മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ആരോഗ്യപരമായ കാര്യങ്ങളിൽ ഇന്ന് കൂടുതൽ ശ്രദ്ധയും കരുതലും ആവശ്യമായി വരും. അപ്രതീക്ഷിതമായ അപകടസാധ്യതകൾ ഒഴിവാക്കാൻ എല്ലാ കാര്യങ്ങളിലും ജാഗ്രത പുലർത്തുക. ഇന്ന് യാത്രകൾ ഒഴിവാക്കുന്നത് നല്ലതാണ്.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): നല്ല ചിന്തകളും പുതിയ ആശയങ്ങളും ഇന്ന് ലഭിക്കും. സർഗ്ഗാത്മക കഴിവുകൾ വർദ്ധിക്കുകയും അത് വഴി ധനപരമായ നേട്ടങ്ങളും തൊഴിൽപരമായ വിജയങ്ങളും അനുഭവത്തിൽ വരും.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): വിശേഷപ്പെട്ട പുണ്യ സ്ഥലങ്ങൾ സന്ദർശിക്കാൻ ഇന്ന് അവസരം ലഭിക്കും. ഈ യാത്രകൾ ആത്മീയമായ വളർച്ചയ്ക്ക് സഹായിക്കുകയും ജീവിതത്തിൽ സമാധാനവും സന്തോഷവും നിറയ്ക്കുകയും ചെയ്യും.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): സാമ്പത്തിക നേട്ടങ്ങൾ ഉണ്ടാകും. തൊഴിൽ രംഗത്ത് വിജയം കൈവരിക്കും, സമ്മാനങ്ങൾ ലഭിക്കാനുള്ള സാധ്യതയുണ്ട്. അസുഖങ്ങൾക്ക് ശമനം ലഭിക്കും, ആഭരണങ്ങൾ സ്വന്തമാക്കാനും ഇന്ന് യോഗമുണ്ടാകും.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): കുടുംബാംഗങ്ങളുമായും ജീവിത പങ്കാളിയുമായും സ്നേഹത്തോടെയും ക്ഷമയോടെയും ഇടപെഴകുക. ആരോഗ്യകാര്യങ്ങളിൽ ശ്രദ്ധ കൊടുക്കുക, രോഗാദി ദുരിതങ്ങൾക്ക് സാധ്യത കാണുന്നു. സ്ത്രീകൾ മുഖാന്തരം ദോഷാനുഭവങ്ങൾ ഉണ്ടായേക്കാം.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): നല്ല സൗഹൃദബന്ധങ്ങൾക്കും കുടുംബാംഗങ്ങളുമായുള്ള ഐക്യത്തിനും ഇന്ന് സാധ്യത കാണുന്നു. അപ്രതീക്ഷിതമായ സാമ്പത്തിക സഹായം ലഭിക്കാനും നല്ല ഭക്ഷണം ആസ്വദിക്കാനും അവസരം ലഭിക്കും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ബിസിനസ്സിൽ പുരോഗതി ഇന്ന് കാണാൻ സാധിക്കും. വ്യക്തവും ആകർഷകവുമായ അവതരണ ശൈലി എല്ലാവരുടെയും പ്രശംസ നേടും. അപവാദ പ്രചാരണങ്ങൾ നിഷ്ഫലമാകും. കുടുംബത്തിൽ സമാധാനപരമായ അന്തരീക്ഷം നിലനിൽക്കും.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): തൊഴിൽപരമായ ബുദ്ധിമുട്ടുകൾ വർധിക്കാനും മാനസികമായ അസ്വസ്ഥതകൾ അനുഭവിക്കാനും സാധ്യതയുണ്ട്. തലവേദന, നാഡീ സംബന്ധമായ രോഗങ്ങൾ എന്നിവ വർധിക്കാൻ സാധ്യതയുണ്ട്. മറ്റുള്ളവരുമായി ഇടപെഴകുമ്പോൾ ശ്രദ്ധ പാലിക്കുക.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): സ്ത്രീകളുമായി ബന്ധപ്പെട്ട കാര്യങ്ങളിൽ ശ്രദ്ധയും കരുതലും ആവശ്യമായി വരും. അതുമൂലം ദുരിതങ്ങളോ മാനഹാനിയോ ധനനഷ്ടമോ സംഭവിക്കാതിരിക്കാൻ ശ്രദ്ധിക്കുക. ഉച്ചയ്ക്ക് ശേഷം കുടുംബത്തിൽ സന്തോഷവും സമാധാനവും അനുഭവിക്കാനാകും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ദാമ്പത്യ ജീവിതത്തിൽ ഐക്യം ഉണ്ടാകും. രോഗങ്ങളിൽ നിന്ന് ആശ്വാസം ലഭിക്കും. വ്യാപാരത്തിൽ വിജയം പ്രതീക്ഷിക്കാം. കുടുംബത്തിൽ മംഗളകരമായ ചടങ്ങുകൾ നടക്കും. സാമ്പത്തികപരമായ ഉയർച്ച ഇന്ന് ഉണ്ടാകും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): അലങ്കാര വസ്തുക്കൾ സ്വന്തമാക്കാനുള്ള അവസരങ്ങൾ ഇന്ന് ലഭിക്കും. കുടുംബാംഗങ്ങളുടെയും ബന്ധുക്കളുടെയും പ്രീതി ലഭിക്കും. വീട്ടിൽ മംഗളകരമായ ചടങ്ങുകൾ നടക്കും. പ്രണയ ബന്ധങ്ങളിൽ ഏർപ്പെടാൻ സാധ്യത കാണുന്നു.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): എല്ലാ കാര്യങ്ങളിലും തടസ്സങ്ങൾ അനുഭവപ്പെടും. അപമാനം, സാമ്പത്തിക നഷ്ടം, രോഗങ്ങൾ എന്നിവ അലട്ടാൻ സാധ്യതയുണ്ട്. മൃഗങ്ങളിൽ നിന്ന് ദോഷകരമായ അനുഭവങ്ങൾ ഉണ്ടാവാം. ഇന്ന് ജാഗ്രതയോടെ ഇരിക്കുക.