മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): കുടുംബാംഗങ്ങളിൽ നിന്നും ബന്ധുക്കളിൽ നിന്നും ഗുണാനുഭവങ്ങൾ പ്രതീക്ഷിക്കാവുന്ന ദിവസമാണിത്. സാമ്പത്തിക നേട്ടം, മനഃസന്തോഷം, തൊഴിൽ വിജയം എന്നിവ കൈവരും. കുടുംബത്തിൽ നടക്കുന്ന മംഗളകരമായ കർമ്മങ്ങളിൽ മുഖ്യ പങ്കുവഹിക്കാൻ അവസരം ലഭിക്കും.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): വളരെക്കാലമായി കാണാതിരുന്ന ബന്ധുക്കളെ കണ്ടുമുട്ടാനും അവരോടൊപ്പം സമയം ചെലവഴിക്കാനും സാധിക്കും. ജീവിതപങ്കാളിയുടെ ആശയങ്ങൾ പ്രാവർത്തികമാക്കുന്നത് വഴി നേട്ടങ്ങളുണ്ടാകും. നല്ല സുഹൃത്തുക്കളുടെ സഹായവും തൊഴിൽ വിജയവും ഇന്ന് പ്രതീക്ഷിക്കാം.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): ജോലി സംബന്ധമായോ മറ്റോ അന്യദേശത്ത് താമസിക്കേണ്ടി വന്നേക്കാം. എങ്കിലും ഒന്നിലും പൂർണ്ണമായ തൃപ്തി ലഭിക്കാത്ത അവസ്ഥ ഉണ്ടായേക്കാം. ഉദര-വാത സംബന്ധമായ രോഗങ്ങൾ അലട്ടാൻ സാധ്യതയുള്ളതിനാൽ ആരോഗ്യത്തിൽ ശ്രദ്ധിക്കുക.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): തൊഴിൽ രംഗത്ത് ചില തടസ്സങ്ങളും പ്രവർത്തന മാന്ദ്യവും അനുഭവപ്പെട്ടേക്കാം. കണ്ണ്, തല എന്നിവയുമായി ബന്ധപ്പെട്ട അസുഖങ്ങൾ വർദ്ധിക്കാൻ ഇടയുണ്ട്. കുടുംബത്തിൽ ദാമ്പത്യ കലഹമോ മക്കളുമായി അഭിപ്രായ വ്യത്യാസമോ ഉണ്ടാകാതെ സംയമനം പാലിക്കുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): രോഗശാന്തിയും ശത്രുനാശവും വഴി മനഃസമാധാനം ലഭിക്കുന്ന ദിവസമാണിത്. കുടുംബ ജീവിതത്തിൽ സന്തോഷവും തൊഴിൽ മേഖലയിൽ മികച്ച വിജയവും ഉണ്ടാകും. സാമ്പത്തിക ഉന്നതിയും ബന്ധുക്കളിൽ നിന്നുള്ള സഹായ സഹകരണങ്ങളും ഇന്ന് പ്രതീക്ഷിക്കാം.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): ചില തിരിച്ചടികൾക്കും നേട്ടങ്ങൾക്കും സാധ്യതയുള്ള ദിവസമാണിത്. ലോൺ, കടബാധ്യതകൾ എന്നിവയുമായി ബന്ധപ്പെട്ട് തർക്കങ്ങളോ നിയമപരമായ പ്രശ്നങ്ങളോ ഉണ്ടായേക്കാം. മോശം കൂട്ടുകെട്ടുകളിൽ പെടാതെ ജാഗ്രത പുലർത്തുന്നത് നന്നായിരിക്കും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): നിയമപരമായ തർക്കങ്ങളിലും കോടതി കാര്യങ്ങളിലും വിജയം ലഭിക്കും. ആരോഗ്യ വർദ്ധനവ്, ധനലാഭം, മനഃസന്തോഷം എന്നിവ ഉണ്ടാകും. ജോലിയിൽ സ്ഥാനക്കയറ്റത്തിനും സമൂഹത്തിൽ അംഗീകാരത്തിനും ദാമ്പത്യ ഐക്യത്തിനും യോഗമുണ്ട്.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): വിഷഭയത്തിന് സാധ്യതയുള്ളതിനാൽ എല്ലാ കാര്യങ്ങളിലും അതീവ ജാഗ്രത പാലിക്കുക. അനാവശ്യമായ സംസാരം ശത്രുക്കളെ ക്ഷണിച്ചുവരുത്താൻ ഇടയാക്കും. നിയമപരമായ കാര്യങ്ങളിൽ പരാജയ സാധ്യതയുള്ളതിനാൽ ഇടപാടുകളിൽ ശ്രദ്ധിക്കണം.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): വിവാഹ കാര്യങ്ങളിൽ അനുകൂലമായ തീരുമാനമുണ്ടാകും. ബന്ധുക്കളിൽ നിന്ന് ഗുണാനുഭവങ്ങൾ ലഭിക്കാനും നല്ല സുഹൃത്തുക്കളെ നേടിയെടുക്കാനും സാധിക്കും. സാമ്പത്തിക നേട്ടത്തോടൊപ്പം പുതിയ ആഭരണങ്ങളോ അലങ്കാര വസ്തുക്കളോ സ്വന്തമാക്കാൻ യോഗമുണ്ട്.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ദാമ്പത്യ ജീവിതത്തിൽ വലിയ ഐക്യവും സന്തോഷവും അനുഭവപ്പെടും. വീട്ടിൽ മംഗളകരമായ കാര്യങ്ങൾ സംഭവിക്കാൻ ഇടയുണ്ട്. ഇത് മനസ്സിന് വലിയ ആശ്വാസവും സമാധാനവും നൽകുന്നതിന് കാരണമാകും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): നിയമപരമായ കാര്യങ്ങളിൽ തീരുമാനങ്ങളെടുക്കുമ്പോൾ വളരെയധികം ശ്രദ്ധിക്കുക. അനാവശ്യമായ വാദപ്രതിവാദങ്ങളിൽ നിന്നും തർക്കങ്ങളിൽ നിന്നും ഒഴിഞ്ഞുനിൽക്കുന്നത് ഈ ദിവസത്തെ പ്രതികൂല സാഹചര്യങ്ങൾ ഒഴിവാക്കാൻ സഹായിക്കും.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): ശാരീരികവും മാനസികവുമായ ചില ബുദ്ധിമുട്ടുകൾ അലട്ടിയേക്കാം. എങ്കിലും കാര്യക്ഷമമായ ഇടപെടലുകൾ വഴി ഇവ വേഗത്തിൽ മറികടക്കാൻ സാധിക്കും. സ്ത്രീകൾ ഇടപഴകുന്ന സാഹചര്യങ്ങളിൽ കൂടുതൽ ജാഗ്രത പുലർത്തുന്നത് ഗുണകരമായിരിക്കും.