ഓഹരി വിപണിയില്‍ തകര്‍ച്ചയോടെ തുടക്കം.... നിഫ്റ്റി 17,000ന് താഴെയെത്തി. സെന്‍സെക്സ് 808 പോയന്റ് നഷ്ടത്തില്‍ 56,683ലും നിഫ്റ്റി 232 പോയന്റ് താഴ്ന്ന് 16,917ലുമാണ് വ്യാപാരം ആരംഭിച്ചത്.

ആഗോള കാരണങ്ങളാണ് ചൊവാഴ്ചയിലെയും ഇടിവിനുപിന്നില്‍. ഏഷ്യന്‍ പെയിന്റ്സ്, വിപ്രോ, ഡിവീസ് ലാബ്, എച്ച്സിഎല്‍ ടെക്നോളജീസ്, ബജാജ് ഫിന്‍സര്‍വ് തുടങ്ങിയ ഓഹരികളാണ് പ്രധാനമായും നഷ്ടത്തില്‍. ആക്സിസ് ബാങ്ക്, ഭാരതി എയര്‍ടെല്‍, പവര്‍ഗ്രിഡ് കോര്‍പ് തുടങ്ങിയ ഓഹരികള്‍ നേട്ടത്തിലുമാണ്. സെക്ടറല്‍ സൂചികകളെല്ലാം നഷ്ടത്തിലാണ്.

നാസ്ദാക്ക് ഉള്‍പ്പടെയുള്ള യുഎസ് സൂചികകളിലെ തകര്‍ച്ചയാണ് ആഗോളതലത്തില്‍ വിപണിയെ ബാധിച്ചത്. യുഎസ് ഫെഡറല്‍ റിസര്‍വിന്റെ നിരക്കുവര്‍ധന തീരുമാനംതന്നെയാണ് ഇടിവിന് കാരണം.