മൂന്നാറില് വീണ്ടും കാലം തെറ്റി നീലക്കുറിഞ്ഞി പൂത്തു
വര്ഷങ്ങളുടെ ഇടവേളകളില് മൂന്നാര് ടൗണിനടുത്ത് നീലക്കുറിഞ്ഞി പൂത്തു. മൂന്നാര് ടൗണില്നിന്നു കോളനിയിലേക്കു പോകുന്ന ഭാഗത്ത് കെഎസ്ഇബിയുടെ അധീനതയിലുള്ള സര്ക്കാര് ഭൂമിയിലാണ് ദൃശ്യവിരുന്നൊരുക്കി കുറിഞ്ഞി പൂത്തുനില്ക്കുന്നത്.
രണ്ടു മാസം മുമ്പ് മാട്ടുപ്പെട്ടി നെറ്റിമേട് ഭാഗത്തും, എല്ലപ്പെട്ടി, ചെണ്ടുവാര എസ്റ്റേറ്റിലെ ചില പ്രദേശങ്ങളിലും വിനോദസഞ്ചാരികള്ക്ക് പ്രിയങ്കരമായ ലോക്കാട് ഗ്യാപ് പ്രദേശത്തും ഒറ്റപ്പെട്ട നിലയില് കുറിഞ്ഞി പൂത്തിരുന്നു. ഇപ്പോള് പൂത്തിരിക്കുന്ന കുറിഞ്ഞി ഏകദേശം അമ്പത് ചെടിയോളമുണ്ട്. പ്രസ് ഇന്ഫര്മേഷന് ബ്യൂറോയുടെ നിഗമനത്തില് 2018 ലാണ് ഇനി കുറിഞ്ഞി പൂക്കുക. സ്ട്രോബിലാന്തസ് കുന്തിയാന എന്ന ശാസ്ത്രീയനാമത്തില് അറിയപ്പെടുന്ന നീലകുറിഞ്ഞി അക്കാന്തസിയ എന്ന ഇനത്തില് ഉള്പ്പെടുന്നവയാണ്. സമുദ്രനിരപ്പില് നിന്ന് 1600 മുതല് 2700 വരെ മീറ്റര് ഉയരമുള്ള പ്രദേശങ്ങളിലാണ് ഇവ പൂക്കുന്നത്. 2006 ല് കുറിഞ്ഞി വ്യാപകമായി പൂത്തപ്പോള് പറിച്ചു നട്ടുവച്ചിരുന്ന പല ചെടികളും ഇപ്പോള് പൂത്തു നില്ക്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha