സോഷ്യൽ മീഡിയയിൽ ചർച്ചയായി അമൃതയുടെയും ബാലയുടെയും മകൾ ​പാ​പ്പുവിന്റെ പിറന്നാൾ ആഘോഷം. അമ്മയും മകളും ചേര്‍ന്നാണ് കേക്ക് മുറിച്ച്‌ പിറന്നാള്‍ ആഘോഷിച്ചത്. ഇതിന്റെ വീഡിയോ അമൃത സോഷ്യല്‍ മീഡിയയിലൂടെ പങ്കുവെക്കുകയായിരുന്നു.

പാപ്പുവിന്റെ ഒമ്പതാം പിറന്നാളിന് ആരാധകരും ആശംസയുമായി എത്തി. ഹാപ്പി ബര്‍ത്ത്‌ഡേ പാടിക്കൊണ്ടാണ് അമൃതയും പാപ്പുവും ചേര്‍ന്ന് കേക്ക് മുറിച്ചത്. എന്റെ കുഞ്ഞിക്കുറുമ്പിക്ക് ഒരായിരം ചക്കര ഉമ്മ എന്ന് പറഞ്ഞു കൊണ്ടാണ് അമൃത വീഡിയോ പങ്കുവച്ചത്. വീഡിയോ നിമിഷങ്ങള്‍ക്കകം തന്നെ വൈറലായി മാറി.

സൈമ അവാര്‍ഡ്‌സില്‍ പങ്കെടുക്കാനായി ഹൈദരാബാദില്‍ പോയിരിക്കുകയായിരുന്നു അമൃതയും അഭിരാമിയും. അവാര്‍ഡ് വേദിയില്‍ നിന്നുമുള്ള വീഡിയോകളും ചിത്രങ്ങളുമെല്ലാം അമൃതയും അഭിരാമിയും പങ്കുവച്ചിരുന്നു. അവിടെ നിന്നും മകളുടെ പിറന്നാള്‍ ആഘോഷിക്കാനായി ഓടിയെത്തുകയായിരുന്നു.

പ്രണയ വിവാഹത്തിന് പിന്നാലെ ബന്ധത്തിൽ വിള്ളൽ വീണതോടെ 2015 മുതൽ ഇരുവരും വേർപിരിഞ്ഞ് കഴിയുകയായിരുന്നു. 2019 ല്‍ ഔദ്യോഗികമായി തന്നെ ബാലയും അമൃതയും പിരിഞ്ഞു. അടുത്ത കാലത്താണ് ബാല മറ്റൊരു വിവാഹം കഴിച്ചത്.

വിവാഹത്തിന് പിന്നാലെ ബാലയോട് മകളെ കുറിച്ച്‌ ചില ചോദ്യങ്ങള്‍ ചോദിച്ചിരുന്നു. എന്നാല്‍ താന്‍ ഇപ്പോഴും മകളെ സ്‌നേഹിക്കുന്നുവെന്നായിരുന്നു ബാലയുടെ മറുപടി. എന്നാൽ വിവാഹം കഴിഞ്ഞതോടെ മകളുടെ പിറന്നാൾ മറന്ന മട്ടാണ് താരത്തിനെന്ന് ആരാധകർ കമന്റിലൂടെ പ്രതികരിച്ചു.

മകളുടെ പിറന്നാളിന് അമൃത എത്തിയപ്പോൾ ആശംസകളുമായി ബാലയെ കണ്ടില്ലെന്നാണ് മറ്റുകമന്റുകൾ. സംഭവം എന്തുതന്നെ ആയാലും കമന്റുകളിലൂടെ നിരവധി പേരാണ് പാപ്പുവിന് ആശംസകള്‍ നേരുന്നത്. അമ്മയെ പോലെ തന്നെ മകളും ആരാധകരുടെ പ്രിയങ്കരിയാണ്.