മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ഭവനത്തിൽ മംഗളകരമായ കാര്യങ്ങൾ അരങ്ങേറാൻ സാധ്യതയുള്ള ദിവസമാണിത്. വിവാഹം, കുടുംബത്തിൽ പുതിയ അംഗത്തിന്റെ വരവ്, ഗൃഹപ്രവേശം തുടങ്ങിയ ശുഭകാര്യങ്ങൾ നടക്കാൻ യോഗം കാണുന്നു. ഐശ്വര്യം നിറഞ്ഞ അനുഭവങ്ങൾ ഈ രാശിക്കാർക്ക് ഇന്ന് പ്രതീക്ഷിക്കാം.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): സമൂഹത്തിൽ പേരും പ്രശസ്തിയും വർദ്ധിക്കുന്ന സാഹചര്യമുണ്ടാകും. പ്രണയകാര്യങ്ങൾ വിവാഹത്തിൽ കലാശിക്കാൻ അനുകൂലമായ സമയമാണിത്. തൊഴിലിടങ്ങളിൽ ഉയർന്ന പദവികൾ തേടിയെത്തുന്നത് മനസ്സിന് സന്തോഷം നൽകും.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): ചില മാനസിക വെല്ലുവിളികൾ നേരിടേണ്ടി വന്നേക്കാം. കുടുംബാംഗങ്ങളുമായി വസ്തു സംബന്ധമായ കാര്യങ്ങളിൽ വാക്കുതർക്കത്തിന് സാധ്യതയുള്ളതിനാൽ സംയമനം പാലിക്കാൻ ശ്രദ്ധിക്കുക. കാര്യങ്ങൾ പക്വതയോടെ കൈകാര്യം ചെയ്യുന്നത് ഗുണകരമാകും.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): പുതിയ ബന്ധങ്ങൾ തിരഞ്ഞെടുക്കുമ്പോൾ അതീവ ജാഗ്രത വേണം; അനാവശ്യ കൂട്ടുകെട്ടുകൾ അപമാനത്തിന് കാരണമായേക്കാം. തൊഴിൽപരമായ ക്ലേശങ്ങളും അമിത ആഡംബര പ്രിയത്വവും ശാരീരിക ക്ഷീണവും അനുഭവപ്പെട്ടേക്കാം. ആരോഗ്യകാര്യങ്ങളിൽ കൂടുതൽ ശ്രദ്ധ നൽകുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): മനസ്സിൽ സന്തോഷം നിറയുന്ന ദിവസമാണിത്. നിയമപരമായ കാര്യങ്ങളിൽ വിജയവും സാമ്പത്തിക ലാഭവും ഉന്നത സ്ഥാനലബ്ധിയും ഉണ്ടാകും. പഴയ സുഹൃത്തുക്കളെ കണ്ടുമുട്ടാനും അവർക്കൊപ്പം സമയം ചെലവഴിക്കാനും ഇന്ന് അവസരമുണ്ടാകും.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): സാമ്പത്തികമായി അല്പം പ്രയാസങ്ങൾ അനുഭവപ്പെട്ടേക്കാം. തൊഴിൽപരമായ മാറ്റങ്ങൾക്കോ ജോലിയിൽ ക്ലേശങ്ങൾ വർദ്ധിക്കാനോ സാധ്യത കാണുന്നു. നിലവിലുള്ള തൊഴിൽ സംരക്ഷിക്കുന്നതിൽ കൂടുതൽ ശ്രദ്ധ പുലർത്തേണ്ട സമയമാണിത്.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): പ്രണയിക്കുന്നവർക്ക് ആഗ്രഹസാഫല്യം ലഭിക്കുന്ന ശുഭദിനമാണിത്. ദീർഘനാളായുള്ള മാനസിക വിഷമങ്ങളിൽ നിന്ന് മോചനം ലഭിക്കും. പുതിയ തൊഴിൽ അന്വേഷിക്കുന്നവർക്ക് മികച്ച അവസരങ്ങൾ ലഭിക്കാൻ സാധ്യതയുള്ള സമയമാണ്.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): ബന്ധുക്കളുമായുള്ള ഇടപഴകലുകളിൽ വിട്ടുവീഴ്ചകൾ ചെയ്യുക; കലഹങ്ങൾ ഒഴിവാക്കാൻ ശ്രദ്ധിക്കണം. ജീവിതപങ്കാളിക്കോ സന്താനങ്ങൾക്കോ ചെറിയ ആരോഗ്യ പ്രശ്നങ്ങൾക്ക് സാധ്യതയുണ്ട്. അലർജി, വാത സംബന്ധമായ ബുദ്ധിമുട്ടുകൾ ഉള്ളവർ കരുതൽ എടുക്കുക.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): പുണ്യ തീർത്ഥാടന കേന്ദ്രങ്ങൾ സന്ദർശിക്കാൻ അവസരം ലഭിക്കും. അലങ്കാര വസ്തുക്കളും ആഗ്രഹിച്ച സാധനങ്ങളും സ്വന്തമാക്കാൻ സാധിക്കും. ദീർഘനാളായി വിവാഹം മുടങ്ങി കിടന്നവർക്ക് അനുകൂലമായ ആലോചനകൾ വരാൻ സാധ്യതയുള്ള സമയമാണിത്.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ആഗ്രഹിച്ച രീതിയിലുള്ള വിവാഹാലോചനകൾ വരാൻ ഇന്ന് യോഗമുണ്ട്. ബിസിനസ്സ് രംഗത്ത് പ്രവർത്തിക്കുന്നവർക്ക് പുതിയ പ്രൊജക്റ്റുകൾ ലഭിക്കാൻ സാധ്യത കാണുന്നു. ദാമ്പത്യ ഐക്യവും തൊഴിൽ വിജയവും ഈ രാശിക്കാർക്ക് ഇന്ന് സന്തോഷം നൽകും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): സന്താനങ്ങളുമായി ബന്ധപ്പെട്ട കാര്യങ്ങളിൽ ചെറിയ മാനസിക ബുദ്ധിമുട്ടുകൾ ഉണ്ടായേക്കാം. ആരോഗ്യ കാര്യത്തിൽ, പ്രത്യേകിച്ച് വാത-ഉദര സംബന്ധമായ അസുഖങ്ങൾ ഉള്ളവർ ജാഗ്രത പാലിക്കണം. വാഹനങ്ങൾ ഉപയോഗിക്കുമ്പോൾ അതീവ ശ്രദ്ധ പുലർത്തുന്നത് അപകടങ്ങൾ ഒഴിവാക്കാൻ സഹായിക്കും.

മീനം രാശി ( പൂരൂരുട്ടാതി   അവസാന കാൽഭാഗം, ഉതൃട്ടാതി, രേവതി): ഏറ്റെടുത്ത ഉത്തരവാദിത്തങ്ങൾ പൂർത്തിയാക്കാൻ കഠിനമായി പ്രയത്നിക്കേണ്ടി വരും. അപരിചിതമായ മേഖലകളിൽ പണം നിക്ഷേപിക്കുന്നത് ഒഴിവാക്കുക. കാര്യങ്ങളിൽ ചെറിയ തടസ്സങ്ങൾ അനുഭവപ്പെട്ടേക്കാം. തലവേദനയോ മറ്റ് ശിരോരോഗങ്ങളോ ഉള്ളവർ ആരോഗ്യത്തിൽ ശ്രദ്ധിക്കുക.