മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):

ദീർഘകാലമായി അലട്ടിയിരുന്ന രോഗാവസ്ഥകളിൽ നിന്ന് പൂർണ്ണ മോചനം ലഭിക്കുന്ന ദിവസമാണിത്. ആരോഗ്യം വീണ്ടെടുക്കുന്നതിലൂടെ ഉന്മേഷവും പ്രവർത്തനക്ഷമതയും വർദ്ധിക്കും. ജീവിതത്തിന്റെ വിവിധ മേഖലകളിൽ പുതിയ ഉൾക്കാഴ്ചകൾ ലഭിക്കാൻ സാഹചര്യമൊരുങ്ങും.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):

ഔദ്യോഗിക രംഗത്ത് ഉന്നത സ്ഥാനങ്ങളിൽ ഇരിക്കുന്നവർ അതീവ ജാഗ്രത പുലർത്തേണ്ട ദിവസമാണ്. അനാവശ്യമായ ആരോപണങ്ങളോ അന്വേഷണങ്ങളോ നേരിടേണ്ടി വന്നേക്കാം. ഇത് സാമൂഹികമായ അപമാനത്തിന് കാരണമായേക്കാമെന്നതിനാൽ എല്ലാ ഇടപാടുകളിലും സുതാര്യത ഉറപ്പുവരുത്തുക.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):

വ്യക്തിബന്ധങ്ങളിൽ ചില വിള്ളലുകൾ വീഴാൻ സാധ്യതയുള്ള ദിവസമാണ്. ദീർഘകാല സുഹൃത്തുക്കളുമായി അകൽച്ചയോ തർക്കങ്ങളോ ഉണ്ടായേക്കാം. ശത്രുക്കളിൽ നിന്നുള്ള ശല്യം വർദ്ധിക്കാൻ ഇടയുള്ളതിനാൽ കരുതലോടെ നീങ്ങുന്നത് നന്നായിരിക്കും.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):

തൊഴിൽ വിജയവും സർവ്വകാര്യ സിദ്ധിയും ഉണ്ടാകുന്ന ശുഭദിനമാണിത്. പഴയ സുഹൃത്തുക്കളെയോ ബന്ധുക്കളെയോ കണ്ടുമുട്ടാൻ അവസരം ലഭിക്കും. അവരോടൊപ്പം ഉല്ലാസയാത്രകൾക്കോ പുണ്യസ്ഥല സന്ദർശനത്തിനോ സാഹചര്യമൊരുങ്ങും.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം):

അസാമാന്യമായ ചിന്താശക്തിയും ധൈര്യവും പ്രകടിപ്പിക്കുന്ന ദിവസമാണിത്. എല്ലാ കാര്യങ്ങളിലും പോസിറ്റീവായ ഇടപെടലുകൾ വഴി വിജയം കൈവരിക്കും. വാഹന ഭാഗ്യം, നല്ല സുഹൃത്തുക്കളുടെ സഹായം, മികച്ച ഭക്ഷണ സുഖം എന്നിവ ഇന്ന് ലഭിക്കും.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):

സാമ്പത്തിക ഇടപാടുകളിൽ അതീവ ശ്രദ്ധ ആവശ്യമാണ്. അല്ലാത്തപക്ഷം മാനഹാനിക്കും അപവാദങ്ങൾക്കും ഇരയാകാൻ സാധ്യതയുണ്ട്. അടുത്ത ബന്ധുക്കളുമായി കലഹങ്ങളോ അകൽച്ചയോ ഉണ്ടാകാതെ ശ്രദ്ധിക്കണം. അമിതമായ ആഡംബരം സാമ്പത്തിക ബുദ്ധിമുട്ടുകൾക്ക് വഴിവെച്ചേക്കാം.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):

