പുകവലി നിര്ത്താന് ഇലക്ട്രോണിക് സിഗററ്റോ? ഇ-സിഗററ്റില്മേല് നിയന്ത്രണം ഏര്പ്പെടുത്തണമെന്ന് ലോകാരോഗ്യസംഘടന
ഇലക്ട്രോണിക് സിഗററ്റുകളുടെ ഉപയോഗം ആരോഗ്യത്തിന് ഹാനികരമാണെന്ന് ശാസ്ത്രീയമായി തെളിയിക്കപ്പെട്ടിട്ടില്ലെങ്കിലും, ദോഷകരമായ സ്വാധീനത്തിന് ഇടയുണ്ടെങ്കില് അതു തടയുവാനുള്ള നിയന്ത്രണങ്ങള് കൊണ്ടു വരണമെന്ന് ലോകാരോഗ്യ സംഘടന. ഈ ഉപകരണത്തിന്റെ ആഭ്യന്തര ഉപയോഗം നിരോധിക്കുക എന്നതാണ് പ്രധാനമായി നടപ്പാക്കേണ്ട നിയന്ത്രണം. ഓഗസ്റ്റ് 26-ന് ലോകാരോഗ്യസംഘടന പ്രസിദ്ധീകരിച്ച ഏറ്റവും പുതിയ റിപ്പോര്ട്ടിലാണ് ഇലക്ട്രോണിക് സിഗററ്റുകളുടെ വ്യാപനത്തെപ്പറ്റി വിവരിച്ചിട്ടുള്ളത്.
ഇ-സിഗററ്റിറ്റിന്റെ ലോകമെങ്ങും പടര്ന്നു പിടിക്കുകയാണ്. നിക്കോട്ടിന് ചേര്ത്ത ലായനിയെ ചൂടാക്കിയ കമ്പിച്ചുരുള് ഉപയോഗിച്ച് സ്വാദീകരിച്ചു ഒരു ബാഷ്പപടലമുണ്ടാക്കുന്നു. ഈ ബാഷ്പപടലം ശ്വസിക്കുന്നയാള്ക്ക് പുകവലിക്കുമ്പോളുണ്ടാകുന്ന സംതൃപ്തി ലഭിക്കുകയുമാണ് ഇ-സിഗററ്റില് ചെയ്യുന്നത്.
കഴിഞ്ഞ 9 വര്ഷം കൊണ്ട് 400 വ്യത്യസ്ത ബ്രാന്ഡുകളുളള 3-ബില്ല്യന് ഡോളറിന്റെ വ്യവസായമായി മാറിക്കഴിഞ്ഞു ഇ-സിഗററ്റ് മേഖല. ഇ- സിഗററ്റുകള് ലഹരിമരുന്നുകള്ക്കു പകരമുള്ള മറ്റൊരു പരീക്ഷണമായി മാറുന്നു. വിവിധ രുചികള്, വിവിധ ബ്രാന്ഡുകള് എന്നിവയെല്ലാം ഇ- സിഗററ്റുകള് പരീക്ഷിച്ചു നോക്കുവാനുളള ആകാംക്ഷ കുട്ടികളിലും കൗമാരക്കാരിലുമുണ്ടാകുന്നു.
ഇ-സിഗററ്റുകള് പുകവലി നിര്ത്തുന്നതിന് ഫലപ്രദമായ ഉപകരണമാണെന്നായിരുന്നു നിര്മ്മാതാക്കളുടെ വാദം. എന്നാല് ഇത് തെളിയിക്കപ്പെടാത്തതിനാല് ലോകാരോഗ്യ സംഘടന ഇതിനെ ശക്തമായി എതിര്ക്കുന്നു.
പുകയില ഉല്പന്നങ്ങളെ നിരീക്ഷിക്കുന്നതു പോലെ തന്നെ ജാഗ്രതയോടെ ഇ-സിഗററ്റുകളേയും നിരീക്ഷിക്കണമെന്നും ലോകാരോഗ്യ സംഘടന പറയുന്നു. പ്രായപൂര്ത്തി ആകാത്തവര്ക്ക് ഇതിന്റെ വില്പന തടയണമെന്നും, പാക്കേജിംഗില് ഇവ ആരോഗ്യത്തിന് ഹാനികരം എന്ന് രേഖപ്പെടുത്തണമെന്നും പറയുന്നു.
ഇ-സിഗററ്റിന്റെ ബാഷ്പപടലം വെറും നീരാവി മാത്രമല്ലെന്ന് ലോകോരോഗ്യസംഘടന നിരീക്ഷിച്ചു. വിപണിയില് ലഭ്യമാകുന്ന ഉപകരണങ്ങളില് മിക്കവയിലും വിഷാംശം അടങ്ങിയിട്ടുണ്ടെന്നും വിലയിരുത്തി.
പുകവലി ഉപേക്ഷിക്കാനാഗ്രഹിക്കുന്നവര്, ഇ-സിഗററ്റിലേയ്ക്കു തിരിയുന്നതിനു മുന്പ് ഫലപ്രദമെന്ന് തെളിയിക്കപ്പെട്ടിട്ടുളള നിക്കോട്ടിന് ഗം-പോലുളള മാര്ഗ്ഗങ്ങള് അവലംബിക്കുകയാണു വേണ്ടതെന്ന് ലോകാരോഗ്യസംഘടന ശുപാര്ശ ചെയ്യുന്നു.
ഇ- സിഗററ്റ് ഇന്ന് അമേരിക്ക പോലുള്ള മിക്ക രാജ്യങ്ങളും നേരിടുന്ന പ്രധാന ആരോഗ്യ വെല്ലുവിളിയാണ്. നിയന്ത്രണമില്ലാതെ പ്രായഭേദമന്യേ ഇ- സിഗററ്റുകള് വാങ്ങാന് കഴിയുന്നതാണ് ഏറ്റവും വലിയ ദോഷം. കുറഞ്ഞ പക്ഷം കുട്ടികള്ക്കും ചെറുപ്പക്കാര്ക്കും ഇത് വില്ക്കാന് പാടില്ല എന്ന നിയമം കൊണ്ടു വരാനാണ് മിക്ക രാജ്യങ്ങളും ശ്രമിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha