മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ഗുണദോഷ സമ്മിശ്രമായ ഫലങ്ങളാണ് ഈ ദിവസം പ്രതീക്ഷിക്കേണ്ടത്. ദിവസത്തിന്റെ ആദ്യ പകുതിയിൽ മനോധൈര്യവും സാമ്പത്തിക നേട്ടങ്ങളും ഉണ്ടാകുമെങ്കിലും സായാഹ്നത്തോടെ ആരോഗ്യ കാര്യങ്ങളിൽ പ്രത്യേക ജാഗ്രത പുലർത്തേണ്ടതുണ്ട്.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): തൊഴിലിടങ്ങളിൽ മേലധികാരികളുടെയും സഹപ്രവർത്തകരുടെയും പ്രീതി സമ്പാദിക്കാൻ സാധിക്കും. സാമ്പത്തിക ക്ലേശങ്ങൾ മാറി ആശ്വാസം ലഭിക്കും. ദാമ്പത്യ ഐക്യവും നിയമപരമായ കാര്യങ്ങളിൽ വിജയവും ഈ രാശിക്കാർക്ക് ഇന്ന് അനുകൂലമായി ഭവിക്കും.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): മിശ്രഫലങ്ങൾ നിറഞ്ഞ ദിവസമാണിത്. തുടക്കത്തിൽ മനഃസമാധാനം അല്പം കുറയാൻ സാധ്യതയുണ്ട്. സായാഹ്നത്തോടെ സാമ്പത്തിക ഇടപാടുകളിലും നിയമപരമായ കാര്യങ്ങളിലും കൂടുതൽ ശ്രദ്ധ നൽകണം; പരാജയങ്ങൾക്കോ നഷ്ടങ്ങൾക്കോ സാധ്യത കാണുന്നു.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): സന്താനങ്ങളുമായി ബന്ധപ്പെട്ട കാര്യങ്ങളിൽ ചെറിയ മാനസിക ബുദ്ധിമുട്ടുകൾ ഉണ്ടായേക്കാം. വാത-ഉദര സംബന്ധമായ അസുഖങ്ങൾ ഉള്ളവർ ആരോഗ്യത്തിൽ അതീവ ശ്രദ്ധ പുലർത്തണം. വാഹനങ്ങൾ ഉപയോഗിക്കുമ്പോൾ ജാഗ്രത പാലിക്കുന്നത് അപകടങ്ങൾ ഒഴിവാക്കാൻ സഹായിക്കും.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): ദിവസത്തിന്റെ തുടക്കം വളരെ സന്തോഷകരമായിരിക്കും. എന്നാൽ സായാഹ്നം കഴിയുന്നതോടെ ശാരീരികമായ അസ്വസ്ഥതകളോ സാമ്പത്തികമായ നഷ്ടങ്ങളോ ഉണ്ടാകാതെ ശ്രദ്ധിക്കണം. മിതത്വവും ജാഗ്രതയും പാലിക്കുന്നത് ഗുണകരമാകും.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): ആദ്യ പകുതിയിൽ ചില അപമാനങ്ങൾക്കോ സാമ്പത്തിക നഷ്ടങ്ങൾക്കോ സാധ്യതയുണ്ടെങ്കിലും മദ്ധ്യാഹ്നത്തിന് ശേഷം സ്ഥിതി മെച്ചപ്പെടും. രോഗശാന്തി, ധനലാഭം, ശത്രുക്കളുടെ ശല്യം കുറയുക എന്നിവ ഈ രാശിക്കാർക്ക് ആശ്വാസം നൽകും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ചെയ്തു കൊടുത്ത സഹായങ്ങൾ അർഹമായ രീതിയിൽ തിരിച്ചു കിട്ടാൻ സാധ്യതയുള്ള ദിവസമാണിത്. ജീവിതത്തോടുള്ള കാഴ്ചപ്പാടുകളിൽ വലിയ മാറ്റങ്ങൾ വരാനിടയുണ്ട്. ഗുണദോഷങ്ങൾ കലർന്ന അനുഭവങ്ങളായിരിക്കും ഇന്ന് ഉണ്ടാകുക.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): പ്രിയപ്പെട്ടവരുടെ ആരോഗ്യ കാര്യത്തിൽ പ്രത്യേക ശ്രദ്ധ നൽകണം. ചെറിയ രോഗലക്ഷണങ്ങൾ പോലും അവഗണിക്കരുത്. മദ്ധ്യാഹ്നം കഴിയുന്നതോടെ ശാരീരിക അസ്വസ്ഥതകൾക്ക് ശമനം ലഭിക്കാനും ഉന്മേഷം വീണ്ടെടുക്കാനും സാധിക്കും.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): സന്തോഷവും സങ്കടവും ഒരുപോലെ അനുഭവപ്പെടുന്ന ദിവസമായിരിക്കും. കുടുംബത്തിൽ അയൽക്കാരുമായോ ബന്ധുക്കളുമായോ ഉള്ള തർക്കങ്ങൾ ഒഴിവാക്കാൻ ശ്രദ്ധിക്കണം. സാമ്പത്തിക കാര്യങ്ങളിൽ മിതത്വം പാലിക്കുന്നത് ഉചിതമായിരിക്കും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): മനഃസന്തോഷവും സാമ്പത്തിക ഉന്നതിയും കീർത്തിയും തേടിയെത്തും. ബിസിനസ്സ് രംഗത്ത് പ്രവർത്തിക്കുന്നവർക്ക് പ്രവർത്തനങ്ങൾ ലാഭകരമായി മാറും. വിദ്യാർത്ഥികൾക്ക് മത്സര പരീക്ഷകളിൽ മികച്ച വിജയം കൈവരിക്കാൻ സാധിക്കുന്ന ശുഭദിനമാണിത്.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): രാവിലത്തെ സമയങ്ങളിൽ തൊഴിൽ ക്ലേശമോ മാനസിക ബുദ്ധിമുട്ടോ ഉണ്ടായേക്കാം. എന്നാൽ ഉച്ചയ്ക്ക് ശേഷം പ്രമുഖ വ്യക്തികളിൽ നിന്ന് അംഗീകാരങ്ങളും വിശേഷപ്പെട്ട സമ്മാനങ്ങളും ലഭിക്കാൻ യോഗമുണ്ട്.

മീനം രാശി ( പൂരൂരുട്ടാതി   അവസാന കാൽഭാഗം, ഉതൃട്ടാതി, രേവതി): അനാവശ്യ കൂട്ടുകെട്ടുകൾ വഴി അപമാനങ്ങൾ ഉണ്ടാകാതെ ശ്രദ്ധിക്കണം. ധാർമ്മികമായ പാതയിലൂടെ സഞ്ചരിക്കുന്നത് മാനഹാനി ഒഴിവാക്കാൻ സഹായിക്കും. അപ്രതീക്ഷിതമായി വിദേശയാത്ര എന്ന ആഗ്രഹം സഫലമാകാൻ സാഹചര്യങ്ങൾ ഒത്തുവരും.