ചന്ദ്രനിലെ വസ്തു വിറ്റു; സെയില്സ്മാന് നേടിയത് 11 ദശലക്ഷം ഡോളര്
കേള്ക്കുമ്പോള് കൗതുകമായിട്ടു തോന്നും. ചന്ദ്രന്റെ ഉടമസ്ഥാവകാശം കയ്യിലുണ്ടെന്ന് അവകാശപ്പെടുന്ന കാര് സെയില്സ്മേന് അവിടുത്തെ വസ്തു വില്പ്പനയിലൂടെ നേടിയത് 11 ദശലക്ഷം ഡോളര്. ഡെന്നീസ് ഹോപ്പ് എന്ന 66 കാരനാണ് ഏക്കറു കണക്കിന് സ്ഥലം മുറിച്ചു പലര്ക്കായി വില്പ്പന നടത്തിയത്.
ആറ് ദശലക്ഷം കസ്റ്റമേഴ്സ് ഇയാളുമായി വസ്തു ഇടപാട് നടത്തി. 1967 യു എന് ഔട്ടര് സ്പേസ് ഉടമ്പടി ചൂഷണം ചെയ്താണ് വസ്തു വില്പ്പന നടത്തിയത്. ഇയാളുടെ ഇടപാടുകാരുടെ പേര് കേട്ടാല് ഞെട്ടും. ഹോളിവുഡ് സൂപ്പര്താരങ്ങളായ ടോം ക്രൂയിസ്, അഭിനയ പ്രതിഭ ടോം ഹാങ്ക്സ്, ക്ളിന്റ് ഈസ്റ്റ്വുഡ്, സ്റ്റാര്വാര്സ് നിര്മ്മാതാവ് ജോര്ജ്ജ് ലൂക്കാസ് തുടങ്ങിയവരൊക്കെയാണ്.
ഏക്കറിന് ഇരുപതോ ഇരുപത്തഞ്ചോ ഡോളറിന് വില്പ്പന നടത്തുകയായിരുന്നു. പ്രസിഡന്റ്സ് റീഗന്, കാര്ട്ടര്, ബുഷ് ജൂനിയര് എന്നിവരും വസ്തു മേടിച്ചവരിലുണ്ട്. ഹില്ട്ടന്, മാരിയറ്റ് എന്നീ കമ്പനികളും നിക്ഷേപം നടത്തിയിട്ടുണ്ട്. ചന്ദ്രനില് തനിക്കുള്ള അവകാശം കാണിച്ച് ഹോപ്സ് യു എന്നിന് കത്ത് നല്കിയെങ്കിലും അവര് ഒരു മറുപടിയും നല്കാത്തതിനാല് ചന്ദ്രനിലെ ധാതു ലവണങ്ങളുടെ അവകാശവും തനിക്കാണെന്നാണ് ഹോപ്സിന്റെ അവകാശവാദം.
ഹോപ്പിന് ചന്ദ്രനില് സ്വന്തം സംസ്ഥാനം വരെയുണ്ട്. സ്വന്തമായി ഭരണഘടനയും ഗവണ്മെന്റുമുണ്ട്. വസ്തു നേടിയിട്ടുള്ളവര്ക്ക് ഭാവിയില് നടക്കുന്ന തെരഞ്ഞെടുപ്പില് വോട്ടവകാശം നല്കുന്ന പ്രത്യേക സര്്ടിഫിക്കറ്റും നല്കിയിട്ടുണ്ട്. അതേസമയം സോളാര് സിസ്റ്റത്തിലെ മറ്റ് ഗ്രഹങ്ങള്ക്കും ഇയാള് അവകാശം പറയുന്നുണ്ട്.
https://www.facebook.com/Malayalivartha