മുംബൈ ബാന്ദ്രയിലെ രണ്‍ബീര്‍ കപൂറിന്റെ വസതിയില്‍ ബന്ധുക്കളുടേയും അടുത്ത സുഹൃത്തുക്കളുടെയും സാന്നിധ്യത്തിൽ ഏതാനും മാസങ്ങൾക്ക് മുൻപായിരുന്നു ഇരുവരും വിവാഹിതരായത്. എന്നാൽ വൈകാതെ തന്നെ ആലിയ അമ്മയാകാന്‍ പോകുന്നു എന്ന വാര്‍ത്തയും പുറത്തുവന്നു. ആലിയ തന്നെയാണ് ഈ വിവരം സോഷ്യല്‍ മീഡിയയിലൂടെ പങ്കുവെച്ചത്. എന്നാൽ അതിനു പിന്നാലെ വിവാഹ ശേഷം ഇരുവരും കമ്മിറ്റ് ചെയ്തിരുന്ന ചിത്രങ്ങള്‍ പൂര്‍ത്തിയാക്കാനായി ഷൂട്ടിംഗ് ലൊക്കേഷനുകളിലേയ്ക്ക് മടങ്ങിയിരുന്നു. നിലവില്‍ ലണ്ടനിലുള്ള ആലിയ തന്റെ ആദ്യത്തെ ഹോളിവുഡ് ചിത്രമായ ഹാര്‍ട്ട് ഓഫ് സ്റ്റോണിന്റെ ചിത്രീകരണത്തിരക്കിലാണ്. ഇതിനിടെയാണ് ആലിയയെ തിരികെ കൊണ്ടുവരാന്‍ റണ്‍ബീര്‍ തയ്യാറെടുക്കുകയാണെന്ന ആഭ്യൂഹങ്ങള്‍ സോഷ്യല്‍ മീഡിയയില്‍ വലിയ രീതിയില്‍ പ്രചരിച്ചത്. ഇന്‍സ്റ്റഗ്രാമില്‍ പ്രചരിച്ച അഭ്യൂഹങ്ങള്‍ക്ക് മറുപടി നല്‍കിയിരിക്കുകയാണ് ആലിയ ഭട്ട്. ചിലര്‍ക്ക് ഇത് ഇപ്പോഴും പുരുഷാധിപത്യ ലോകമാണ്. ആരും ആരെയും എടുക്കേണ്ട ആവശ്യമില്ല. താന്‍ ഒരു സ്ത്രീയാണ്, പാഴ്‌സലല്ല. തനിക്ക് വിശ്രമിക്കേണ്ട ആവശ്യമില്ല. അതിന് ഡോക്ടറുടെ സര്‍ട്ടിഫിക്കറ്റും ഉണ്ടെന്ന് നിങ്ങള്‍ അറിയുന്നത് നല്ലതാണെന്ന് ആലിയ പറഞ്ഞു. വാര്‍ത്തയുടെ സ്‌ക്രീന്‍ ഷോട്ട് സഹിതം പങ്കുവെച്ചാണ് ആലിയയുടെ മറുപടി.