ലൈംഗിക പീഡനമേയില്ല; സര്വകലാശാലകളൊക്കെ മര്യാദരാമന്മാര് !
സര്വകലാശാലകള് മോറല് പോലീസുകാരാണെന്ന് യു.ജി.സി. പെണ്കുട്ടികളുടെ സുരക്ഷയെ കുറിച്ച് സര്വകലാശാലകള്ക്ക് യാതൊരു ആവലാതിയുമില്ല. ഇന്ത്യയിലെ സര്വകലാശാലകളിലൊന്നും പെണ്കുട്ടികള്ക്ക് ലൈംഗിക അതിക്രമം നേരിടേണ്ടിയും വന്നിട്ടില്ല. ന്യൂഡല്ഹിയിലെ ജവഹര്ലാല് നെഹ്റു സര്വ്വകലാശാലയില് നടന്നതെന്താണെന്ന് പക്ഷേ ചോദിക്കരുത്!
ജെ.എന്.യുവില് നടന്ന പീഡനത്തിനുശേഷമാണ് യു.ജി.സി. പെണ്കുട്ടികളുടെ സുരക്ഷ ഉറപ്പാക്കാന് ഒരു ഉന്നതതല സമിതിക്ക് രൂപം നല്കിയത്. ലേഡി ശ്രീ റാം കോളേജ് പ്രിന്സിപ്പല് മീനാക്ഷി ഗോപിനാഥായിരുന്നു അധ്യക്ഷ. പെണ്കുട്ടികളുടെ സുരക്ഷ ഉറപ്പാക്കുന്നതിന് വിവധ പദ്ധതികള് ആസൂത്രണം ചെയ്യുന്നതിനും പ്രചരണം നടത്തുന്നതിനും വേണ്ടിയാണ് യുജിസി ടീമിന് രൂപം നല്കിയത് . ഇവര് രാജ്യത്തെ 35,500 കോളേജുകളിലേക്കും 700 സര്വ്വകലാശാലകളിലേയ്ക്കും ഒരു ചോദ്യാവലി തയ്യാറാക്കി അറിയിച്ചു. എന്നാല് നാലു ശതമാനം കോളേജികളും 12 ശതമാനം സര്വകലാശാലകളുമാണ് ചോദ്യാവലിക്ക് പ്രതികരിച്ചത്.
സ്ത്രീ സമത്വത്തെ കുറിച്ച് രാജ്യത്തെ കോളേജുകള്ക്ക് യാതൊരു വിവരവുമില്ലെന്നാണ് യുജിസി കണ്ടെത്തിയിരിക്കുന്നത് . എല്ലാവരും മോറല് പോലീസുകാരാണ് . പെണ്കുട്ടികള് അടങ്ങിയും ഒതുങ്ങിയും ജീവിച്ചാല് പീഡനം ഒഴിവാക്കാമെന്നാണ് ഭൂരിപക്ഷം സര്വകലാശാലകളുടേയും കണ്ടെത്തല് . 2410 കോളേജുകളും 55 സര്വകലാശാവകളുമുള്ള തമിഴ് നാട്ടില് നിന്നും 84 സ്ഥാപനങ്ങള് മാത്രമാണ് യുജിസിയോട് പ്രതികരിച്ചത് .
രാജ്യത്തെ 83% സര്വകലാശാലകളും ലൈംഗിക പീഡന പരാതികള് ലഭിച്ചിട്ടില്ലെന്ന് അഭിപ്രായപ്പെട്ടു. പീഡനമുണ്ടായാല് തന്നെ അക്കാര്യം പുറത്തു പറയാന് വിദ്യാര്ത്ഥിനികള് മടിക്കുന്നതായും സര്വകാലശാലകള് യുജിസിയെ അറിയിച്ചു.
കാമ്പസുകളില് സി.സി.റ്റി.വി. സ്ഥാപിക്കണമെന്ന യുജിസി നിര്ദ്ദേശം അംഗീകരിച്ചത് 1090 താഴെ സ്ഥാപനങ്ങളിലാണ്. 4% ല് താഴെ സ്ഥാപനങ്ങളില് പെണ്കുട്ടികള്ക്കായി ഹെല്പ്പ് ലൈന് നമ്പര് ഉണ്ട്. 8.3 % ല് താഴെ സ്ഥാപനങ്ങളില് പരാതിപെട്ടിയുണ്ട് .
9% സ്ആഥപനങ്ങളില് മാത്രമാണ് പെണ്കുട്ടികള്ക്ക് പ്രത്യേകം മുറി അനുവദിച്ചിട്ടുള്ളത് . പെണ്കുട്ടികള്ക്ക് പ്രത്യേകം കോണിപടികള് അനുവദിച്ചിട്ടുള്ളവയുടെ എണ്ണം അതിലും താഴെയാണ് . അതേസമയം പെണ്കുട്ടികള് ശ്രദ്ധിക്കുകയാണെങ്കില് ലൈംഗിക വീഡനം ഒഴിവാക്കാനാവുമെന്ന് അഭിപ്രായപ്പെടാന് സര്വകലാശാലകള് മടിച്ചിട്ടില്ല. എന്നാല് പെണ്കുട്ടികളുടെ സുരക്ഷയ്ക്ക് വേണ്ടി അടിസ്ഥാന സൗകര്യങ്ങള് ഉറപ്പു വരുത്താന് ആര്ക്കും താല്പര്യവുമില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha