പാമ്പു കടിയേറ്റ് മരിച്ചെന്നു കരുതിയ ഭര്ത്താവ് തിരിച്ചെത്തിയപ്പോള് ഭാര്യ സഹോദരന്റെ ഭാര്യയായി
പാമ്പു കടിയേറ്റു മരിച്ചെന്നു കരുതിയ യുവാവ് തിരിച്ചെത്തിയപ്പോള് ഭാര്യയെ സ്വന്തം സഹോദരന് വിവാഹം കഴിച്ചിരിക്കുന്നു. ഉത്തര്പ്രദേശിലെ സ്വദേശിയായ ഛത്രപാലിനാണ് ഇങ്ങനെയൊരു അവസ്ഥ കൈവന്നിരിക്കുന്നത്.
ഛത്രപാലിന് 11 വര്ഷങ്ങള്ക്കു മുമ്പാണ് പാമ്പു കടിയേറ്റത്. ഇയാള് മരിച്ചെന്നു കരുതി ബന്ധുക്കള് മതാചാര പ്രകാരരം മൃതദേഹം കടലില് ഒഴുക്കുകയും ചെയ്തു. കടലിലൂടെ ഒഴുകി മറ്റൊരു കരയില് എത്തിയ ഛത്രപാലിന് ജീവന് തിരിച്ചുകിട്ടിയെങ്കിലും ഓര്മ്മ ശക്തി നഷ്ടപ്പെട്ടിരുന്നു. അതിനുശേഷം ഇയാള് പലയിടത്തായി അലയുകയായിരുന്നു. ഇതിനിടെ ഇയാളുടെ ഭാര്യ ഊര്മ്മിള വീട്ടുകാരുടെ നിര്ബന്ധത്തിന് വഴങ്ങി ഛത്രപാലിന്റെ സഹോദരനെ വിവാഹം കഴിക്കുകയും ചെയ്തു.
പെട്ടെന്നൊരു ദിവസം ഭര്ത്താവ് മുമ്പില് വന്നപ്പോള് ആരെ സ്വീകരിക്കണം എന്ന ആശയക്കുഴപ്പത്തിലാണ് ഊര്മ്മിള. അതേ സമയം കുടുംബത്തിലെ കാരണവന്മാര് ഇക്കാര്യത്തില് തീരുമാനമെടുക്കട്ടെ എന്നാണ് ഛത്രപാലിന്റെയും സഹോദരന്റെയും തീരുമാനം.
https://www.facebook.com/Malayalivartha