ഒരുകാലത്ത് മലയാളികളുടെ മനസ്സിൽ ഇടംനേടിയ ഒരു താരമുണ്ട്. ഫഹദ് ഫാസിലിനെ നായകനാക്കി പിതാവ് ഫാസിലൊരുക്കിയ ചിത്രമാണ് കൈയെത്തും ദൂരത്ത്. ചിത്രത്തില്‍ സുഷമ ബാബുനാഥ് എന്ന കഥാപാത്രമായെത്തിയ താരമാണ് നികിത തുക്രാല്‍. കന്നഡ, തമിഴ്, തെലുങ്ക്, മലയാളം ഭാഷകളിലെ സിനിമകളിലൂടെയാണ് നികിത ഏറെ ശ്രദ്ധ നേടിയത്. 2002ല്‍ ഹായ് എന്ന തെലുഗു ചിത്രത്തിലൂടെയാണ് നികിത ചലച്ചിത്ര അഭിനയരംഗത്തേക്ക് എത്തിയത്. ഇപ്പോള്‍ താരം എവിടെയാണെന്ന് കണ്ടെത്തിരിക്കുകയാണ് സോഷ്യല്‍ മീഡിയ. മലയാളത്തിലെ സൂപ്പര്‍ താരങ്ങളായ മമ്മൂട്ടിക്കും മോഹന്‍ലാലിനുമൊപ്പം അഭിനയിച്ചിട്ടുമുണ്ട് നികിത. നിര്‍മ്മാതാവ് ഡി. രാമനായിഡുവാണ് നികിതക്ക് അഭിനയിക്കാന്‍ ആദ്യമായി അവസരം നല്‍കുന്നത്. പിന്നീട് രാമനായിഡുവിന്‍റെ ഹായ് എന്ന കന്നഡ ചലച്ചിത്രത്തില്‍ നികിത അഭിനയിച്ചു. ബസ് കണ്ടക്ടര്‍, കനല്‍ തുടങ്ങിയ സിനിമകളിലാണ് മമ്മൂട്ടിക്കും മോഹന്‍ലാലിനുമൊപ്പം താരം അഭിനയിച്ചത്. മുംബൈയിലെ ഒരു പഞ്ചാബി കുടുംബത്തിലാണ് നികിത ജനിച്ചത്. 2017-ല്‍ താരം വിവാഹിതയായി. ഗഗന്‍ദീപ് സിംഗ് മാഗോയാണ് ഭര്‍‍ത്താവ്. ഏക മകള്‍ ജാസ്മിര നികിത മാഗോയാണ്. 2018-ല്‍ രാജസിംഹ എന്ന കന്നഡ സിനിമയിലാണ് താരം ഒടുവിലായി അഭിനയിച്ചത്. 2011 സെപ്റ്റംബറില്‍ കന്നഡ ഫിലിം പ്രൊഡ്യൂസേഴ്സ് അസോസിയേഷന്‍ (കെഎഫ്പിഎ) നികിതക്ക് 3 വര്‍ഷത്തെ വിലക്ക് ഏര്‍പ്പെടുത്തിയിരുന്നത് ഏറെ വാ‍ര്‍ത്തയായിരുന്നു. നടന്‍ ദര്‍ശനുമായി നികിതക്ക് ബന്ധമുണ്ടെന്ന് ആരോപിച്ച്‌ ദര്‍ശന്റെ ഭാര്യ നല്‍കിയ പരാതിയിലായിരുന്നു നടപടി. എന്നാല്‍ ഈ ആരോപണത്തെ നികിത എതിര്‍ക്കുകയും തെളിവ് ആവശ്യപ്പെടുകയും ചെയ്തിരുന്നു. ബിഗ് ബോസ് കന്നഡയിലും താരം ഏറെ ശ്രദ്ധ നേടിയിരുന്നു