നീണ്ട നാളത്തെ കാത്തിരിപ്പിനൊടുവിലായി പത്മസരോവരത്തിലേക്ക് പഴയ സന്തോഷം തിരികെ എത്തിയിരിക്കുകയാണ്. ഒന്നിന് പിന്നാലെ ഒന്നൊന്നായി ആഘോഷങ്ങള്‍ നടന്നുകൊണ്ടിരിക്കുകയാണ്. കാവ്യ മാധവന്റെ പിറന്നാളിന് പിന്നാലെയായാണ് മഹാലക്ഷ്മിയുടെ പിറന്നാള്‍ എത്തിയത്. ദിലീപിന്റെ പിറന്നാളും ഇതേ മാസം തന്നെയാണ്.

ദിലീപിന്റേയും കാവ്യ മാധവന്റേയും മകളായ മഹാലക്ഷ്മിയുടെ ആദ്യ പിറന്നാളായിരുന്നു കഴിഞ്ഞ ദിവസം. കഴിഞ്ഞ വര്‍ഷം വിജയദശമി ദിനത്തിലായിരുന്നു ഇവര്‍ക്കരികിലേക്ക് മകളെത്തിയത്. മഹാലക്ഷ്മി എന്നായിരുന്നു മകള്‍ക്ക് പേരിട്ടത്. ചേച്ചിയായ മീനാക്ഷിയാണ് ഈ പേര് തിരഞ്ഞെടുത്തത് എന്ന തരത്തിലുള്ള വിവരങ്ങളും പുറത്തുവന്നിരുന്നു. ദിലീപ്- കാവ്യ മാധവന്‍ ദമ്ബതികളുടെ മകളായ മഹാലക്ഷ്മിയെ കാണാനായുള്ള കാത്തിരിപ്പിലായിരുന്നു ആരാധകര്‍. പിറന്നാള്‍ ദിനത്തില്‍ താരകുടുംബം ചിത്രം പങ്കുവെക്കുമെന്ന പ്രതീക്ഷയുമുണ്ടായിരുന്നു. അതിനിടയിലാണ് ഫേസ്ബുക്കിലൂടെ ഫോട്ടോ പുറത്തുവന്നത്.
മുത്തശ്ശിയുടെ മടിയിൽ ഇരിക്കുന്ന മഹാലക്ഷ്മി. പിറകിലായി മീനാക്ഷിയും ദിലീപും കാവ്യയും. ചെന്നൈയില്‍ എംബിബിഎസ് പഠിക്കുകയാണ് മീനാക്ഷി. കുഞ്ഞനിയത്തിയുടെ പിറന്നാള്‍ ആഘോഷത്തിനായി മീനൂട്ടിയും എത്തിയിരുന്നു.

ജനനം മുതല്‍ത്തന്നെ സെലിബ്രിറ്റികളായി മാറുന്നവരാണ് താരങ്ങളുടെ മക്കള്‍. ഇവരില്‍ പലരുമായിരിക്കും ഭാവിയില്‍ സിനിമയില്‍ തകര്‍ക്കുന്നതെന്ന തരത്തിലുള്ള വിലയിരുത്തലുകളും പുറത്തുവരാറുണ്ട്. അതിനാല്‍ത്തന്നെ അവരെ കാണാനും അവരുടെ വിശേഷങ്ങളറിയാനുമൊക്കെയായി ആരാധകര്‍ക്ക് ആകാംക്ഷയാണ്.