മഞ്ജു വാര്യരുടെ പിറന്നാളാണ് സെപ്റ്റംബര്‍ 10ന്. ആരാധകരും താരങ്ങളുമെല്ലാം ലേഡി സൂപ്പര്‍ സ്റ്റാറിന് ആശംസ അറിയിച്ച്‌ രംഗത്തെത്തിയിട്ടുണ്ട്. ഫാന്‍സ് ഗ്രൂപ്പുകളിലെ വീഡിയോയും ചിത്രങ്ങളുമൊക്കെ ഇതിനകം തന്നെ തരംഗമായി മാറിയിരുന്നു. 41 ല്‍ എത്തിനില്‍ക്കുകയാണ് മഞ്ജു വാര്യര്‍. മുന്‍നിര സംവിധായകര്‍ക്കും താരങ്ങള്‍ക്കുമൊപ്പമെല്ലാം പ്രവര്‍ത്തിക്കാനുള്ള അവസരവും ഈ താരത്തിന് ലഭിച്ചിരുന്നു. ഇടക്കാലത്ത് സിനിമയില്‍ നിന്നും മാറിനിന്നിരുന്നുവെങ്കിലും ശക്തമായ തിരിച്ചുവരവാണ് താരം നടത്തിയത്. അതേസമയം സോഷ്യല്‍ മീഡിയയില്‍ നിറഞ്ഞുനില്‍ക്കുകയാണ് ദിലീപിന്റെയും മഞ്ജുവിന്റെയും മകൾ മീനാക്ഷി. ലാല്‍ ജോസിന്റെ മകളുടെ വിവാഹത്തിലും റിസപ്ക്ഷനിലും പങ്കെടുക്കാനായി താരപുത്രി എത്തിയിരുന്നു. ദിലീപിനൊപ്പമായിരുന്നു മീനൂട്ടി എത്തിയത്. വേറിട്ട മേക്കോവറുമായാണ് മീനൂട്ടി എത്തിയത്. താരപുത്രിയുടെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായി മാറിയിരുന്നു. മഞ്ജു വാര്യരെ കാണാനായി മീനാക്ഷി എത്തിയിരുന്നുവെന്ന തരത്തിലുള്ള റിപ്പോര്‍ട്ടുകളും പ്രചരിക്കുന്നുണ്ട്. ഹിമാചല്‍ പ്രദേശില്‍ കുരുങ്ങിയ അമ്മയെ രക്ഷിക്കുന്നതിനായി മകള്‍ അച്ഛനെ വിളിച്ചിരുന്നുവെന്നും അതേത്തുടര്‍ന്നാണ് ദിലീപ് ഇടപെട്ടതെന്നുമുള്ള വിവരങ്ങളും സോഷ്യല്‍ മീഡിയയിലൂടെ പ്രചരിക്കുന്നുണ്ട്. ദിലീപായിരുന്നു മഞ്ജു വാര്യരുടെ ആദ്യനായകന്‍. അദ്ദേഹത്തെയായിരുന്നു താരം വിവാഹം ചെയ്തതും. പ്രണയിച്ച്‌ വിവാഹിതരായ ഇരുവരും ഇടയ്ക്ക് വെച്ച്‌ വഴിപിരിയുകയായിരുന്നു. പരസ്പര സമ്മതത്തോടെയായിരുന്നു വിവാഹമോചനം. മകളായ മീനാക്ഷി അച്ഛനൊപ്പം പോവാനാണ് താല്‍പര്യമെന്നായിരുന്നു പറഞ്ഞത്.

ചെന്നൈയില്‍ എംബിബിഎസ് പഠനത്തിനായി പോയ താരപുത്രി അവധിയാഘോഷത്തിനായി തിരിച്ചെത്തിയിരിക്കുകയാണ് ഇപ്പോള്‍. ഇത്തവണ അമ്മയെ കാണാനായി മകളെത്തിയിരുന്നുവെന്നും ഇരുവരുടേയും ഓണാഘോഷം ഒരുമിച്ചാണെന്ന തരത്തിലുമുള്ള റിപ്പോര്‍ട്ടുകളുമൊക്കെ സോഷ്യല്‍ മീഡിയയിലൂടെ പ്രചരിക്കുന്നുണ്ട്. ചിത്രീകരണത്തിനായി പോയ മഞ്ജു വാര്യരും സംഘവും ഹിമാചല്‍ പ്രദേശില്‍ കുരുങ്ങിയപ്പോള്‍ സഹായം ആവശ്യപ്പെട്ട് ദിലീപ് തന്നെ സമീപിച്ചിരുന്നുവെന്ന് ഹൈബി ഈഡന്‍ വ്യക്തമാക്കിയിരുന്നു. വിവാഹമോചനത്തിന് ശേഷവും അടുത്ത സൗഹൃദം സൂക്ഷിക്കുന്നവരാണ് ബോളിവുഡ് താരങ്ങള്‍. അതേ നയം തന്നെയാണ് ദിലീപും സ്വീകരിച്ചതെന്ന തരത്തിലുള്ള റിപ്പോര്‍ട്ടുകളും ഇടയ്ക്ക് പ്രചരിച്ചിരുന്നു. സിനിമാചിത്രീകരണത്തിനായി ഹിമാചലില്‍ കുരുങ്ങിയ മഞ്ജു വാര്യരെയും സംഘത്തേയും സഹായിക്കണമെന്നാവശ്യപ്പെട്ട് ദിലീപ് തന്നെ സമീപിച്ചിരുന്നുവെന്ന് വ്യക്തമാക്കി ഹൈബി ഈഡനും എത്തിയിരുന്നു. സോഷ്യല്‍ മീഡിയയിലൂടെ ഹൈബി ഈഡന്റെ പോസ്റ്റ് വൈറലായി മാറിയിരുന്നു. മലയാളത്തിന്റെ ലേഡി സൂപ്പര്‍ സ്റ്റാര്‍ എന്ന വിശേഷണം ഇതിനകം തന്നെ താരത്തിന് സ്വന്തമാണ്. ശക്തമായ സ്വീകാര്യതയും മികച്ച പിന്തുണയുമാണ് ഈ താരത്തിന് ലഭിച്ചുകൊണ്ടിരിക്കുന്നത്. അഭിനയിച്ച സിനിമകളിലെ കഥാപാത്രങ്ങളെയെല്ലാം കൃത്യമായി ഓര്‍ത്തിരിക്കുന്നുണ്ടെന്ന് താരം നേരത്തെ വ്യക്തമാക്കിയിരുന്നു. യുവജനോത്സവ വേദിയില്‍ നിന്നുമായിരുന്നു താരം സിനിമയിലേക്ക് എത്തിയത്. സാക്ഷ്യത്തിലൂടെയായിരുന്നു അരങ്ങേറ്റമെങ്കിലും സല്ലാപത്തിലൂടെയായിരുന്നു നായികയായി അരങ്ങേറിയത്.