ടൊവിനോയ്ക്ക് പൂര്‍ണിമ പിറന്നാള്‍ ആശംസകള്‍ അറിയിച്ചതിങ്ങനെ
യുവതാരം ടൊവിനോയ്ക്ക് പിറന്നാള്‍ ആശംസകളുമായി നിരവധി താരങ്ങളാണ് രംഗത്തു വന്നിരിക്കുന്നത്. കൂട്ടത്തില്‍ കൗതുകമുണര്‍ത്തുന്ന ഒരു ആശംസ പൂര്‍ണിമ ഇന്ദ്രജിത്തിന്റേതാണ്. 'ഹാപ്പി ബര്‍ത്ത്‌ഡേ സുന്ദരാ,' എന്ന ക്യാപ്ഷനോടെ ടൊവിനോയുടെ രസകരമായൊരു ചിത്രമാണ് പൂര്‍ണിമ പങ്കുവച്ചിരിക്കുന്നത്. മുടി മെടഞ്ഞിട്ട് റബ്ബര്‍ ബാന്‍ഡ് കെട്ടിയിരിക്കുകയാണ് ടൊവിനോ ചിത്രത്തില്‍. ഒപ്പം 'വൈറസി'ന്റെ ലൊക്കേഷനില്‍ നിന്നുള്ള രസകരമായ വീഡിയോകളും പൂര്‍ണിമ ഇന്‍സ്റ്റഗ്രാം സ്‌റ്റോറീസില്‍ പങ്കുവച്ചിട്ടുണ്ട്.
എഞ്ചിനീയറായി ചെയ്യുന്നതിനിടയിലാണ് ജോലി ഉപേക്ഷിച്ച് ടൊവിനോ തന്റെ പാഷനായ അഭിനയത്തിലേക്ക് എത്തിയത്. പ്രഭുവിന്റെ മക്കള്‍ (2012) ആയിരുന്നു ടൊവിനോയുടെ അരങ്ങേറ്റ ചിത്രം. ചെറിയ റോളുകളിലൂടെ പടിപടിയായി ഉയര്‍ന്ന് നായകപദവിയോളം എത്തിയ ടൊവിനോയ്ക്ക് കരിയറില്‍ വലിയൊരു ബ്രേക്ക് നല്‍കിയ ചിത്രം 'എന്ന് നിന്റെ മൊയ്തീന്‍' ആയിരുന്നു. പിന്നീട് ഗപ്പി, ഒരു മെക്‌സിക്കന്‍ അപാരത, ഗോദ, തരംഗം, മായാനദി, ആമി, അഭിയും ഞാനും, മറഡോണ, തീവണ്ടി, ഒരു കുപ്രസിദ്ധ പയ്യന്‍, എന്റെ ഉമ്മാന്റെ പേര്, ലൂസിഫര്‍, ഉയരെ, വൈറസ്, ആന്‍ഡ് ദ ഓസ്‌കാര്‍ ഗോസ് ടു, ലൂക്ക, കല്‍ക്കി, എടക്കാട് ബറ്റാലിയന്‍ തുടങ്ങി നിരവധിയേറെ ചിത്രങ്ങളിലൂടെ മലയാളി പ്രേക്ഷകരുടെ ഇഷ്ടം കവരാന്‍ ടൊവിനോയ്ക്ക് ആയി. 'മാരി 2' എന്ന തമിഴ് ചിത്രത്തിലൂടെ തമിഴകത്തും ശ്രദ്ധ നേടാന്‍ ടൊവിനോയ്ക്ക് കഴിഞ്ഞു.
https://www.facebook.com/Malayalivartha
