നിങ്ങള് ഏഴുപേരില് ഒരാളാണോ? സൂക്ഷിക്കണം
ശരിയായ ഉറക്കം കിട്ടിയില്ലെങ്കില് അത് നിങ്ങളുടെ മനസമാധാനം കെടുത്തുമെന്ന് പഠനം. ഏഴുപേരില് ഒരാള് ഇത്തരത്തില് ബുദ്ധിമുട്ട് അനുഭവിക്കുന്നുണ്ട്. ശരിയായ ഉറക്കം കിട്ടാതെ ഉണരുന്നവര് മൊബൈല് ഫോണിലെ അലാറം ഓഫ് ചെയ്യുന്നതിന് പകരം കോള് അറ്റന്ഡ് ചെയ്യും. സ്റ്റാന്ഫോര്ഡ് സര്വകലാശാലയാണ് 19136 പേരില് ഗവേഷണം നടത്തിയത്. ഉറക്കക്കുറവാണ് പഠനവിഷയം. ഇന്ത്യന് നഗരങ്ങളിലാണ് ഏറ്റവുമധികം ഉറക്ക രോഗക്കാരെ കണ്ടെത്തിയത്. ഇന്ത്യന് ജനതയുടെ ജീവിതശൈലി തന്നെയാണ് ഉറക്കകുറവിനുള്ള പ്രധാന കാരണം. ഓഫീസില് നിന്നും വീട്ടിലേക്കും വീട്ടില് നിന്നും ഓഫീസിലേക്കുമുളള നിരന്തരയാത്രകളും ശരിയായ ഉറക്കത്തെ ബാധിക്കുന്നുണ്ട്. ഒന്പതു മണിക്കൂറാണ് ഒരു ശരാശരി ഇന്ത്യാക്കാരന് ഓഫീസില് ചിലവഴിക്കുന്ന സമയം. ശരീരത്തെ മാത്രമല്ല ഉറക്കകുറവ് മനസിനെയും ബാധിക്കുന്നതായി പഠനത്തില് പറയുന്നു.
യോഗയും റിലാക്സേഷന് തെറാപിയുമാണ് ഉറക്കക്കുറവ് നേരിടാനുള്ള ഏറ്റവും ഫലപ്രദമായ മാര്ഗ്ഗം. വീട്ടിലെത്തിയാലുടന് ഓഫീസിനോട് ഗുഡ്ബൈ പറയണമെന്നും വിദഗ്ദ്ധര് പറയുന്നു. ചായയുടെയും കാപ്പിയുടെയും അമിതോപയോഗം അവസാനിപ്പിക്കണം. രാത്രി താമസിച്ച് ഉറങ്ങരുത്. അര്ദ്ധരാത്രി കഴിഞ്ഞുള്ള ഉറക്കം ഇന്ത്യയില് സാധാരണമാണ്. രാത്രിവൈകിയും ടെലിവിഷനും കമ്പ്യൂട്ടറിനും മുമ്പിലിരിക്കരുതെന്നും വിദഗ്ദ്ധര് പറയുന്നു. മൊബൈലിന് മുമ്പിലിരുന്നും രാത്രികാലങ്ങളില് സമയം കളയരുത്.
ഉറക്കം കുറഞ്ഞാല് അത് മാനസിക സമ്മര്ദ്ദത്തിലെത്തുമെന്നും ഗവേഷകര് പറയുന്നു. അങ്ങനെ സംഭവിച്ചാല് രോഗാതുരമായ അവസ്ഥയില് നിന്നും കരകയറണമെങ്കില് മരുന്നിനെ കൂട്ടുപിടിക്കേണ്ടിവരും. ഉറക്കകുറവ് നേരിടുന്നവരെ മനസിലാക്കാനുള്ള എളുപ്പവഴി, അലാറം കേള്ക്കുമ്പോള് ഫോണ് അറ്റന്ഡ് ചെയ്യുന്നു എന്നതാണ്. ഉറക്കമുണര്ന്നാലും ഇവര്ക്ക് സമനില കിട്ടുകയില്ല. ദീര്ഘനേരം ഇവര് ഉറക്കച്ചടവില് കഴിച്ചുകൂട്ടും.
ഉറക്കകുറവ് അനുഭവിക്കുന്ന 84 % പേരില് മാനസികാസ്വാസ്ഥ്യം കണ്ടു വരുന്നതായും പഠനത്തില് പറയുന്നു. ഇവര് ഉറക്കത്തിനുവേണ്ടി ഗുളികകളെ ആശ്രയിക്കുന്നുണ്ട്. ഒരു ശതമാനത്തിന് താഴെയുള്ളവരില് ഉറക്കകുറവിന് പ്രത്യേക കാരണമൊന്നും കണ്ടെത്തിയിട്ടില്ല. ഉറക്കത്തിനു മുമ്പ് പാട്ടു കേള്ക്കുന്നത് നല്ല ഉറക്കം കിട്ടാന് സഹായിക്കുമെന്നും പഠനത്തില് പറയുന്നു.
ഉറക്കത്തെ പ്രതിരോധിക്കാന് ശ്രമിക്കുന്ന ചിലരുമുണ്ട്. പ്രമുഖ രാഷ്ട്രീയ നേതാക്കള് ആറു മണിക്കൂറില് താഴെ മാത്രമാണ് ഉറങ്ങുന്നത്. ഇത്തരക്കാര് കൂടുതല് ക്രീയാത്മകമായി കാര്യങ്ങള് നടത്തുന്നു. അതെങ്ങനെയാണെന്ന് പലര്ക്കും മനസിലായിട്ടില്ല. എന്നാല് സാധാരണക്കാര് ഉറക്കമൊഴിയാതിരിക്കുന്നത് തന്നെയാണ് അവരുടെ തടിക്ക് ഉത്തമം. ഉറക്കെ പോയാല് തടികേടാകുമെന്ന് ചുരുക്കം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha