനഷ്ടം എന്നിവ ഉണ്ടാവാതിരിക്കാൻ ശ്രദ്ധിക്കുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): വാരം മധ്യത്തോടെ രോഗശാന്തി, മനഃശാന്തി, നിദ്രാ സുഖം എന്നിവ അനുഭവപ്പെടും. സാമ്പത്തികമായി നേട്ടം ലഭിക്കാനും ചിന്താശേഷി വർദ്ധിക്കാനും സാധ്യതയുണ്ട്. പുതിയ കാര്യങ്ങൾ പഠിക്കാനും വെല്ലുവിളികൾ ഏറ്റെടുക്കാനും ധൈര്യം കാണിക്കും. എന്നാൽ, വാരത്തിന്റെ തുടക്കത്തിൽ അനാവശ്യ കൂട്ട്, മാനസിക പിരിമുറുക്കം, ധനനഷ്ടം, രോഗാവസ്ഥ എന്നിവ ഉണ്ടാകാതിരിക്കാൻ ശ്രദ്ധിക്കുക. ഗുണദോഷ സമ്മിശ്രമായ വാരമാണിത്.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): ഈ വാരം ജീവിതത്തിൽ ഭാഗ്യവും സമൃദ്ധിയും നിറഞ്ഞ സമയമായിരിക്കും. തീർത്ഥ സ്ഥലങ്ങൾ സന്ദർശിക്കാൻ അവസരം ലഭിക്കുകയും പുതിയ സംരംഭങ്ങൾ ആരംഭിക്കാൻ അനുകൂലമാവുകയും ചെയ്യും. അപ്രതീക്ഷിതമായി പണം ലഭിക്കാനും പുതിയ വസ്ത്രങ്ങൾ, ആഭരണങ്ങൾ, സമ്മാനങ്ങൾ എന്നിവ ലഭിക്കാനും സാധ്യതയുണ്ട്. കുടുംബത്തിൽ സ്വസ്ഥതയും സമാധാനവും ദാമ്പത്യ ഐക്യവും ഉണ്ടാകും. ലോട്ടറി പരീക്ഷിക്കാവുന്നതാണ്.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): മനസ്സിൽ വിചാരിക്കുന്ന പല കാര്യങ്ങൾ യാഥാർത്ഥ്യമാകുകയും തൊഴിൽ രംഗത്ത് അപ്രതീക്ഷിതമായ ഉയർച്ച ലഭിക്കുകയും ചെയ്യും. പുതിയ വരുമാന മാർഗങ്ങൾ തുറക്കാനും അപ്രതീക്ഷിത ധനലാഭം ലഭിക്കാനും സാധ്യതയുണ്ട്. എന്നാൽ, വാരം അവസാനം ശത്രുക്കളുടെ ശല്യം വർദ്ധിക്കാനും അനാവശ്യ കൂട്ട് മൂലം അപവാദം കേൾക്കേണ്ടി വരാനും ഇടയുണ്ട്. വരവിൽ കവിഞ്ഞ ചെലവും ജലദോഷം, പനി എന്നിവയും ഉണ്ടാവാം.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): വാരം അവസാനം തൊഴിൽ രഹിതർക്ക് അർഹമായ തൊഴിൽ ലഭിക്കും. ലക്ഷ്യങ്ങൾ നേടാൻ കഠിനാധ്വാനം ചെയ്യേണ്ടി വരുന്ന വാരമാണിത്. ആമാശയ സംബന്ധമായ അസുഖങ്ങൾ ഉള്ളവർ ഭക്ഷണ കാര്യത്തിൽ ശ്രദ്ധാലുക്കളായിരിക്കണം. ദഹനസംബന്ധമായ പ്രശ്നങ്ങൾ, അലർജി, വിഷബാധ എന്നിവയ്ക്ക് സാധ്യതയുണ്ട്. ഏറ്റവും അടുപ്പമുള്ളവരിൽ നിന്നോ ബന്ധുക്കളിൽ നിന്നോ ചതിയോ വഞ്ചനയോ ഉണ്ടാകാതിരിക്കാൻ ശ്രദ്ധിക്കുക. കേസ് വഴക്കിൽ പരാജയം ഉണ്ടാവാതിരിക്കാൻ ജാഗ്രത പാലിക്കുക.