ലോകമൊട്ടാകെ കൊറോണ വൈറസ് പടരുന്ന സാഹചര്യത്തിൽ അതീവ ജാഗ്രത പുലര്‍ത്തണമെന്ന ലോകാരോഗ്യ സംഘടനയുടെ നിര്‍ദേശം സ്വീകരിച്ച് ജനങ്ങള്‍ അനാവശ്യ യാത്രകള്‍ ഒഴിവാക്കി ഇപ്പോൾ വീട്ടിലിരിക്കുകയാണ്. എന്നാൽ ഈ ഒരു സാഹചര്യത്തിൽ നിരത്തിലെ ജനത്തിരക്കില്‍ വന്ന കുറവ് സാരമായി ബാധിച്ചിരിക്കുന്നത് നഗരത്തിലെ ടാക്‌സി ഡ്രൈവര്‍മാര്‍ അടക്കമുള്ള ദിവസക്കൂലിക്കാരെയാണെന്ന് പറഞ്ഞുകൊണ്ട് രംഗത്തേക്ക് എത്തിയിരിക്കുകയാണ് നടി കാജല്‍ അഗര്‍വാള്‍. കഴിഞ്ഞ ദിവസം ഒരു യാത്രക്കിടെ തന്റെ ക്യാബ് ഡ്രൈവര്‍ പറഞ്ഞ അനുഭവങ്ങള്‍ കാജല്‍ തന്റെ ഇന്‍സ്റ്റാഗ്രാമിലൂടെ പങ്കുവച്ചുകൊണ്ട് കോറോണയുടെ മറ്റൊരു മുഖം കൂടി കാട്ടിത്തരുകയാണ്.

കാജലിന്റെ വാക്കുകള്‍ ഇങ്ങനെ;

'ആ കാര്‍ ഡ്രൈവര്‍ എന്റെ മുമ്പില്‍ ഇരുന്ന് കരയുകയായിരുന്നു. കഴിഞ്ഞ 48 മണിക്കൂറായി അയാളുടെ കാറില്‍ കയറിയ ആദ്യ യാത്രക്കാരി ഞാൻ മാത്രമാണ്. എന്തെന്നാൽ ഇന്നെങ്കിലും പച്ചക്കറിയും വാങ്ങി വീട്ടിലേക്ക് വരുമെന്ന പ്രതീക്ഷയില്‍ ഇരിക്കുകയാണ് അയാളുടെ ഭാര്യ. ഈ വൈറസ് നമ്മളെ പലവിധത്തിലും പരീക്ഷിച്ചുകൊണ്ടിരിക്കുകയാണ്. അതില്‍ ഏറ്റവും കൂടുതല്‍ ബുദ്ധിമുട്ടനുഭവിക്കുന്നത് ദിവസക്കൂലി കൈയില്‍ വാങ്ങുന്ന ഇവരെപ്പോലെയുള്ളവരെ തന്നെ. ഞാനയാള്‍ക്ക് 500 രൂപ കൂടുതല്‍ കൊടുക്കുകയുണ്ടായി. എന്നാൽ അതൊരു വലിയ കാര്യമല്ലായിരിക്കാം. നമ്മള്‍ അവര്‍ക്കുവേണ്ടി ഇതിലധികം ചെയ്യേണ്ടതുണ്ട്. അവസാന യാത്രക്കാരന്‍ ഇറങ്ങിപ്പോയ ശേഷം അയാള്‍ 70 കിലോമീറ്ററിലധികമായി യാത്ര ചെയ്യുന്നുവെന്ന് എനിക്ക് കാണിച്ചു തറുകയുണ്ടായി. നിങ്ങളുടെ കാര്‍ ഡ്രൈവര്‍മാര്‍ക്കും വഴിയോരക്കച്ചവടക്കാര്‍ക്കുമെല്ലാം കുറച്ചുകൂടി പണം നല്‍കിക്കോള്ളൂ. എന്തെന്നാൽ ചിലപ്പോള്‍ നിങ്ങളായിരിക്കും അന്നേ ദിവസത്തെ അയാളുടെ അവസാന കസ്റ്റമര്‍.'

അതേസമയം കൊറോണ പടരുന്ന സാഹചര്യം ഒഴിവാക്കുന്നതിന്റെ ഭാഗമായി ബസ്സുകള്‍ വെട്ടിക്കുറച്ചതും സൂപ്പര്‍മാര്‍ക്കറ്റുകളും മാളുകളും അടച്ചതും നഗരങ്ങളില്‍ തിരക്ക് കുറച്ചിരിക്കുകയാണ്.ഏറ്റതിനാൽ തന്നെ ദിവസക്കൂലിക്കാരെ ഇത് പ്രതികൂലമായി തന്നെ ബാധിക്കുകയും ചെയ്യും.