40 കാരിയെ ബലാത്സംഗം ചെയ്യാന് 18 കാരനും കൂട്ടാളിയും, നടക്കാത്തതിനാല് ആറ്റില് മുക്കി, കല്ലുകൊണ്ട് തലയ്ക്കിടിച്ചു, വീട്ടമ്മയുടെ നില ഗുരുതരം
തിരുവനന്തപുരം വെഞ്ഞാറമൂട്ടില് 40 കാരി വീട്ടമ്മയെ 18 കാരനും കൂട്ടാളിയും ചേര്ന്ന് ബലാത്സംഗം ചെയ്യാന് ശ്രമിച്ചു. വാമനപുരം നദിയിലെ കുറ്ററ കടവില് ഇന്നലെ രാവിലെയാണ് സംഭവം. വാമനപുരം കരുവയലില് വീട്ടു ജോലിക്ക് പോകാനായി കുറ്ററ കടവിന്റെ മറുകരയില് എത്തിയപ്പോഴാണ് പൊന്തക്കാട്ടില് പതുങ്ങിയിരുന്ന അന്വറും കൂട്ടാളിയും വീട്ടമ്മയുടെമേല് ചാടി വീണത്. പിടിവലിക്കിടെ ആറ്റില് വീണ വീട്ടമ്മയെ മുക്കിക്കൊല്ലാനുള്ള ശ്രമവും നടത്തി. ബോധം നഷ്ടപ്പെട്ടെന്ന് കരുതി കരയില് വലിച്ചിട്ട് വീണ്ടും പീഡിപ്പിക്കാന് ശ്രമിച്ചു. ഇതിനിടെ ബോധം തിരിച്ചുകിട്ടിയ വീട്ടമ്മ നിലവിളിച്ചതോടെ പാറക്കല്ല് കൊണ്ട് വീട്ടമ്മയുടെ തലയ്ക്കടിച്ചു. നിലവിളി കേട്ട് നാട്ടുകാര് ഓടിവരുന്നത് കണ്ട അക്രമികള് കടന്നു കളഞ്ഞു.
അവശ നിലയിലായ വീട്ടമ്മയെ നാട്ടുകാര് വെഞ്ഞാറമൂട് ഗോകുലം ആശുപത്രിയില് പ്രവേശിപ്പിച്ചു. നില ഗുരുതരമായതിനെ തുടര്ന്ന് വീട്ടമ്മയെ ഉച്ചയോടെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചു.
രണ്ട് മാസം മുമ്പ് ഇതേ യുവാവ് ഈ വീട്ടമ്മയോട് അപമര്യാദയായി പെരുമാറുകയും ഇവര് ഇക്കാര്യം യുവാവിന്റെ ബന്ധുക്കളോട് പറയുകയും ചെയ്തിരുന്നു.
ഇതിനിടെ പ്രതികളെ പിടികൂടണമെന്നാവശ്യപ്പെട്ട് നൂറോളം ബിജെപി പ്രവര്ത്തകര് വെഞ്ഞാറമൂട് പോലീസ് സ്റ്റഷനിലേക്ക് മാര്ച്ച് നടത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha