പ്രകൃതി നിയമങ്ങളെ വെല്ലുവിളിച്ച് പാല് ചുരത്തുന്ന മുട്ടനാട്
അബുദാബിയിലെ അല്ഐന് എന്ന സ്ഥലത്തുള്ള മുട്ടനാട് പാല് ചുരത്തുന്നതു കണ്ട് മൃഗസ്നേഹികള് ആശ്ചര്യപ്പെടുന്നു. ദാഹറിനുടത്ത് ശിഹാബുല് ഗാഫിലെ നാസര് അലവിയുടെ ആടാണ് പ്രകൃതി നിയമങ്ങളെ പോലും വെല്ലുവിളിച്ച് മുന്തിയ ഇനം പാല് ചുരത്തി നല്കുന്നത്. എന്നാല് ലാബ് റിപ്പോട്ടുകള്ക്കു ശേഷമേ പാല് കുടിക്കാന് നല്കുവെന്ന തീരുമാനത്തിലാണ് നാസര്.
രണ്ടു മാസം മുമ്പാണ് മുട്ടനാടിന്റെ അകിട് വീര്ത്തു വന്നതും പാല് ചുരത്തി തുടങ്ങിയതും. മൂന്ന് വര്ഷം മുമ്പ് അല്ഐനിലെ കാലിചന്തയില് നിന്നാണ് നാസര് ഈ ആടിനെ വാങ്ങിയത്. 3,000 ദിര്ഹമായിരുന്നു വില. ലക്ഷണമൊത്ത മുട്ടനാടിനെ ഇണചേരലിനായാണ് കൊണ്ടു വന്നത്.
പാലിന് സാധാരണ നിറവും ഗുണവും തന്നെയാണുള്ളത്. വിശദമായ പരിശോധനയ്ക്കായി ലാബോറട്ടിയെ സമീപിച്ചിരിക്കുകയാണ് അദ്ദേഹം. ഇരുന്നൂറോളം ആടുകളാണ് നാസറിന്റെ ഫാമിലുള്ളത്.
https://www.facebook.com/Malayalivartha