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): വാരത്തിന്റെ തുടക്കത്തിൽ ദാമ്പത്യ ഐക്യം, വാഹന ഭാഗ്യം, ധനലാഭം എന്നിവ അനുഭവത്തിൽ വരും. തൊഴിൽ ഇല്ലാതെ ഇരുന്നവർക്ക് അർഹമായ തൊഴിൽ അവസരങ്ങൾ ലഭിക്കും. വാരം അവസാനത്തോട് തൊഴിൽ വിജയം, കീർത്തി എന്നിവ പ്രതീക്ഷിക്കാം. എന്നാൽ, വാര മധ്യത്തോടു കൂടി ഉദര സംബന്ധമായോ ദഹന സംബന്ധമായോ പ്രശ്നങ്ങൾ ഉള്ളവർ ശ്രദ്ധിക്കണം. ഗുണദോഷ സമ്മിശ്രമായ വാരമാണിത്.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): തൊഴിൽ മേഖലയിൽ നിർണായകമായ വഴിത്തിരിവുകൾ പ്രതീക്ഷിക്കാം. പുതിയ അവസരങ്ങൾ ലഭിക്കാനും നിലവിലുള്ള ജോലിയിൽ മാറ്റങ്ങൾ വരാനും സാധ്യതയുണ്ട്. ഈ ആഴ്ച ജാഗ്രതയും ശ്രദ്ധയും ആവശ്യമാണ്; ശത്രുക്കളുടെ ഉപദ്രവം വർദ്ധിക്കാൻ സാധ്യതയുണ്ട്. ലോൺ, കടബാധ്യതകൾ എന്നിവയിൽ ഏർപ്പെടുമ്പോൾ ചതിയും വഞ്ചനയും സംഭവിക്കാനുള്ള സാധ്യതയുള്ളതിനാൽ ശ്രദ്ധിക്കുക. ഭക്ഷ്യവിഷബാധ ഏൽക്കാനുള്ള സാധ്യതയുള്ളതിനാൽ വൃത്തിയുള്ള ഭക്ഷണം മാത്രം കഴിക്കുക.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): വാരത്തിന്റെ തുടക്കത്തിൽ ജോലിസ്ഥലത്ത് കാര്യങ്ങൾ മെച്ചപ്പെടുകയും സംഘർഷങ്ങൾ കുറയുകയും ചെയ്യും. സ്ഥാനക്കയറ്റം ലഭിക്കാനും പുതിയ സ്ഥാനമാനങ്ങൾ തേടി വരാനും സാധ്യതയുണ്ട്. സാമ്പത്തിക കാര്യങ്ങളിൽ നേട്ടം പ്രതീക്ഷിക്കാം. കലാകാരന്മാർക്ക് പേരും പ്രശസ്തിയും അംഗീകാരവും ലഭിക്കും. എന്നാൽ വാരം അവസാനം ആരോഗ്യത്തിൽ ശ്രദ്ധ ചെലുത്തുക. സുഹൃത്തുക്കളോടൊപ്പം രുചികരമായ ഭക്ഷണം കഴിക്കാൻ അവസരം ലഭിക്കും.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): വാരം മധ്യത്തോടു കൂടി കുടുംബത്തിൽ അഭിവൃദ്ധിയും ഐശ്വര്യവും ഉണ്ടാകും. ഏറ്റവും വേണ്ടപ്പെട്ടവരുടെ വിവാഹത്തിൽ പങ്കെടുക്കാനും വാരം അവസാനത്തോട് കൂടി പുതിയ വാഹനമോ വീടോ സ്വന്തമാക്കാനും പിണങ്ങിയിരുന്ന ബന്ധുക്കളോ സുഹൃത്തുക്കളോ വീണ്ടും കണ്ടുമുട്ടാനും സാധ്യതയുണ്ട്. എങ്കിലും, വാരത്തിന്റെ തുടക്കത്തിൽ കൂട്ടുകെട്ടുകളിൽ നിന്നോ പങ്കാളിത്ത കച്ചവടത്തിൽ നിന്നോ സാമ്പത്തിക നഷ്ടങ്ങളോ അപമാനകരമായ അനുഭവങ്ങളോ ഉണ്ടാകാതിരിക്കാൻ ജാഗ്രത പാലിക്കുക.