പ്രിയപ്പെട്ടവരുടെ വിയോഗമോ അവർക്കുണ്ടാകുന്ന ശാരീരിക ബുദ്ധിമുട്ടുകളോ മനസ്സിനെ വേദനിപ്പിച്ചേക്കാം. എല്ലാ കാര്യങ്ങളിലും അമിതമായ ഉത്കണ്ഠ അനുഭവപ്പെടാൻ ഇടയുണ്ട്. നിസ്സാര കാര്യങ്ങളെ ചൊല്ലി ബന്ധുക്കളുമായി വാക്കുതർക്കങ്ങൾ ഉണ്ടാകാതെ നോക്കണം.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):

കൃഷി, പക്ഷി-മൃഗാദികളുടെ ബിസിനസ്സ് എന്നിവയിൽ ഏർപ്പെട്ടിരിക്കുന്നവർക്ക് വലിയ ലാഭം ലഭിക്കും. പുതിയ പങ്കാളിത്തങ്ങൾ ഗുണകരമാകും. ദീർഘകാലമായി ലഭിക്കാതിരുന്ന വസ്തുവകകൾ കൈവരാനോ ബാങ്ക് വായ്പകൾ അനുവദിക്കപ്പെടാനോ സാധ്യതയുണ്ട്.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):

സർക്കാർ സംബന്ധമായോ കുടുംബപരമായോ നിലനിൽക്കുന്ന കേസുകളിൽ തിരിച്ചടികൾ നേരിടാൻ സാധ്യതയുണ്ട്. മറ്റുള്ളവരെ സഹായിക്കാൻ താല്പര്യം കാണിക്കുമെങ്കിലും അത് പലപ്പോഴും ദോഷാനുഭവങ്ങളിലേക്ക് നയിച്ചേക്കാം എന്നതിനാൽ ശ്രദ്ധിക്കുക.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):

ജോലിയിൽ സ്ഥാനക്കയറ്റമോ ശമ്പള വർദ്ധനവോ പ്രതീക്ഷിക്കാവുന്ന ദിവസമാണിത്. തൊഴിൽ രഹിതർക്ക് അർഹമായ ജോലി ലഭിക്കാനും അതിൽ ശോഭിക്കാനും സാധിക്കും. വിലപിടിപ്പുള്ള സമ്മാനങ്ങൾ ലഭിക്കാനും സാധ്യത കാണുന്നു.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):

രോഗാദി ദുരിതങ്ങൾ അലട്ടാൻ സാധ്യതയുള്ളതിനാൽ ആരോഗ്യത്തിൽ ശ്രദ്ധിക്കുക. തെറ്റായ വഴികളിലേക്ക് നയിക്കപ്പെടുന്ന സാഹചര്യങ്ങൾ ഉണ്ടായേക്കാം, അത് ഒഴിവാക്കാൻ ശ്രമിക്കണം. ശത്രുശല്യവും നിയമപരമായ പ്രശ്നങ്ങളും പ്രതികൂലമായി ബാധിക്കാൻ ഇടയുണ്ട്.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):

സമൂഹത്തിലെ ശ്രേഷ്ഠ വ്യക്തികളെ നേരിൽ കാണാൻ അവസരം ലഭിക്കും. ഈ കൂടിക്കാഴ്ചകൾ കരിയറിലും സാമൂഹിക ജീവിതത്തിലും വലിയ നേട്ടങ്ങൾ ഉണ്ടാക്കാൻ സഹായിക്കും. പുതിയ ബന്ധങ്ങൾ ഗുണകരമായി ഭവിക്കും.

തയ്യാറാക്കിയത്: ജയറാണി ഇ. വി.

വിളിക്കുക: +91 9746812212

(പാരമ്പര്യ ജ്യോതിഷ കുടുംബാംഗമായ ജയറാണി, കഴിഞ്ഞ 25 വർഷത്തിലേറെയായി ജ്യോതിഷം, വാസ്തു, സംഖ്യാശാസ്ത്രം, ആചാര അനുഷ്ഠാനങ്ങൾ എന്നീ മേഖലകളിൽ വിശ്വസ്തമായ മാർഗ്ഗനിർദ്ദേശങ്ങൾ നൽകിവരുന്നു.)