നായ്ക്കള്ക്കും അസൂയയുണ്ടാകും
മനുഷ്യനെ പോലെ നായ്ക്കള്ക്കും അസൂയ ഉണ്ടാകാമെന്ന് പുതിയ പഠനത്തില് തെളിഞ്ഞിരിക്കുന്നത്. സിസാന്ഡിയാഗോയിലുള്ള കലിഫോര്ണിയ സര്വകലാശാലയിലെ ക്രിസ്റ്റീന് ഹാരിസിന്റെ നേതൃത്വത്തിലുള്ള സംഘമാണ് നായ്ക്കളിലെ അസൂയയെക്കുറിച്ചു പഠനം നടത്തിയത്. 36 നായ്ക്കളെയും ഉടമസ്ഥന്മാരെയും നിരീക്ഷിച്ചാണ് സംഘം ഇത്തരമൊരു നിഗമനത്തിലെത്തിയത്. ഉടമസ്ഥരെ മൂന്ന് സാഹചര്യങ്ങളിലായിട്ടാണ് സംഘം പഠനം നടത്തിയത്. സ്വന്തം നായയെ അവഗണിച്ച് കളിപ്പാട്ട നായ്ക്കളോട് സ്നേഹത്തോടെ ഇടപെടുക, പ്ലാസ്റ്റിക് മത്തങ്ങയുമായി കളിക്കുക, പുസ്തകം വായിക്കുക എന്നിങ്ങനെയായിരുന്നു നിരീക്ഷണം. ഉടമസ്ഥര് അവഗണിക്കുമ്പോള് നായ്ക്കളുടെ പ്രതികരണം ഇതിലൂടെ ശ്രദ്ധിക്കാനായി.
80 ശതമാനത്തോളം നായ്ക്കള് ഉടമസ്ഥര് കളിപ്പാട്ടത്തോട് ഇടപെടുമ്പോള് ഉടമസ്ഥന്റെ കാലില് ഇടയ്ക്കൊക്കെ മണപ്പിച്ച് നില്ക്കുകയും നക്കുകയും ചെയ്തു. ഉടമസ്ഥന് മത്തങ്ങയുമായി കളിക്കുമ്പോള് കുറച്ചുകൂടി കൂടുതലായി ഇതേ പ്രവൃത്തി തന്നെ ചെയ്തു. ഇനി അയാള് നായയെ പാടെ അവഗണിച്ച് പുസ്തകം വായിക്കുകയാണെങ്കില് നാലിരട്ടിയോളം തവണയാണ് തങ്ങളിലേക്ക് ശ്രദ്ധയാകര്ഷിക്കാന് നായ്ക്കള് ശ്രമിക്കുന്നത്.
ചില നായ്ക്കള് കളിപ്പാട്ടം കടിച്ചെടുക്കാന് നോക്കി. അതുമായി കളിക്കാന് ഉടമസ്ഥന് ശ്രമിക്കുമ്പോള് കുരയ്ക്കുകയും വാലാട്ടിക്കാണിക്കുകയും ചെയ്തു. ഉടമസ്ഥന്റെ ശ്രദ്ധ ആകര്ഷിക്കാനാണ് നായ്ക്കള് ഇങ്ങനെയൊക്കെ ചെയ്യുന്നത്.
https://www.facebook.com/Malayalivartha