എന് . രൂപ -ജാക്കികളിലെ വനിതാസാന്നിധ്യം
പുരുഷന്മാരുടെ മാത്രം കുത്തകയെന്ന് കരുതിയിരുന്ന 'ജാക്കി'യെന്ന സ്ഥാനത്ത് ഒരു വനിതാസാന്നിധ്യം. ഊട്ടിയില് നടന്ന കുതിരപ്പന്തയങ്ങളില് ജാക്കിയായെത്തിയ എന്. രൂപയെന്ന രൂപ കൗള് ഏവരുടെയും ശ്രദ്ധ പിടിച്ചുപറ്റി. രാജസ്ഥാനിലെ ജയ്പുര്ക്കാരിയാണെങ്കിലും ചെന്നൈയില് സ്ഥിരതാമസമായി പരിശീലനം നേടുകയായിരുന്നു, ഈ 32-കാരി. പാരമ്പര്യമായി രൂപയുടെ കുടുംബത്തിന് കുതിരപ്പന്തയവുമായി ബന്ധമുണ്ട്.
മുത്തച്ഛനായ ഉദയ്സിങ് ബ്രിട്ടീഷുകാരുടെ കാലത്ത് ഊട്ടിയില് അവരുടെ കുതിരകളെ പരിപാലിക്കുകയും പോണ്ടിക്കുതിരകളുടെ പന്തയമത്സരങ്ങളില് പങ്കെടുക്കുകയും ചെയ്തിരുന്നു. പിതാവ് നട്വര് സിങ് അറിയപ്പെടുന്ന ജാക്കിയാണ്. ഇപ്പോള് മൈസൂര് റെയ്സ് ക്ലൂബ്ബില് സജീവമായുണ്ട്. രൂപയുടെ സഹോദരനായ രവീന്ദ്രസിങ് ഇന്ത്യയിലെ പല റെയ്സ് ക്ലൂബ്ബുകളിലും ജാക്കിയായി വിജയം കരസ്ഥമാക്കിയിട്ടുണ്ട്.
എം.എ, എം.ഫില്, എംബി.എ. എന്നീ ബിരുദാനന്തരബിരുദങ്ങള് കരസ്ഥമാക്കിയ രൂപ, ആദ്യം മൈസൂരില് കെ.എസ്. മന്തനയുടെ കീഴില് ജാക്കിയായി ജോലിചെയ്തു. കഴിഞ്ഞ മൂന്ന് വര്ഷമായി എം.എ.എം. രാമസ്വാമിയുടെ കുതിരകളുടെ സാരഥിയായി.
3000-ത്തില്പ്പരം കുതിരപ്പന്തയങ്ങളില് പങ്കെടുത്ത രൂപ 550 മത്സരങ്ങളില് ഒന്നാംസ്ഥാനം നേടിയിട്ടുണ്ട്. പത്ത് ക്ലൂസിക്കല് റെയ്സില് പങ്കെടുത്തതോടൊപ്പം, വിവിധ കപ്പുകളും ട്രോഫികളും കരസ്ഥമാക്കി. ഭര്ത്താവ് രാംസിങ് ഷെഖാവത്ത് ആതുരശുശ്രൂഷാരംഗത്ത് പ്രവര്ത്തിക്കുന്നു.
https://www.facebook.com/Malayalivartha