പൊന്നിന് ചിങ്ങമാസത്തിലെ ഓണത്തെ വരവേല്ക്കാന് പൂക്കളങ്ങളൊരുങ്ങി
മലയാളികളുടെ മനസ്സില് തിരുവോണനാളുകളുടെ ഓര്മ്മകള് നിറച്ചു കൊണ്ട് ഇന്ന് അത്തച്ചമയത്തിന് തുടക്കം കുറിച്ചു. ഇനി 10 ദിവസം കഴിഞ്ഞാല് പൊന്നിന് തിരുവോണം പൂത്തുലയും. കേരളത്തിന്റെ ദേശീയ ഉത്സവത്തിന് തുടക്കം കുറിച്ചു കൊണ്ട് നാടെങ്ങും പൂക്കളങ്ങളൊരുങ്ങി.
നാടെങ്ങും ഉത്സവതിമിര്പ്പിലാണ്. മറു നാടുകളില് നിന്നും കൊണ്ടു വരുന്ന പൂക്കളും സ്വന്തമായി നട്ടുവളര്ത്തിയ പൂക്കളുമെല്ലാം ചേര്ത്ത് കുഞ്ഞുങ്ങള് തൊട്ട് മുതിര്ന്നവര് വരെ ഈ പൂക്കളമൊരുക്കാന് ഒത്തു ചേരുന്നു.
വീടുകളില് മാത്രമല്ല പൂക്കളം ഒരുക്കുന്നത് സര്ക്കാര് ഓഫീസുകളിലും വിദ്യാലയങ്ങളിലും നാട്ടുകവലകളിലും എല്ലായിടത്തും കാണാം. റോഡിലേക്കിറങ്ങിയാല് എവിടെ നോക്കിയാലും ഓണത്തെ വരവേല്ക്കാനായി പൂക്കളമിടുന്ന കാഴ്ചയേ കാണാനുള്ളൂ. കാലവര്ഷം വളരെ ബുദ്ധിമുട്ടുണ്ടാക്കുന്നെങ്കിലും അതൊന്നും വകവയ്ക്കാതെ പൂക്കളമൊരുക്കുകയാണ് കേരളീയര്. പൂവിളികളും ഊഞ്ഞാല് പാട്ടുകളും ഉത്സവമേളവുമൊക്കെ നിറഞ്ഞു നിന്ന പണ്ടത്തെ വീട്ടുമുറ്റങ്ങളെ ഓര്മ്മയാക്കി കൊണ്ടാണ് ഇക്കുറിയും അത്തനാളുകള് കടന്നു വന്നത്.
പലവവിധത്തിലുള്ള മേളകളും ഓഫറുകളുമായി വിപണികളും സജീവമായിട്ടുണ്ട്. ഓണത്തെ വരവേല്ക്കാനായി ഓണക്കാലത്ത് വഴിയോരകച്ചവടങ്ങളും പൊടിപൊടിക്കുന്നുണ്ട്. വിവിധ കമ്പനികളും ആവേശത്തോടെയുള്ള കച്ചവടമാണ് നടത്തുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha