മേടം രാശി: (അശ്വതി, ഭരണി, കാർത്തിക ആദ്യ കാൽഭാഗം) ഔദ്യോഗികവും വ്യക്തിപരവുമായ യാത്രകൾ ആവശ്യമായി വരും. കുടുംബാംഗങ്ങളുടെയും പങ്കാളിയുടെയും ആരോഗ്യത്തിൽ കരുതൽ വേണം. പുതിയ പ്രോജക്റ്റുകളുടെ കരാറുകൾ അല്പം കാത്തിരുന്ന ശേഷം പൂർണ്ണതയിലെത്തും.

ഇടവം രാശി: (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം) അനാവശ്യമായ ചിന്തകൾ ഒഴിവാക്കി കൃത്യമായ വിശ്രമവും ദിനചര്യയും പാലിക്കുക. ബിസിനസ്സ് ആവശ്യങ്ങൾക്കായുള്ള ലോൺ സംബന്ധിച്ച് ബാങ്കുകളുമായി ക്ഷമയോടെയുള്ള ആശയവിനിമയം തുടരുക.

മിഥുനം രാശി: (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം) സഹോദരസ്ഥാനീയരിൽ നിന്ന് അനുയോജ്യമായ സഹായസഹകരണങ്ങൾ ലഭ്യമാകും. പുതിയ കാര്യങ്ങളിൽ മുൻകൈ എടുത്ത് പ്രവർത്തിക്കുന്നത് സമൂഹത്തിൽ വലിയ അംഗീകാരവും പ്രശംസയും നേടിത്തരും.

കർക്കിടകം രാശി: (പുണർതം അവസാന കാൽഭാഗം, പൂയം, ആയില്യം) തൊഴിൽപരമായ യാത്രകൾ ആവശ്യമായി വരുമെങ്കിലും അവ കൃത്യമായി ആസൂത്രണം ചെയ്യുന്നത് ആയാസം കുറയ്ക്കും. തീരുമാനങ്ങളിൽ സംശയങ്ങൾ ഒഴിവാക്കി ആത്മവിശ്വാസത്തോടെ മുന്നോട്ട് പോകുക.

ചിങ്ങം രാശി: (മകം, പൂരം, ഉത്രം ആദ്യ കാൽഭാഗം) പഴയകാല ആരോഗ്യപ്രശ്നങ്ങൾ മാറി പൂർണ്ണ ശാരീരികക്ഷമത കൈവരിക്കും. തൊഴിൽ മേഖലയിൽ അപ്രതീക്ഷിത സ്ഥാനക്കയറ്റവും അംഗീകാരവും ലഭിക്കും. കുടുംബബന്ധങ്ങൾക്ക് ഉയർന്ന മുൻഗണന നൽകും.

കന്നി രാശി: (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം) കൂട്ടുകെട്ടുകളിൽ കൃത്യമായ അതിരുകൾ നിശ്ചയിക്കുന്നത് ധനനഷ്ടം ഒഴിവാക്കും. പനി, ജലദോഷം തുടങ്ങിയ കാലാവസ്ഥാ രോഗങ്ങളിൽ നിന്ന് കരുതൽ വേണം.

തുലാം രാശി: (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം) ബന്ധുക്കളുടെ സമാഗമവും ഗൃഹത്തിൽ മംഗളകർമ്മങ്ങളും നടക്കും. പുതിയ അലങ്കാര വസ്തുക്കളും വസ്ത്രങ്ങളും സ്വന്തമാക്കും. ദാമ്പത്യ ഐക്യവും പുതിയ ബിസിനസ്സ് അവസരങ്ങളും സമാധാനം നൽകും.

വൃശ്ചികം രാശി: (വിശാഖം അവസാന കാൽഭാഗം, അനിഴം, തൃക്കേട്ട) തൊഴിൽ അന്വേഷകർക്ക് അർഹമായ ജോലി ലഭിക്കും. പുതിയ സൗഹൃദങ്ങൾ വിവാഹത്തിലേക്ക് വഴിതുറക്കും. അപൂർവ്വമായ സൽകീർത്തി, ശാരീരിക സുഖം, ദാമ്പത്യ സന്തോഷം എന്നിവ അനുഭവപ്പെടും.

ധനു രാശി: (മൂലം, പൂരാടം, ഉത്രാടം ആദ്യ കാൽഭാഗം) നിയമപരമായ കാര്യങ്ങളിൽ വിദഗ്ദ്ധോപദേശം സ്വീകരിക്കുക. ആഹാരക്രമത്തിൽ മിതത്വം പാലിക്കുകയും ധ്യാനം പിന്തുടരുകയും ചെയ്യുന്നത് ഉദര സംബന്ധമായ ബുദ്ധിമുട്ടുകൾ മാറ്റും.

മകരം രാശി: (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം) ബന്ധുക്കളുമായുള്ള സംഭാഷണങ്ങളിൽ സമാധാനപരമായ ശൈലി സ്വീകരിക്കുക. ശുചിത്വമുള്ള ഭക്ഷണരീതി പിന്തുടരുന്നത് ആരോഗ്യ സംരക്ഷണത്തിന് സഹായിക്കും.

കുംഭം രാശി: (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം) തൊഴിൽ മേഖലയിൽ ഉയർന്ന വിജയവും ശത്രു ദോഷങ്ങളിൽ നിന്ന് മോചനവും ഉണ്ടാകും. സഹപ്രവർത്തകരിൽ നിന്നും മേലധികാരികളിൽ നിന്നും വലിയ പ്രശംസ കൈവരിക്കും.

മീനം രാശി: (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി) വിദേശ വാണിജ്യ വിപണനങ്ങൾ വീണ്ടും സജീവമാകും. സന്താനങ്ങൾക്ക് ഉയർന്ന സ്ഥാനമാനങ്ങളോടെ ജോലി ലഭിക്കും. പുനഃപരീക്ഷ എഴുതിയ വിദ്യാർത്ഥികൾക്ക് വിജയം ലഭിക്കും.