മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ഇന്ന് സമ്മിശ്രമായ ഫലങ്ങളാണ് അനുഭവപ്പെടുക. ദിവസത്തിന്റെ തുടക്കത്തിൽ മനഃസ്വസ്ഥത ലഭിക്കുമെങ്കിലും ഉച്ചയ്ക്ക് ശേഷം ഭക്ഷണ സുഖക്കുറവും ദഹന സംബന്ധമായ അസ്വസ്ഥതകളും അനുഭവപ്പെടാൻ സാധ്യതയുണ്ട്. ആരോഗ്യ കാര്യത്തിൽ ശ്രദ്ധിക്കുക.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): ബന്ധുക്കളിൽ നിന്നും കുടുംബാംഗങ്ങളിൽ നിന്നും മികച്ച പിന്തുണയും ഗുണാനുഭവങ്ങളും ലഭിക്കും. ദാമ്പത്യത്തിലും സന്താനങ്ങളുടെ കാര്യത്തിലും ഐക്യം ദൃശ്യമാകും. സാമ്പത്തിക നേട്ടമുണ്ടാകാനും കുടുംബത്തിൽ വിവാഹാദി മംഗളകർമ്മങ്ങൾ നടക്കാനും ഇന്ന് യോഗമുണ്ട്.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): അനാവശ്യമായ കൂട്ടുകെട്ടുകൾ വഴി മാനഹാനിക്കും സാമ്പത്തിക നഷ്ടത്തിനും സാധ്യതയുള്ളതിനാൽ ജാഗ്രത പാലിക്കണം. തൊഴിൽ തടസ്സവും കുടുംബാംഗങ്ങളുമായി അകൽച്ചയും ഉണ്ടാകാൻ ഇടയുണ്ട്. വ്യക്തിബന്ധങ്ങളിൽ വിവേകം കാണിക്കേണ്ട ദിവസമാണിത്.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): ശാരീരികമായ രോഗപീഡകൾ അലട്ടാൻ സാധ്യതയുണ്ട്. മനഃശാന്തി കുറയാനും ബന്ധുക്കളുമായി കലഹങ്ങൾക്കും സാഹചര്യമുണ്ട്. ഏർപ്പെടുന്ന കാര്യങ്ങളിൽ തടസ്സങ്ങളും അപമാനങ്ങളും നേരിടേണ്ടി വന്നേക്കാമെന്നതിനാൽ ഓരോ ചുവടും ശ്രദ്ധിച്ചു വെക്കുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): ബന്ധുജന സമാഗമവും ബിസിനസ്സിൽ മികച്ച പുരോഗതിയും ഉണ്ടാകുന്ന ദിവസമാണിത്. പ്രിയപ്പെട്ടവരിൽ നിന്നും സഹായ സഹകരണങ്ങൾ ലഭിക്കും. ദമ്പതികൾക്കിടയിൽ പരസ്പര വിശ്വാസവും സ്നേഹവും വർദ്ധിക്കുന്നത് വഴി സമാധാനമുണ്ടാകും.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): ശത്രുദോഷങ്ങൾ മാറി കാര്യങ്ങൾ അനുകൂലമാകും. നിയമപരമായ തർക്കങ്ങളിൽ വിജയം കൈവരിക്കാൻ സാധിക്കും. മനഃസന്തോഷം ലഭിക്കാനും തൊഴിൽ രംഗത്ത് മികച്ച നേട്ടങ്ങൾ കൊയ്യാനും ഇന്ന് സാഹചര്യമുണ്ടാകും. തീരുമാനങ്ങളിൽ പക്വത പ്രകടമാകും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): പല കാര്യങ്ങളിലും അനാവശ്യമായ ഭയവും മനഃശക്തി കുറവും അനുഭവപ്പെടാം. ഉറക്കക്കുറവും സാമ്പത്തിക ക്ലേശങ്ങളും അലട്ടിയേക്കാം. തിരിച്ചടികൾ ഉണ്ടാകാൻ സാധ്യതയുള്ളതിനാൽ പുതിയ കാര്യങ്ങൾ തുടങ്ങുമ്പോൾ അതീവ ശ്രദ്ധ പുലർത്തുക.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): കുടുംബാംഗങ്ങളുമായി, പ്രത്യേകിച്ച് ജീവിതപങ്കാളിയുമായും മക്കളുമായും അഭിപ്രായ വ്യത്യാസങ്ങൾ ഉണ്ടാകാതെ നോക്കണം. മറ്റുള്ളവർക്ക് വേണ്ടി നല്ല കാര്യങ്ങൾ ചെയ്താലും തിരിച്ച് മോശമായ അനുഭവങ്ങൾ ഉണ്ടാകാൻ ഇടയുണ്ട്. അനാവശ്യ ചെലവുകൾ നിയന്ത്രിക്കുക.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): സാഹിത്യ മേഖലയിൽ പ്രവർത്തിക്കുന്നവർക്ക് മികച്ച പുരോഗതിയും പ്രശസ്തിയും ലഭിക്കും. സ്വന്തം രചനകൾ പ്രസിദ്ധീകരിക്കാനുള്ള അവസരമുണ്ടാകും. അപ്രതീക്ഷിതമായ ഭാഗ്യാനുഭവങ്ങൾ തേടിയെത്തുന്ന അനുകൂല ദിവസമാണിത്.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ഔദ്യോഗിക രംഗത്ത് മേലധികാരിയുമായോ സഹപ്രവർത്തകരുമായോ വാക്കുതർക്കങ്ങളിൽ ഏർപ്പെടാൻ സാധ്യതയുണ്ട്. സ്വത്ത് സംബന്ധമായ കേസുകളിൽ തിരിച്ചടികൾ ഉണ്ടായേക്കാം. കൃഷി സംബന്ധമായ ബിസിനസ്സ് ചെയ്യുന്നവർ സാമ്പത്തിക നഷ്ടം വരാതെ ശ്രദ്ധിക്കണം.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): കുടുംബത്തിൽ മംഗളകരമായ ചടങ്ങുകൾ നടക്കാൻ സാധ്യതയുണ്ട്. സമൂഹത്തിൽ അംഗീകാരവും പ്രശസ്തിയും ലഭിക്കും. സാമ്പത്തിക നേട്ടവും സമ്മാനങ്ങളും ലഭിക്കാൻ യോഗമുണ്ട്. ഭക്ഷണ സുഖം അനുഭവപ്പെടുന്ന ദിവസമായിരിക്കും ഇന്ന്.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): ദിവസത്തിന്റെ തുടക്കത്തിൽ ദാമ്പത്യ കലഹത്തിനോ കാര്യതടസ്സത്തിനോ സാധ്യതയുണ്ട്. എന്നാൽ ഉച്ചയ്ക്ക് ശേഷം സ്ഥിതിഗതികൾ മാറുകയും മനഃസമാധാനവും സാമ്പത്തിക ലാഭവും കൈവരുകയും ചെയ്യും